អ្នកប្រហែលជាធ្លាប់គិតហើយថា ប្រសិនបើចង់រកលុយបានច្រើន អ្នកត្រូវតែធ្វើការច្រើនម៉ោងដែរ ។ បើនិយាយឲ្យខ្លីទៅ គឺយកពេលវេលាទៅប្តូរលុយមកវិញ ។ ប៉ុន្តែទស្សនៈនេះមិនត្រឹមត្រូវទាំងស្រុងទេ ព្រោះពេលវេលាជាធនធានដែលមានសារៈសំខាន់ជាងគេសម្រាប់មនុស្សម្នាក់ៗដែលសូម្បីតែលុយក៏មិនអាចទិញវាមកវិញបានដែរ ។…
អ្នកប្រហែលជាធ្លាប់គិតហើយថា ប្រសិនបើចង់រកលុយបានច្រើន អ្នកត្រូវតែធ្វើការច្រើនម៉ោងដែរ ។ បើនិយាយឲ្យខ្លីទៅ គឺយកពេលវេលាទៅប្តូរលុយមកវិញ ។ ប៉ុន្តែទស្សនៈនេះមិនត្រឹមត្រូវទាំងស្រុងទេ ព្រោះពេលវេលាជាធនធានដែលមានសារៈសំខាន់ជាងគេសម្រាប់មនុស្សម្នាក់ៗដែលសូម្បីតែលុយក៏មិនអាចទិញវាមកវិញបានដែរ ។
ប្រសិនបើអ្នកយកពេលវេលាទៅប្តូរយកលុយនោះប្រាក់ចំណូលរបស់អ្នកក៏មានកម្រិតតាមពេលវេលាដែលអ្នកមានដែរ ។ មូលហេតុមួយគឺព្រោះអ្នកមានតែ ២៤ ម៉ោងក្នុងមួយថ្ងៃប៉ុណ្ណោះ ហើយអ្នកត្រូវបែងចែកពេលវេលាសម្រាប់ការចូលដំណេក សម្រាក និងធ្វើដំណើរពីកន្លែងមួយទៅកន្លែងមួយជាដើម ។ ប៉ុន្តែអ្នកគួរធ្វើយ៉ាងដូចម្តេចដើម្បីឈប់ទម្លាប់នេះ?
១. ផ្លាស់ប្តូរទស្សនៈ៖
ជំហានដំបូង គឺការផ្លាស់ប្តូរទស្សនៈដែលធ្វើឲ្យអ្នកគិតថា ប្រសិនបើអ្នកចង់រកលុយបានច្រើន អ្នកត្រូវយកពេលវេលាដើម្បីប្តូរយកវា ។ ផ្ទុយមកវិញ អ្នកគួរគិតពីតម្លៃខ្លួនរបស់អ្នកវិញ ឬតម្លៃដែលអ្នកអាចបង្កើតសម្រាប់អ្នកដទៃ និងវិធីក្នុងការបង្កើតតម្លៃទាំងនោះ ។ តើអ្នកមានអ្វីដែលអ្នកដទៃឲ្យតម្លៃ?
២. ពង្រឹងជំនាញ៖
នៅពេលដែលអ្នកយល់ដឹងពីចំណុចខ្លាំងរបស់អ្នកហើយ អ្នកត្រូវក្លាយជាអ្នកមានជំនាញក្នុងផ្នែកនោះ ។ ពេលដែលអ្នកធ្វើដូច្នេះ អ្នកដទៃនឹងកាន់តែឲ្យតម្លៃអ្នកទៀត បន្ទាប់មកប្តេជាធ្វើជាអ្នកឈានមុខគេក្នុងវិស័យរបស់អ្នក ។
៣. កំណត់តម្លៃសម្រាប់ពេលវេលារបស់អ្នក៖
មិនមែននរណាម្នាក់ក៏អាចក្លាយជាសហគ្រិនក្នុងមួយពព្រិចភ្នែកដែរ ។ ដោយហេតុដូចនេះទើបអ្នកអាចធ្វើការបែប Freelance បាន ។ ប៉ុន្តែបើអ្នកជ្រើសរើសផ្លូវនេះ អ្នកត្រូវកំណត់តម្លៃសម្រាប់ពេលវេលាដែលអ្នកចំណាយឲ្យបានច្បាស់លាស់ ។ អ្នកមិនគួរធ្វើការឲ្យមនុស្សដប់អ្នកដើម្បីថវិកា ២ ដុល្លារក្នុងមួយម៉ោងទេ ។ ផ្ទុយមកវិញ រកអតិថិជនម្នាក់ដែលសុខចិត្តចំណាយ ២០ ដុល្លារដើម្បីទទួលបានពេលវេលាមួយម៉ោងរបស់អ្នកវិញ ។
៤. បង្កើតផលិតផល៖
ពេលដែលមានមនុស្សកាន់តែច្រើនស្គាល់ និងជឿទុកចិត្តអ្នកហើយ អ្នកគួរផ្តោតស្មារតីលើការបង្កើតផលិតផលអនឡាញមួយដែលជួយរកប្រាក់ចំណូលឲ្យអ្នកទោះជាអ្នកមិនចំបាច់ចំណាយពេលវេលាច្រើន ៕ កែសម្រួលដោយ ៖ សុឃាក់
ចែករំលែកព័តមាននេះ