កាលបើបុគ្គលមានមិត្តជាសប្បុរស ជាមិត្តល្អ ត្រូវចេះអនុគ្រោះនូវមិត្តនោះដោយស្ថាន៥យ៉ាងដោយបរិបូណ៌ និងដើម្បីសេចក្តីសុខរបស់មិត្ត ។
ក្តីអនុគ្រោះទាំង៥នោះគឺៈ ១-ដោយការឲ្យរបស់ ២-ដោយការនិយាយតែពាក្យគាប់ចិត្ត ៣-ដោយការប្រព្រឹត្តឲ្យជាប្រយោជន៍ ៤-ដោយការប្រព្រឹត្តខ្លួនស្មើ និង៥-ដោយការមិនកុហកបញ្ឆោត ។
បើបុគ្គលបានអនុគ្រោះនូវមិត្តដោយស្ថាន៥យ៉ាងខាងលើនេះហើយ មិត្តរបស់អ្នកគង់នឹងអនុគ្រោះដល់អ្នកវិញដោយធម៌៥ដូចគ្នាគឺ ១-រក្សាមិត្តដែលធ្វេសប្រហែស ២-ជួយថែទាំទ្រព្យសម្បត្តិ របស់មិត្តដែលធ្វេសប្រហែស ៣-ជាទីពឹងរបស់មិត្តដែលមានភ័យ ៤-មិនបោះបង់គ្នាក្នុងគ្រាមានវិបត្តិ ៥-រាប់អានរហូតផៅពង្សរបស់មិត្ត ។
នេះជាចិត្តសន្តានរបស់មិត្តល្អ តស៊ូជួយគ្នាគ្មានទីបំផុតឡើយ ។ (ដោយសាន សារិន)
ចែករំលែកព័តមាននេះ