ខេត្តកំពត ៖ ករណីហិង្សាដោយចេតនាដែលបង្កឡើងដោយបុរស២នាក់បណ្តាលឱ្យម្នាក់រងរបួសកញ្ចឹង.កពីការបាញ់ដោយកាំភ្លើងកែច្នៃ កាលពីវេលាម៉ោង០៦យប់ ថ្ងៃទី២៩ ខែតុលា ឆ្នាំ២០១៩ នៅភូមិពេជចង្វា ឃុំភ្នំកុង ស្រុកអង្គរជ័យ ។
ជនសង្ស័យឈ្មោះ ប៉ាន សិ ភេទប្រុស អាយុ៣៦ឆ្នាំ មានទីលំនៅភូមិឃុំកើតហេតុខាងលើ ដោយបានយកកាំភ្លើងកែច្នៃរបស់ខ្លួនបាញ់ទៅលើជនរងគ្រោះឈ្មោះ ញន ធឿន ភេទប្រុស អាយុ៣៩ឆ្នាំ ដែលមានទីលំនៅភូមិឃុំជាមួយគ្នាបណ្តាលឱ្យរបួសកញ្ចឹង.ក ។
ចំពោះមូលហេតុដែលបង្កឱ្យកើតមានអំពើហិង្សារហួសមានរបួសស្នាមនេះគឺបណ្តាលមកពីឈ្លោះគ្នារឿងជំពាក់លុយ ។ បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួនចាត់ការទៅតាមនីតិវិធី ៕
កែសម្រួលដោយ ៖ សំណាង
ចែករំលែកព័តមាននេះ