និយមន័យនៃពាក្យជោគជ័យ គឺខុសគ្នាទៅតាមមនុស្សម្នាក់ៗប៉ុន្តែសម្រាប់មនុស្សភាគច្រើនលុយ គឺតែងតែជាកត្តាមួយនៃការធ្វើជាមនុស្សជោគជ័យ ។ ប្រាកដណាស់ នោះគឺមកពីលុយជួយមនុស្សក្នុងផ្លូវច្រើន ហើយអ្វីដែលសំខាន់ជាងគេ គឺវាជួយបង្កើតជម្រើសច្រើនឲ្យមនុស្ស ។ តើអ្នកដែលមានទ្រព្យសម្បត្តិជាមនុស្សដូចម្តេច? ហើយពួកគេខុសពីមនុស្សទូទៅយ៉ាងដូចម្តេចខ្លះ ?
ការសិក្សាថ្មីមួយបានប្រៀបធៀបអត្តចរិករបស់មហាសេដ្ឋីចំនួន១៣០នាក់ ជាមួយនឹងមនុស្សទូទៅដទៃទៀត និងបានប្រទះឃើញថា អ្នកដែលមានទ្រព្យសម្បត្តិភាគច្រើនមានគុណសម្បត្តិខាងក្រោមនេះ ៖
១. ជាមនុស្សដែលចូលចិត្តការប្រាស្រ័យទាក់ទងជាមួយអ្នកដទៃ ៖
មិនមាននរណាម្នាក់អាចសម្រេចបានអ្វីគ្រប់យ៉ាង ដោយពឹងផ្អែកតែលើខ្លួនទេ ដូច្នេះសមត្ថភាពក្នុងការប្រាស្រ័យទាក់ទងជាមួយអ្នកដទៃកសាងទំនាក់ទំនងជំរុញទឹកចិត្ត និងស្មារតី គឺពិតជាសំខាន់ណាស់ ។
២. មានការយល់ដឹងច្រើន ៖
ការធ្វើការសម្រេចចិត្តឲ្យបានឆ្លាតវៃដោយផ្តោតសំខាន់លើគោលដៅក្នុងរយៈពេលវែង និងការធ្វើជាគំរូល្អសុទ្ធតែទាក់ទិននឹងការយល់ដឹងច្រើននេះ ។ លើសពីនេះទៅទៀតការស្រាវជ្រាវបានបង្ហាញមកថា អ្នកដែលរៀបអាពាហ៍ពិពាហ៍ជាមួយមនុស្សដែលមានការយល់ដឹងច្រើនតែងតែទទួលបានការឡើងតំណែងរកលុយបានច្រើន និងស្រលាញ់ការងារច្រើនជាងមនុស្សទូទៅ ។
៣. មានស្ថេរភាពផ្នែកអារម្មណ៍ ៖
កត្តានេះពិតជាសំខាន់ណាស់ព្រោះមនុស្សមួយចំនួនងាយនឹងធ្វើការសម្រេចចិត្តដោយយោងទៅតាមអារម្មណ៍របស់ពួកគេហើយវាអាចជាឧបសគ្គមួយដែលរារាំងមិនឲ្យឈានទៅដល់ភាពជោគជ័យ ៕ កែសម្រួលដោយ ៖ សុឃាក់
ចែករំលែកព័តមាននេះ