មនុស្សជាច្រើនជួបនឹងករណីមិនមានប្រាក់សន្សំគ្រប់គ្រាន់សម្រាប់ថ្ងៃអនាគទេ ។ មូលហេតុ គឺមកពីរាល់ពេលដែលប្រាក់បៀវត្សចូលក្នុងគណនីធនាគារ អ្នកចាប់ផ្តើមចាយវាយវាលើអ្វីផ្សេងៗដែលអ្នកគិតថា សំខាន់ដូចជា ថ្លៃជួលផ្ទះ ថ្លៃទឹកភ្លើង ម្ហូបអាហារ និងការដើរលេងកម្សាន្តម្កងម្កាលជាដើម…
មនុស្សជាច្រើនជួបនឹងករណីមិនមានប្រាក់សន្សំគ្រប់គ្រាន់សម្រាប់ថ្ងៃអនាគទេ ។ មូលហេតុ គឺមកពីរាល់ពេលដែលប្រាក់បៀវត្សចូលក្នុងគណនីធនាគារ អ្នកចាប់ផ្តើមចាយវាយវាលើអ្វីផ្សេងៗដែលអ្នកគិតថា សំខាន់ដូចជា ថ្លៃជួលផ្ទះ ថ្លៃទឹកភ្លើង ម្ហូបអាហារ និងការដើរលេងកម្សាន្តម្កងម្កាលជាដើម ។ រហូតដល់ពេលអ្នកត្រូវទុកលុយសន្សំ អ្នកក៏ប្រទះឃើញថា ប្រាក់បៀវត្សន៍បានបាត់អស់ទៅហើយ ។
ទម្លាប់នេះបង្ហាញពីទម្លាប់មិនដែលទុកលុយសម្រាប់ខ្លួនឯងមុនពេលការចាយវាយផ្សេងៗ ។ ហើយការទិញសម្លៀកបំពាក់ថ្មីៗ ឬសម្ភារទំនើបៗសម្រាប់ខ្លួនឯងមិនមែនជាការទុកលុយ ឬការបើកលុយឲ្យខ្លួនឯងទេ ។ ផ្ទុយមកវិញ ការទុកលុយសម្រាប់សន្សំទេទើបជាការបើកលុយឲ្យខ្លួនឯងមុន ។ ដូច្នេះមិនថា គោលដៅរបស់អ្នក គឺសន្សំលុយ ដើម្បីវិនិយោគបើកអាជីវកម្ម ឬទិញអចលនទ្រព្យទេ ប្រសិនបើអ្នកសន្សំក្រោយពីការចាយវាយផ្សេងៗ អ្នកមិនអាចសម្រេចគោលដៅបានលឿនឡើយ ។
ដូច្នេះអ្នកត្រូវតែចាប់ផ្តើមចេះទុកដាក់លុយសម្រាប់គោលដៅទាំងនេះមុនអ្វីផ្សេងៗទាំងអស់ ។ តើអ្នកអាចធ្វើវាបានដោយវិធីណា ? វិធីដែលងាយស្រួលជាងគេ គឺការរំលែកលុយសម្រាប់សន្សំមុនគេបង្អស់បន្ទាប់ពីទទួលបានប្រាក់បៀវត្សសម្រាប់ខែថ្មី ។ ហើយប្រាកដណាស់ ប្រសិនបើអ្នកបើកគណនីធនាគារសម្រាប់តែប្រាក់សន្សំសុទ្ធនោះ អ្នកនឹងមានភាពងាយស្រួលក្នុងការតាមដានការសន្សំ និងអាចចំណេញអត្រាការប្រាក់ទៀតផង ។
សម្រាប់ចំនួនដែលអ្នកគួរតែសន្សំទុកនោះ គឺខុសគ្នាពីមនុស្សម្នាក់ទៅមនុស្សម្នាក់ ។ ប៉ុន្តែអ្វីដែលសំខាន់ គឺអ្នកត្រូវដឹងចំនួននៃការចំណាយទូទៅដែលចាំបាច់ដូចជាថ្លៃម្ហូបអាហារ ឬធ្វើដំណើរជាដើម ។ បន្ទាប់មកចូរត្រួតពិនិត្យលើការចាយវាយបន្ទាប់បន្សំដទៃហើយពិចារណាឡើងវិញថា តើការចាយវាយទាំងនោះពិតជាចាំបាច់ឬទេ?ហើយមានផ្នែកអ្វីដែលអ្នកអាចកាត់បន្ថយការចាយវាយលើបាន?៕ កែសម្រួលដោយ ៖ សុឃាក់
ចែករំលែកព័តមាននេះ