សហរដ្ឋអាមេរិក ៖ ការបាញ់ប្រហារមួយត្រូវបានរាយការណ៍កាលពីថ្ងៃទី២៩ ខែតុលា នៅឡុងប៉ិច រដ្ឋកាលីហ្វ័រនីញ៉ា នាយប់ថ្ងៃបុណ្យ HALLOWEEN បណ្ដាលឲ្យមនុស្សស្លាប់យ៉ាងតិច៣នាក់ ហើយមនុស្ស៩នាក់រងរបួស។
អ្នកនាំពាក្យម្នាក់របស់ក្រុមពន្លត់ភ្លើងក្រុងឡុងប៊ីចរៀបរាប់ថា មនុស្ស១២នាក់ត្រូវគ្រាប់កាំភ្លើងក្នុងនោះ៣នាក់ស្លាប់ហើយ៩នាក់រងរបួស បញ្ជូនទៅបណ្ដាមន្ទីរពេទ្យដែលនៅក្បែរ។
បណ្ដារូបភាពថតពីលើផ្សាយតាមទូរទស្សន៍មូលដ្ឋានបង្ហាញ បណ្ដាបុគ្គលិកពេទ្យកំពុងជួយសង្គ្រោះអ្នករបួសក្នុងសួនច្បារមួយ និងបណ្ដារថយន្តប៉ូលិសនិងរថយន្តពន្លត់ភ្លើងដែលបញ្ជូនទៅ។ ពុំទាន់មានសេចក្ដីរាយកាណ៍លម្អិតពីការបាញ់ប្រហារនោះនៅឡើយក្នុងពេលភ្លាមៗ៕ (កែសម្រួលដោយ ៖ បុប្ផា)
ចែករំលែកព័តមាននេះ