បើអ្នកជាសហគ្រិន ឬមានគំនិតចង់ក្លាយជាសហគ្រិននោះ អ្នកប្រហែលជាឧស្សាហ៍គិតពីវិធីរកលុយ និងសន្សំលុយជាក់ជាមិនខាន ។ ហើយពេលខ្លះការគិតច្រើនអាចក្លាយជាឧបសគ្គមិនឲ្យអ្នកឈានជំហានដំបូងក្នុងការធ្វើឲ្យវាក្លាយជាការពិតទៅវិញ ។ ដូច្នេះប្រសិនបើអ្នកមិនចង់ឲ្យខ្លួនអ្នកផ្ទាល់រារាំងខ្លួនឯង អ្នកមិនត្រូវចុះចាញ់នឹងការព្រួយបារម្ភទេ ។…
បើអ្នកជាសហគ្រិន ឬមានគំនិតចង់ក្លាយជាសហគ្រិននោះ អ្នកប្រហែលជាឧស្សាហ៍គិតពីវិធីរកលុយ និងសន្សំលុយជាក់ជាមិនខាន ។ ហើយពេលខ្លះការគិតច្រើនអាចក្លាយជាឧបសគ្គមិនឲ្យអ្នកឈានជំហានដំបូងក្នុងការធ្វើឲ្យវាក្លាយជាការពិតទៅវិញ ។
ដូច្នេះប្រសិនបើអ្នកមិនចង់ឲ្យខ្លួនអ្នកផ្ទាល់រារាំងខ្លួនឯង អ្នកមិនត្រូវចុះចាញ់នឹងការព្រួយបារម្ភទេ ។ ហើយខាងក្រោមនេះគឺជាការលើកទឹកចិត្តល្អៗមួយចំនួនដែលអាចជំរុញទឹកចិត្តអ្នក និងជំរុញឲ្យអ្នកគិតបន្តពីអាជីវកម្មក្នុងក្តីសុបិន ។
១- «ការអប់រំផ្លូវការជួយឲ្យអ្នករកចំណូលល្មមសម្រាប់ការរស់នៅ ប៉ុន្តែការអប់រំខ្លួនឯងនឹងជួយឲ្យអ្នករកលុយបានច្រើន» ពីលោក ជីម រ៉ន (Jim Rohn) ដែលជាសហគ្រិន និងជាអ្នកនិពន្ធ៖ ក្នុងនាមជាសហគ្រិន វាពិតជាសំខាន់ណាស់ក្នុងការបន្តរៀនសូត្រដោយខ្លួនឯងដូចជាអានសៀវភៅ ចូលរួមសិក្ខាសាលា និងស្តាប់បទពិសោធន៍បុគ្គលដែលជោគជ័យជាដើមដើម្បីបង្កើនជំនាញរបស់អ្នក ។ វាប្រៀបបានជាការវិនិយោគមួយលើអាជីវកម្មរបស់អ្នកផងដែរ ។
២- «មនុស្សភាគច្រើនបាត់បង់ឱកាសព្រោះឱកាសមានរូបរាងដូចការងារ» ពីលោក ថូម៉ាស អេឌីសាន់ (Thomas Edison) ដែលជាអ្នកវិទ្យាសាស្ត្រ និងអាជីវករ ៖ វាមិនមែនជារឿងសម្ងាត់ទេ សហគ្រិនត្រូវខិតខំទាំងយប់ទាំងថ្ងៃដើម្បីរកលុយ និងចាប់ផ្តើមក្លាយជាមនុស្សជោគជ័យ ។ ពេលខ្លះអ្នកត្រូវការពេលរាប់ឆ្នាំដើម្បីអាចសម្រេចគោលដៅផ្ទាល់ខ្លួនបាន ។ ប៉ុន្តែក្នុងពេលដែលអ្នកខិតខំបំពេញការងារទាំងនោះ អ្នកក៏កំពុងតែចាប់ឱកាសទាំងអស់ដែលអ្នកមើលឃើញដែរ ។
៣- «សុភមង្គលមិនអាស្រ័យតែលើលុយទេ តែវាអាស្រ័យលើភាពសប្បាយរីករាយនៃការសម្រេចបានអ្វីមួយ និងលើការរំជើបរំជួលនៃការបង្កើតអ្វីមួយ» ពីលោក ហ្វ្រេងខ្លីន រូសវេត (Franklin Roosevelt) ដែលជាអតីតប្រធានាធិបតីសហរដ្ឋអាមេរិក៖ ពេលដែលអ្នកទើបតែចាប់ផ្តើមរកចំណូលបាន អ្នកត្រូវចងចាំថាលុយមិនអាចជួយឲ្យអ្នកទទួលបានសុភមង្គលក្នុងរយៈពេលវែងទេ ។ មានកិច្ចការខ្លះមិនអាចរកលុយឲ្យអ្នកបានច្រើន តែវាជួយឲ្យអ្នកសប្បាយចិត្ត និងពេញចិត្តនិងជីវិតរបស់អ្នក ៕ កែសម្រួលដោយ ៖ សុឃាក់
ចែករំលែកព័តមាននេះ