អ្នកប្រហែលជាស្គាល់ឈ្មោះមហាសេដ្ឋីធំៗជុំវិញពិភពលោក និងដឹងពីប្រភពនៃទ្រព្យសម្បត្តិរាប់ប៊ីលានរបស់ពួកគេហើយ ប៉ុន្តែតើអ្នកមានដែលឆ្ងល់ទេថា តើពួកគេបានចាប់ផ្តើមពីចំណុចណាដែលជួយធ្វើជាស្ពាន ដើម្បីឲ្យពួកគេដើរមកដល់ថ្ងៃនេះ ? ខាងក្រោមនេះ គឺជាការងារដំបូងរបស់មហាសេដ្ឋីធំៗដែលអ្នកអាចនឹងស្គាល់ច្បាស់ ៖ ១….
អ្នកប្រហែលជាស្គាល់ឈ្មោះមហាសេដ្ឋីធំៗជុំវិញពិភពលោក និងដឹងពីប្រភពនៃទ្រព្យសម្បត្តិរាប់ប៊ីលានរបស់ពួកគេហើយ ប៉ុន្តែតើអ្នកមានដែលឆ្ងល់ទេថា តើពួកគេបានចាប់ផ្តើមពីចំណុចណាដែលជួយធ្វើជាស្ពាន ដើម្បីឲ្យពួកគេដើរមកដល់ថ្ងៃនេះ ? ខាងក្រោមនេះ គឺជាការងារដំបូងរបស់មហាសេដ្ឋីធំៗដែលអ្នកអាចនឹងស្គាល់ច្បាស់ ៖
១. លោក វ៉ារេន បាហ្វេ ៖
លោក វ៉ារេន បាហ្វេ (Warren Buffett) មានទ្រព្យសម្បត្តិប្រមាណ ៧៧.៦ប៊ីលានដុល្លារ ប៉ុន្តែការងារដំបូងរបស់លោកគឺធ្វើជាអ្នកចែកកាសែតនៅអាយុ ១៣ឆ្នាំតាមរយៈកង់របស់លោកផ្ទាល់ ។ ពេលដែលលោកឈានចូលដល់វ័យជំទង់ លោកបានចាប់ផ្តើមអាជីវកម្មជួលម៉ាស៊ីនហ្គេម ។ លោកតែងតែរកឱកាសអាជីវកម្មមិនថាលោកនៅទីណាទេរហូតដល់រកចំណូលបាន ១ម៉ឺនដុល្លារពេលដែលលោករៀនចប់សាកលវិទ្យាល័យ ។
២. លោក ប៊ីល ហ្គេតស៍៖
នរណាៗក៏ស្គាល់លោកដែរ ។ លោក ប៊ីល ហ្គេតស៍ (Bill Gates) មានទ្រព្យសម្បត្តិសរុបប្រមាណ១០២.២ប៊ីលានដុល្លារ និងជាស្ថាបនិកក្រុមហ៊ុន Microsoft ។ លោកធ្លាប់ជានិស្សិតដែលបញ្ឈប់ការសិក្សាពីសាកលវិទ្យាល័យ Harvard ដើម្បីបន្តក្តីសុបិនក្នុងការបង្កើតក្រុមហ៊ុនផ្ទាល់ខ្លួន ។ ប៉ុន្តែការងារដំបូងរបស់លោកគឺធ្វើជាអ្នកសរសេរ Program កុំព្យូទ័រសម្រាប់ក្រុមហ៊ុន TRW នៅពេលឆ្នាំចុងក្រោយនៃជីវិតជាសិស្សវិទ្យាល័យ ។
៣. លោក ស្ទីវ ចប៖
ពេលដែលលោកទទួលមរណភាពនៅឆ្នាំ ២០១១ លោក ស្ទីវ ចប (Steve Jobs) ដែលមកពី Apple មានទ្រព្យសម្បត្តិសរុបប្រមាណ ១០.២ប៊ីលានដុល្លារ ។ លោកបានចាប់ផ្តើមការងារដំបូងនៅក្រុមហ៊ុន HP ពេលដែលលោកនៅវិទ្យាល័យដូចលោក ប៊ីល ដែរ ។ មួយផ្នែកធំនៃភាពជោគជ័យរបស់លោកគឺកើតចេញពីក្រុមហ៊ុន Pixar ដែលលោកបានលក់ឲ្យទៅ Disney ក្នុងតម្លៃ ៧.៤ប៊ីលានដុល្លារ ៕ កែសម្រួលដោយ ៖ សុឃាក់
ចែករំលែកព័តមាននេះ