ឆេះវិមានប្រពៃណីមួយ ដែលបញ្ជូលក្នុងបេតិកភ័ណ្ឌពិភពលោក(វីដេអូ)
ប្រទេសជប៉ុន ៖ ភ្លើងកាលពីយប់ថ្ងៃទី៣០ មកទី៣១ ខែតុលា ឆ្នាំ ២០១៩ បានឆាបឆេះយ៉ាងខ្លាំង វិមាន SHURI…
ប្រទេសជប៉ុន ៖ ភ្លើងកាលពីយប់ថ្ងៃទី៣០ មកទី៣១ ខែតុលា ឆ្នាំ ២០១៩ បានឆាបឆេះយ៉ាងខ្លាំង វិមាន SHURI ជាវិមានប្រពៃណីមួយរបស់ជប៉ុនបញ្ជូលក្នុងបេតិកភ័ណ្ឌពិភពលោករបស់អង្គការយូណេស្កូ។
យោងតាមក្រុមអ្នកពន្លត់ភ្លើងក្រុងអូសាកាដកស្រង់សម្ដីដោយទូរទស្សន៍ជាតិជប៉ុនNHKថា ភ្លើងដំបូង បានឆេះចេញពីសាលធំនៃវិមាននោះ ហើយឆេះរាលដាលយ៉ាងឆាប់រហ័ស។ ប្រជាជនរស់នៅជុំវិញវិមាននោះបានត្រូវជម្លៀសចេញ ហើយបើតាមបណ្ដាសារព័ត៌មានជប៉ុនថា ពុំមានសេចក្ដីរាយការណ៍ពីអ្នករបួសម្នាក់ណាឡើយ។
អគារសំខាន់ៗទាំងអស់នៃវិមាននោះត្រូវភ្លើងឆេះអស់ទាំងស្រុង។ នេះជាការអះអាងនាថ្ងៃទី៣១តុលា របស់លោកដាអ៊ីស៊ូកេហ្វូរូហ្សេន អ្នកទទួលខុសត្រូវម្នាក់របស់ក្រុមពន្លត់ភ្លើងក្រុងណាហា។ លោកថា យើងបន្តការខិតខំប្រឹងប្រែងជាមួយឡានទឹក៣០គ្រឿងនិងអ្នកពន្លត់ភ្លើងប្រមាណ១០០នាក់ ដើម្បីពន្លត់ភ្លើងឆេះវិមានប្រវត្តិសាស្ត្រនោះ៕ (កែសម្រួលដោយ ៖ បុប្ផា) (ប្រភពវីដេអូ ៖ Le Huffington Post)
ចែករំលែកព័តមាននេះ