រាជធានីភ្នំពេញ ៖ កំណត់ត្រាអភិវឌ្ឍន៍នៃការចូលរួមខ្សែក្រវាត់និងផ្លូវរបស់ក្រុមហ៊ុនឆាយណា ហួទៀន។
ចិននិងកម្ពុជាជាប្រទេសជិតខាងជិតស្និទ្ធ និងមេត្រីភាព ។ ទំនាក់ទំនងប្រទេសយើងទាំងពីរ
មានភាពស្និទ្ធស្នាលនិងលក្ខណៈពិសេសពោរពេញទៅដោយមនោសញ្ចេតនាដ៏ជ្រាលជ្រៅ ។ ៦១ឆ្នាំ ក្រោយពីបង្កើតទំនាក់ទំនងការទូតមក ប្រទេសទាំងពីរតែងតែគាំទ្រនិងមានការយោគយល់គ្នាទៅវិញទៅមក ។
ប៉ុន្មានឆ្នាំចុងក្រោយនេះ ក្រោមការណែនាំខាងយុទ្ធសាស្ត្ររបស់ថ្នាក់ដឹកនាំជាន់ខ្ពស់ប្រទេស ទាំងពីរនិងក្រោមកិច្ចខិតខំប្រឹងប្រែងរួមគ្នារបស់ប្រជាជនប្រទេសទាំងពីរតាមរយៈការស្ថាបនាខ្សែក្រវាត់និងផ្លូវ ចំណងមិត្តភាពប្រពៃណីរវាងចិននិងកម្ពុជាបានរីកចម្រើនឥតឈប់ឈរ ហើយទំនាក់ទំនងទ្វេភាគីបានឈានដល់ដំណាក់កាលល្អបំផុតក្នុងប្រវត្តិសាស្ត្រ ។
ប្រទេសកម្ពុជាសំបូរទៅដោយធនធានទឹក ការអភិវឌ្ឍថាមពលវារីអគ្គិសនីទ្រង់ទ្រាយធំ គឺជាយុទ្ធសាស្ត្រសំខាន់មួយសម្រាប់ ការអភិវឌ្ឍថាមពលនិងសេដ្ឋកិច្ចជាតិ ។ ស្ថានីយវារីអគ្គិសនីស្ទឹងឫស្សីជ្រំក្រោមដែលមានទីតាំងស្ថិតនៅខេត្តកោះកុងនៅភាគនិរតីនៃប្រទេសកម្ពុជា (ខាងក្រោម ហៅកាត់ថាវារីអគ្គសនី) ដែលមានសមត្ថភាពផលិតអគ្គិសនីស្អាតជាង១០០០លានគីឡូវ៉ាត់ ម៉ោងក្នុងមួយឆ្នាំ ហើយក៏ជានាមប័ណ្ណមាសមួយសន្លឹកនៃកិច្ចសហប្រតិបត្តិការមិត្តភាពរវាង
ចិននិងកម្ពុជា ។
វារីអគ្គសនីអាចកាត់បន្ថយភាពខ្វះខាតអគ្គិសនីយ៉ាងខ្លាំងក្នុងការប្រើប្រាស់អគ្គិសនីនៅកម្ពុជា ហើយត្រូវទទួលស្គាល់ជា ឯកច្ឆន្ទដោយភាគីនានាទាំងនៅក្នុងនិងក្រៅប្រទេស ។
ផ្ដោតលើការអភិវឌ្ឍន៍បែបបៃតងបំភ្លឺរាប់ពាន់រាប់ម៉ឺនគ្រួសារ
វារីអគ្គិសនីស្ទឹងឫស្សីជ្រំក្រោមមានទីតាំងស្ថិតនៅលើដងស្ទឹងឫស្សី មានចម្ងាយប្រមាណ៣៥០គីឡូម៉ែត្រពីរាជធានីភ្នំពេញ ។ បើជិះរថយន្តចូលក្នុងតំបន់ជួរភ្នំក្រវាញខេត្តកោះកុង ផ្លូវភ្នំចាប់ ផ្តើមមានសភាពលំបាក ព្រៃក្រាស់ដុះលូតលាស់តាមសងខាងផ្លូវ ស្ថានីយវារីអគ្គិសនីគឺកសាងនៅក្នុងព្រៃភ្នំនេះ ។
មកដល់ស្ថានីយវារីអគ្គិសនីភ្លាម ពាក្យស្លោក“ការអភិវឌ្ឍវារីអគ្គិសនីផ្ដល់ផលប្រយោជន៍ដល់ប្រជាជន” ដែលសរសេរដោយអក្សរចិននិងខ្មែរយ៉ាងច្បាស់នៅលើទំនប់ទឹកបានលេចចូលក្រសែភ្នែករបស់លោកអ្នក ពិតជាគួរអោយចាប់អារម្មណ៍មែនទែន ។ ស្ថានីយវារីអគ្គិសនីត្រូវបានបែងចែកជាពីរចំណែកដែលមានចម្ងាយ៨គីឡូម៉ែត្រដាច់ពីគ្នា ។
គម្រោងវារីអគ្គិសនីនេះជាគម្រោង BOT (សាងសង់-ដំណើរការ-ផ្ទេរ) វិនិយោគទុនដោយក្រុមហ៊ុនឆាយណា ហួទៀនគ្រុបខូអិលធីឌី ដែលបានចាប់ផ្តើមសាងសង់កាលពីខែមេសា ឆ្នាំ២០១០ ហើយបានចាប់ដំណើរការផលិតនៅខែធ្នូ ឆ្នាំ២០១៣ បានផលិតថាមពលអគ្គិសនីជាមធ្យមប្រចាំឆ្នាំ ១១៩៩លានគីឡូវ៉ាត់ម៉ោង ។ លោកលឺជៀនហួ អគ្គនាយកនៃស្ថានីយវារីអគ្គិសនីបានអោយដឹងថា បរិមាណ អគ្គិសនីប្រចាំឆ្នាំនៃស្ថានីយធ្លាប់លើសពី៣០%នៃអគ្គិសនីទាំងអស់ដែលផលិតក្នុងស្រុក ។ ២០១៤-២០១៨ ការផលិតថាមពលអគ្គិសនីជាមធ្យមប្រចាំឆ្នាំ គឺ២០%នៃការផលិតថាមពលអគ្គិសនីទូទាំងប្រទេសកម្ពុជា ទាំងនេះបានជួយកាត់បន្ថយកង្វះខាតថាមពលអគ្គិសនីយ៉ាងច្រើន ហើយបានចូលរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ចនិងសង្គមកិច្ច ។
ស្ថានីយវារីអគ្គិសនី យើង គឺជាស្ថានីយវារីអគ្គិសនីតែ មួយ គត់នៅក្នុង ប្រទេសកម្ពុជាដែលបានឆ្លង កាត់ការធ្វើតេស្តការ ស្តុក ទឹកដល់បន្ទាត់ទឹកធម្មតា និងដំណើរការដោយពេញបន្ទុកក្នុងពេលតែមួយ ។ ក្រោយពីចាប់ធ្វើអាជីវកម្មភ្លាម ក៏អនុវត្តគំរូដំណើរការ គឺបញ្ជាពីចម្ងាយគ្មានអ្នកប្រចាំការ ប្រតិបត្តិការ និងត្រួតពិនិត្យតាមដានដំណើរផលិតដោយប្រព័ន្ធអ៊ីនធើរណេត ។
ស្ថានីយវារីអគ្គិសនីយើងបានអនុវត្តយ៉ាងសកម្មនូវគំនិត អគ្គិសនីបៃតង ប្រកាន់ខ្ជាប់នូវការសាងសង់និងការការពារបរិស្ថាន រចនាចេញប្រព័ន្ធលំហូរអេកូឡូស៊ី អាចបញ្ចេញលំហូរអេកូឡូស៊ីនៅរដូវប្រាំងដើម្បីចៀសវាងការដាច់ចរន្ដទឹក ។ អនុវត្តវិធានការការពារបរិស្ថាន ពង្រឹងការការពារសត្វព្រៃ ។ បន្ទាប់ពីបានបញ្ចប់គម្រោងសាងសង់ បានដាំស្មៅឡើងវិញចំនួន៣៨០០០ម៉ែត្រការ៉េ ដាំដើមឈើហូបផ្លែ និងដើមឈើផ្សេងទៀតជាង៤០០០ដើម ។
ក្រសួងបរិស្ថានកម្ពុជាបានវាយតម្លៃយ៉ាងខ្ពស់ចំពោះក្រុមហ៊ុនយើង ហើយបានផ្ដល់ពានរង្វាន់ឆ្នើមសម្រាប់ការងារគ្រប់គ្រងបរិស្ថានជូនក្រុមហ៊ុន ដែលជាក្រុមហ៊ុនថាមពលតែមួយគត់នៅក្នុងប្រទេសកម្ពុជាទទួលបានកិត្តិយសនេះ ។ ស្ថានីយវារីអគ្គិសនីយើងបានចុះបញ្ជីក្នុងគម្រោង យន្តការអភិវឌ្ឍន៍ស្អាត (CDM) នៅអង្គការសហប្រជាជាតិ ក្នុងនោះបន្ថយការបញ្ចេញកាបូន(CER)ប្រចាំឆ្នាំចំនួន៧០ម៉ឺនតោននិងជំនួសប្រេងធ្ងន់ជាង២០ម៉ឺនតោន ។ ក្រុមហ៊ុនយើងបានក្លាយជាក្រុមហ៊ុនចិនធំជាងគេដែលបានចុះបញ្ជីក្នុងគម្រោងយន្តការអភិវឌ្ឍន៍ស្អាតនៅឯនាយសមុទ្រ ហើយបានចូលរួមចំណែកយ៉ាងសកម្មសម្រាប់ការអភិវឌ្ឍប្រកបដោយចីរភាពរបស់កម្ពុជា ។
បង្ហាញពីស្មារតីទំនួលខុសត្រូវចំពោះសង្គម ចែករំលែកលទ្ធផលកិច្ចសហប្រតិបត្តិការ
តម្លៃអគ្គិសនីខ្ពស់ហួសហេតុគឺជាកត្តារារាំងការអភិវឌ្ឍឧស្សាហកម្មកម្ពុជា ។ ជាមួយគ្នានឹងដំណើរការជាបន្ដបន្ទាប់នៃគម្រោងវារីអគ្គិសនីរបស់ ក្រុមហ៊ុនថាមពលចិននានាដូចជាស្ថានីយវារីអគ្គិសនីស្ទឹងឫស្សីជ្រំក្រោម រាជរដ្ឋាភិបាលកម្ពុជាបានសម្រេចបញ្ចុះថ្លៃអគ្គិសនីផ្នែកឧស្សាហកម្ម កម្លាំងប្រកួតប្រជែងនៃផលិតផលឧស្សាហកម្មត្រូវបានលើកកម្ពស់បន្តិចម្ដងៗ ទីផ្សារការងារក៏ត្រូវបានពង្រីកឡើងយ៉ាងខ្លាំង ហើយក៏បានជួយជំរុញការអភិវឌ្ឍឧស្សាហកម្មផ្សេងៗ ដូចជាវាយនភណ្ឌ សំណង់ និងកម្មន្តសាលកម្មជាដើម ។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានប្រកាសនៅក្នុងពិធីបញ្ចប់ការសាងសង់ស្ថានីយវារីអគ្គិសនីថា រាជរដ្ឋាភិបាលនឹងបញ្ជុះថ្លៃអគ្គិ
សនីតាមលំនៅឋានចាប់តាំងពីឆ្នាំ២០១៥ទៅ ដោយសារគម្រោងវារីអគ្គិសនីអាចផ្តល់អគ្គិ
សនីប្រហែល១ពាន់លានគីឡូវ៉ាត់ម៉ោងជារៀងរាល់ឆ្នាំ ។
បច្ចុប្បន្ននេះតម្លៃអគ្គិសនីតាមលំនៅឋានរបស់ប្រជាជនកម្ពុជាបានធ្លាក់ចុះមកនៅត្រឹមប្រមាណ០,១៦ដុល្លារអាមេរិកក្នុងមួយគីឡូវ៉ាត់ម៉ោង ។ ប្រជាជនបានក្លាយពីមិនអាចមានលទ្ធភាពទិញបានទេ មិនហ៊ានប្រើប្រាស់ទៅមានភាពងាយស្រួលនិងទុកចិត្តក្នុងការប្រើអគ្គិសនី គុណភាពជីវភាពត្រូវបានកែលម្អយ៉ាងខ្លាំង ប្រជាជនកាន់តែមានសុភមង្គលក្នុងជីវភាពរស់នៅប្រចាំថ្ងៃ ។
មករា អាយុ២៨ឆ្នាំ ជាបុគ្គលិកនៅវារីអគ្គិសនីបាន៦ឆ្នាំហើយ ជាជើងចាស់ពិតប្រាកដម្នាក់ក្នុង
ក្រុមហ៊ុន ។ លោកបញ្ចប់ការសិក្សាពី សាកលវិទ្យាល័យអគ្គិសនីកម្ពុជា មិត្តភក្តិគាត់បានលើកទឹកចិត្តគាត់អោយដាក់ពាក្យស្នើសុំមកធ្វើការនៅវារីអគ្គិសនី ។ មករាប្រាប់ថា ពេលខ្ញុំទើបមកដល់ក្រុមហ៊ុន ខ្ញុំគ្រាន់តែមានចំណេះដឹងខ្លះមកពីសៀវភៅទេ តែឥឡូវនេះបានក្លាយទៅជាជំនាញការខាងផ្នែកវារីអគ្គិសនីពាក់កណ្ដាលទៅហើយ ។ ក្រៅពីនេះខ្ញុំនៅរៀនចេះភាសាចិនទៀតផង ពិតជាអរគុណដល់សហគ្រាសចិនដែលបានបណ្ដុះបណ្ដាលខ្ញុំ ។
ក្រៅពីបានជួយផ្ដល់ការងារនិងបណ្ដុះបណ្ដាលធនធានមនុស្ស វារីអគ្គិសនីយើងនៅចេញទុនជួសជួលផ្លូវមួយចំនួនពីខេត្តកោះកុងទៅខេត្តពោធិសាត់ កសាងប្រព័ន្ធខ្សែបញ្ជូនអគ្គិសនី២២គីឡូវ៉ុលពីវារីអគ្គិសនីដល់ក្រុងកោះកុងដែលមានប្រវែង៣២គីឡូម៉ែត្រ ចូលរួមជាមួយមន្ទីរកសិកម្ម រុក្ខប្រមាញ់ និងនេសាទ ការពារនិងអភិរក្សធនធានព្រៃហើយបានបរិច្ចាគថវិកាជួយសិស្សសាលានៅតាមភូមិឃុំក្រីក្រសម្រេចបានគោលបំណងត្រង់ថា កសាងវារីអគ្គិសនីមួយ បង្កើតនាមប័ណ្ណប្រទេសចិនមួយ ។
លោកវ៉ាង វឹន ធាន ឯកអគ្គរដ្ឋទូតចិនប្រចាំនៅប្រទេសកម្ពុជាបានវាយតម្លៃថា វារីអគ្គិសនីស្ទឹងឫស្សីជ្រំក្រោមបានទទួលសមិទ្ធផលយ៉ាងធំធេងក្នុងការផលិតដោយសុវត្ថិភាព គ្រប់គ្រងអាជីវកម្ម ការការពារបរិស្ថាន ទំនួលខុសត្រូវចំពោះសង្គម បានរួមចំណែកយ៉ាងលេចធ្លោក្នុងការងារអភិឌ្ឍន៍ថាមពលនិងដោះស្រាយបញ្ហាកង្វះខាតអគ្គិសនីរបស់ប្រទេសកម្ពុជា ។
ការតភ្ជាប់អគ្គិសនី ការតភ្ជាប់ប្រជាជន ការតភ្ជាប់បេះដូង គឺជាបាវចនាដែលក្រុមហ៊ុនយើងប្រកាន់ជានិច្ច យើងបានរួមរស់នៅជាមួយប្រជាជនប្រទេសកម្ពុជាតាមរយៈគម្រោងកិច្ចសហប្រតិបតិ្តការបានតាំងមូលដ្ឋានយ៉ាងរឹងមាំទាំងផ្នែកមតិសាធារណៈនិងទាំងផ្នែកសង្គមសម្រាប់កិច្ចកសាងខ្សែក្រវាត់និងផ្លូវ ។ ក្នុងនោះវប្បធម៌ដើរតួនាទីយ៉ាងសំខាន់និងពិសេសក្នុងការជំរុញទំនាក់ទំនងមេត្រី ភាពរវាងប្រទេសនិងប្រទេស បង្កើនការជឿទុកចិត្តរវាងមនុស្សនិងមនុស្ស ពង្រឹងប្រាស្រ័យទាក់ទងរវាងបេះដូងនិងបេះដូង ហើយបានបង្កើតស្ពានមិត្តភាពនៃកិច្ចសហការឈ្នះឈ្នះមួយ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ