រាជធានីភ្នំពេញ ៖ មានករណីប្រទះឃើញបុរសជាជនជាតិអាមេរិកម្នាក់អាយុ៦៥ឆ្នាំ សង្ស័យគាំងបេះដូង បណ្តាលឱ្យដួលផ្កាប់មុខដេកស្លាប់ទាំងអាក្រាតកាយ បង្កអោយមានការភ្ញាក់ផ្អើលដល់សមត្ថកិច្ចចុះមកពិនិត្យកន្លែងកើតហេតុកាលពីវេលាម៉ោង៧យប់ថ្ងៃទី៣០ ខែតុលា ឆ្នាំ២០១៩ តាមបណ្តោយផ្លូវ១១៨ កែងផ្លូវ១៥…
រាជធានីភ្នំពេញ ៖ មានករណីប្រទះឃើញបុរសជាជនជាតិអាមេរិកម្នាក់អាយុ៦៥ឆ្នាំ សង្ស័យគាំងបេះដូង បណ្តាលឱ្យដួលផ្កាប់មុខដេកស្លាប់ទាំងអាក្រាតកាយ បង្កអោយមានការភ្ញាក់ផ្អើលដល់សមត្ថកិច្ចចុះមកពិនិត្យកន្លែងកើតហេតុកាលពីវេលាម៉ោង៧យប់ថ្ងៃទី៣០ ខែតុលា ឆ្នាំ២០១៩ តាមបណ្តោយផ្លូវ១១៨ កែងផ្លូវ១៥ នៅចំណុចផ្ទះជាន់ទី២ ស្ថិតក្នុងភូមិ៦ សង្កាត់ផ្សារចាស់ ខណ្ឌដូនពេញ ។
ជនរងគ្រោះដែលស្លាប់ខាងលើឈ្មោះEDWARDS BRADFORD BOWMAN ភេទប្រុស អាយុ៦៥ឆ្នាំ ជាជនជាតិអាមេរិកាំង ជាអ្នកទេសចរណ៍ ស្នាក់នៅផ្លូវ១១៨ ភូមិ៦ សង្កាត់ផ្សារចាស់ ខណ្ឌដូនពេញ ។
តាមប្រភពពីសាក្សីដែលឃើញហេតុការណ៍បានអោយដឹងថា មុនពេលកើតហេតុ នៅវេលាម៉ោង៣រសៀលថ្ងៃទី៣០ ខែតុលា ឆ្នាំ២០១៩ មានអ្នកជិតខាងសង្ស័យថា បុរសជនជាតិអាមេរិកម្នាក់ខាងលើនោះមានបញ្ហា ទើបពួកគាត់ទូរស័ព្ទរាយការណ៍ប្រាប់សមត្ថកិច្ចប៉ុស្តិ៍ផ្សារចាស់ឱ្យចុះមកពិនិត្យកន្លែងកើតហេតុ ។
តាមប្រភពដដែលបានបន្តថា ភ្លាមៗនោះដែរ សមត្ថកិច្ចបាននាំកម្លាំងចុះមកដល់ទីតាំងកន្លែងកើតហេតុ រួចក៏ឡើងទៅបើកទ្វារផ្ទះរបស់បុរសជាជនជាតិអាមេរិក លុះដើរចូលទៅក៏ប្រទះឃើញបុរសជាជនជាតិអាមេរិកម្នាក់នោះដេកផ្កាប់មុខស្លាប់ទាំងមិនមានស្លៀកខោអាវនោះទេ ។
បន្ទាប់មក សមត្ថកិច្ចប៉ុស្តិ៍ផ្សារចាស់ក៏បានរាយការណ៍បន្តទៅខាងអ្នកជំនាញពិនិត្យកោសល្យវិច្ច័យរបស់ស្នងការរាជធានីភ្នំពេញឱ្យចុះមកធ្វើការពិនិត្យ ដោយសមត្ថកិច្ចជំនាញធ្វើកោសល្យវិច្ច័យលើសពជនរងគ្រោះជាង៥ម៉ោង ទើបរកឃើញថា ជនរងគ្រោះស្លាប់ដោយសារតែជំងឺគាំងបេះដូង ដោយសារជនរងគ្រោះលេបថ្នាំច្រើនមុខពេក ទើបបណ្តាលឱ្យស្លាប់បែបនេះតែម្តង។
ក្រោយពេលកើតហេតុ សពជនរងគ្រោះត្រូវបានសមត្ថកិច្ចដឹកយកទៅតម្កល់ទុកនៅវត្តទឹកថ្លាជាបណ្តោះអាសន្ន រង់ចាំទំនាក់ទំនងទៅខាងក្រុមគ្រួសារសាច់ញាតិដើម្បីឱ្យមកទទួលយកសពទៅធ្វើបុណ្យតាមប្រពៃណី ៕ (កែសម្រួលដោយ ៖ ធីតា)
ចែករំលែកព័តមាននេះ