អូតង់​ អំពាវនាវ​ដល់​រុ​ស្ស៊ី ដកទ័ព​ចេញ


ប្រទេស​អ៊ុយ​ក្រែ​ន​-​រុ​ស្ស៊ី ៖ អគ្គលេខាធិការ​អូតង់​លោក​JENS STOLTENBERG​កាលពី​ថ្ងៃ​ទី​៣០​តុលា បាន​ស្នើ​ដល់​រុ​ស្ស៊ី ​ឲ្យ​ដក​កងទ័ព​របស់​ខ្លួ​ន​ចេញពី​ភាគ​ខាងកើត​អ៊ុយ​ក្រែ​ន បន្ទាប់​ពី​ការ​ដក​ថយ​នៃ​កង​ទាហាន​អ៊ុយ​ក្រែ​ន​និង​កងកម្លាំង​ពួក​ឧទ្ទាម​ស្និទ្ធ​រុ​ស្ស៊ី ចេញពី​ផ្នែក​គន្លឹះ​មួយ​នៅ​តាម​ខ្សែបន្ទាត់​រណសិរ្ស​។

លោក​JENS STOLTENBERG​ដែល​មក​បំពេញ​ទស្សនកិច្ច​មួយ​នៅ​ទីក្រុង​អូ​ដេ​សា ភាគ​ខាងត្បូង​អ៊ុយ​ក្រែ​ន​ថ្លែង​ថា អូតង់​និយាយ​យ៉ាង​ច្បាស់​ថា​រុ​ស្ស៊ីត្រូវ​មានការ​ទទួលខុស​ត្រូវជា​ពិសេស ក្នុង​ការ​អនុវត្ត​បណ្ដា​កិច្ចព្រមព្រៀង​សន្តិភាព​ទីក្រុង​មីន​ស្ក៍​និង​ថា ខ្លួន​ត្រូវ​ដក​រាល់​កងទ័ព​ចេញពី​ភាគ​ខាងកើត​អ៊ុយ​ក្រែ​ន ដែល​នៅ​ទីនោះ​មនុស្ស​ប្រមាណ​ជា​១៣.០០០​នាក់​ស្លាប់​តាំងពី​ចាប់ផ្ដើម​ការ​ប្រយុទ្ធ​គ្នា​កាលពី​៥​ឆ្នាំ​មុន​មក​។

ក្រុង​មូ​ស្គូ​បាន​បដិសេធ​យ៉ាង​ម៉ឺង​ម៉ាត់​រាល់​ការ​ចូលរួម​នៃ​កង​យោធា​ខ្លួន​ក្នុង​ជម្លោះ​នៅ​ភាគ​ខាង​កើត​អ៊ុយ​ក្រែ​ន ទោះជា​មានការ​កត់សម្គាល់​ឃើញ​របស់​សារព័ត៌មាន​ជា​ច្រើន​ក្ដី​។ ក្រោម​ការ​ជម្រុញ​របស់​ប្រធានាធិបតី​ថ្មី​អ៊ុយ​ក្រែ​ន លោក​VOLODYMYR ZELENSKY ដែល​ចង់​ស្ដារ​សន្តិភាព​ឡើង​វិញ ក្រុង​កៀវ​និង​ពួក​បំបែក​ខ្លួន​និយម​ចាប់ផ្ដើម​ពី​ថ្ងៃ​ទី​២៩​តុលា​ដក​កង​ទាហាន​របស់​ពួក​គេ ចេញពី​តំបន់​គន្លឹះ​តូច​មួយ​នៃ​ខ្សែ​រណសិរ្ស ជា​លក្ខខណ្ឌ​ជា​មុន​សម្រាប់​កិច្ចប្រជុំ​កំពូល​សន្តិភាព​មួយ​ជាមួយ​ក្រុង​មូ​ស្គូ​។ ប្រតិបត្តិការ​នេះ​នាំ​ឲ្យ​មានការ​បារម្ភ​នៅ​អ៊ុយ​ក្រែ​ន​ពី​ការ​ចុះចាញ់​មួយ​ប្រឈម​មុខ​នឹង​ក្រុង​មូ​ស្គូ​៕ (​កែសម្រួល​ដោយ ៖ បុប្ផា​)

ព័ត៌មាន​អន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ