រាជធានីភ្នំពេញ ៖ រថយន្តកូរ៉េដឹកទឹកសុទ្ធមួយគ្រឿងបើកឡើងចំណោទឆ្លងកាត់ក្លោងទ្វារវត្តសន្សំកុសលមិនប្រយ័ត្នជ្រុលកៀរបណ្តាលអោយសសរឃ្លោងទ្វារត្រូវបាក់រងការខូចខាត កាលពីវេលាម៉ោង៩និង០០នាទីព្រឹក ថ្ងៃទី៣១ ខែតុលា ឆ្នាំ២០១៩ នៅចំណុចតាមបណ្តោយផ្លូវលេខ២៧១ ក្នុងសង្កាត់បឹងទំពន់ទី១ ខណ្ឌមានជ័យ…
រាជធានីភ្នំពេញ ៖ រថយន្តកូរ៉េដឹកទឹកសុទ្ធមួយគ្រឿងបើកឡើងចំណោទឆ្លងកាត់ក្លោងទ្វារវត្តសន្សំកុសលមិនប្រយ័ត្នជ្រុលកៀរបណ្តាលអោយសសរឃ្លោងទ្វារត្រូវបាក់រងការខូចខាត កាលពីវេលាម៉ោង៩និង០០នាទីព្រឹក ថ្ងៃទី៣១ ខែតុលា ឆ្នាំ២០១៩ នៅចំណុចតាមបណ្តោយផ្លូវលេខ២៧១ ក្នុងសង្កាត់បឹងទំពន់ទី១ ខណ្ឌមានជ័យ ។
យោងតាមប្រភពព័ត៌មាននៅកន្លែងកើហេតុអោយដឹងថា មុនពេលកើតហេតុគេសង្គេតឃើញរថយន្តបង្ក ពណ៌សលាយបៃតង ពាក់ស្លាកលេខ កណ្តាល 3A-0738 បើបរដោយបុរសម្នាក់តាមបណ្តោយផ្លូវប៉េតុងបើកឡើងចំណោទដោយឆ្លងកាត់ក្លោងទ្វារវត្តសន្សំកុសលបំណងបើកឡើងសំដៅទៅផ្លូវ២៧១ ។
លុះពេលបើកឡើងជិតផុតហើយនោះរថយន្តស្រាប់បួងចង្កូតបត់លឿនពេកបណ្តាលអោយជ្រុលកៀរសសរក្លោងទ្វារបណ្តាលអោយបែកសសររងការខូចខាតអស់មួយចំហៀងខាងស្តាំ ។ ស្របពេលកើតហេតុនោះមានកម្លាំងនគរបាល និងប្រជាការពារកំពុងឈរចាំសម្រួលចរាចរណ៍នៅតំបន់នោះបានប្រទះឃើញក៏ធ្វើការជួយចាប់ឃាត់រថយន្ត និងអ្នកបើកបរបានភ្លាមៗ រួចរាយការណ៍ជូននគរបាលមូលដ្ឋានដើម្បីចុះអន្តរាគមន៍ ។
ភ្លាមៗនោះដែរនគរបាលមូលដ្ឋានបានចុះអន្តរាគមន៍ និងទំនងទៅខាងគណៈសង្ឃវត្តសន្សំកុសលដើម្បីចចារសងសំណងថ្លៃខូចខាតដើម្បីបញ្ចប់រឿងរ៉ាវ ប៉ុន្តែដោយសារព្រះសង្ឃទាំងអស់ជាប់រវល់ជាមួយពិធីបុណ្យព្រះសពសម្តេច លាស់ ឡាយ ដែលទើបនឹងយាងសោយទិវង្គតថ្មីៗនោះ ទើបកម្លាំងនគរបាលសម្រេចឃាត់យករថយន្តបង្កទៅរក្សាទុកនៅអធិការដ្ឋាននគរបាលខណ្ឌមានជ័យជាបណ្តោះអាសន្នសិនរងចាំដោះស្រាយគ្នានៅពេលក្រោយ ៕
កែសម្រួលដោយ ៖ សំណាង
ចែករំលែកព័តមាននេះ