ប្រទេសអេត្យូពី ៖ អាជ្ញាធរប្រកាសនាថ្ងៃទី២៥តុលាថា ការប៉ះទង្គិចគ្នានានាក្នុងបាតុកម្មនៅតំបន់អូរ៉ូមីយ៉ា ជាតំបន់ធំបំផុតមួយរបស់អេត្យូពីបណ្ដាលឲ្យមនុស្សស្លាប់យ៉ាងតិច៦៧នាក់ ក្នុងនោះមានប៉ូលិស៥នាក់ចាប់តាំងពីដើមសប្ដាហ៍មក។ បាតុកម្មដឹកនាំធ្វើដោយមេដឹកនាំប្រឆាំង លោកJAWAR MOHAMMED ដែលបានចោទប្រកាន់នាយករដ្ឋមន្ត្រីដែលទើបទទួលបានពានរង្វាន់ណូបែលសន្តិភាព…
ប្រទេសអេត្យូពី ៖ អាជ្ញាធរប្រកាសនាថ្ងៃទី២៥តុលាថា ការប៉ះទង្គិចគ្នានានាក្នុងបាតុកម្មនៅតំបន់អូរ៉ូមីយ៉ា ជាតំបន់ធំបំផុតមួយរបស់អេត្យូពីបណ្ដាលឲ្យមនុស្សស្លាប់យ៉ាងតិច៦៧នាក់ ក្នុងនោះមានប៉ូលិស៥នាក់ចាប់តាំងពីដើមសប្ដាហ៍មក។
បាតុកម្មដឹកនាំធ្វើដោយមេដឹកនាំប្រឆាំង លោកJAWAR MOHAMMED ដែលបានចោទប្រកាន់នាយករដ្ឋមន្ត្រីដែលទើបទទួលបានពានរង្វាន់ណូបែលសន្តិភាព លោកABIY AHMEDថា ប្រកាន់ឥរិយាបថជាជនផ្ដាច់ការ។
អំពើហិង្សាបានផ្ទុះឡើងពីថ្ងៃទី២៣តុលាមក ក្នុងរដ្ឋធានីអាឌីសអាបេបាមុនពេលរាលដាលទៅដល់តំបន់អូរ៉ូមីយ៉ា ពេលបណ្ដាមនុស្សរបស់លោកJAWAR MOHAMMED លើកគ្នាហែក្បួនតាមដងវិថីនានា ដោយដុតសំបកកង់រថយន្តនិងដាក់បារ៉ាសព្រមទាំងរាំងខ្ទប់ផ្លូវថ្នល់ក្នុងទីក្រុងជាច្រើន។
ការប៉ះទង្គិចគ្នាកើតមានរវាងកងកម្លាំងសន្តិសុខនិងពួកបាតុករព្រមទាំងរវាងបណ្ដាសហគមន៍ផងដែរ។ ក្រសួងការពារប្រទេសប្រកាសនាថ្ងៃទី២៥តុលា ពីការដាក់ពង្រាយកងយោធា ក្នុងតំបន់៧ដែលសភាពការណ៍នៅតែតានតឹងខ្លាំង៕ (កែសម្រួលដោយ ៖ បុប្ផា)
ចែករំលែកព័តមាននេះ