កក្រើកទៀតហើយ! ការប្រកួតអន្តរជាតិ Khmer Fight នៅខេត្តកំពង់ស្ពឺ
- ភ្នំពេញ
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា នៅថ្ងៃសៅរ៍ ទី២ និងទី៣ ខែវិច្ឆិកា ឆ្នាំ២០១៩ ខាងមុខនេះ គណៈកម្មការ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា នៅថ្ងៃសៅរ៍ ទី២ និងទី៣ ខែវិច្ឆិកា ឆ្នាំ២០១៩ ខាងមុខនេះ គណៈកម្មការ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា នៅថ្ងៃសៅរ៍ ទី២ និងទី៣ ខែវិច្ឆិកា ឆ្នាំ២០១៩ ខាងមុខនេះ គណៈកម្មការ TV5 បានប្រកាសថា នឹងបើកការប្រកួតអន្តរជាតិឱ្យកក្រើកនៅខេត្តកំពង់ស្ពឺ ដោយសមាសភាពកីឡាករកម្ពុជា ព្រមទាំងកីឡាករបរទេស ដែលសុទ្ធតែត្រូវបានជ្រើសរើស ដើម្បីឱ្យការប្រកួតទាំងមូលទទួលបានការចាប់អារម្មណ៍ខ្ពស់។
នេះជាការប្រកួតអន្តរជាតិ Khmer Fight ដែលប៉ុស្តិ៍លេខ៥ ប្រកាសធ្វើឡើងបន្ទាប់ពីកន្លងមក Khmer Fight ត្រូវបានធ្វើឡើងយ៉ាងជោគជ័យនៅភ្នំពេញ និងខេត្តព្រៃវែង។ ព្រឹត្តិការណ៍នេះ ត្រូវបានគេប៉ាន់ស្មានថា នឹងល្បីដូច Thai Fight សម្រាប់ប្រទេសកម្ពុជានោះផង។
ការប្រកួតអន្តរជាតិដែលប្រកាសធ្វើនៅចុងសប្ដាហ៍នេះ ជាការរៀបចំរបស់គណៈកម្មការប្រដាល់នៅប៉ុស្ដិ៍លេខ៥ ដើម្បីផ្ដល់ឱកាសរំលេចព្រឹត្តិការណ៍ Khmer Fight ក៏ដូចជាជម្រើសរកកីឡាករកម្ពុជា និងកីឡាករបរទេស មកពីប្រទេសផ្សេងឱ្យមកប្រកួត ដោយគ្រាន់តែតម្រូវឱ្យគោរពលក្ខន្តិកៈក្បាច់ប្រដាល់របស់ខ្មែរ ក្នុងបំណងផ្សព្វផ្សាយក្បាច់គុនរបស់ខ្មែរ។
កម្មវិធីនេះ ត្រូវបានរៀបចំ២លើកមកហើយ ដោយលើកទី១ បើកប្រកួតនៅក្នុងព្រឹត្តិការណ៍សម្ពោធវិមានឈ្នះ-ឈ្នះ និងលើកទី២ គឺទើបតែបញ្ចប់នៅក្នុងព្រឹត្តិការណ៍សង្ក្រាន្ត នៅព្រៃវែង កាលពីថ្ងៃទី១៥ មេសា ឆ្នាំ២០១៩ ដោយទទួលបានជោគជ័យយ៉ាងខ្លាំង ។ បើទោះជាមានអ្នកខ្លះនៅតែយល់ថា ព្រឹត្តិការណ៍ដើរក្រោយ Thai Fight ។
គួរបញ្ជាក់ផងដែរថា ព្រឹត្តិការណ៍ Khmer Fight ដែលប្រកាសធ្វើនៅកំពង់ស្ពឺនេះ រួមមានកីឡាករ រឿង សោភ័ណ្ឌ, វង្ស ណយ និងកីឡាករកម្ពុជា ព្រមទាំងកីឡាបរទេសផ្សេងៗទៀត សុទ្ធតែមានកេរ្តិ៍ឈ្មោះបោះសំឡេង ។ ហើយគូបរទេសទាំង៦គូ គឺមកពីច្រើនប្រទេស នឹងមកប្រកួតគ្នារយៈពេលទាំង២ថ្ងៃ ដោយអ្នករៀបចំបញ្ជាក់ថា នឹងធ្វើឱ្យការរៀបចំជាថ្មីនេះ ជោគជ័យជាងលើកមុនៗ។ (កែសម្រួលដោយ ៖ បុប្ផា)
ចែករំលែកព័តមាននេះ