ប្រទេសរុស្ស៊ី ៖ ប្រទេសដែលធំជាងគេលើពិភពលោក មានផ្ទៃដីកាន់តែធំទៀតជាមួយការប្រកាសរបស់កងម៉ារីនរុស្ស៊ី ពីការរកឃើញក្នុងមហាសមុទ្រអាក់ទិក កោះតូចៗ៥ទៀតក្រោយការរលាយទឹកកក មកពីការផ្លាស់ប្ដូរបរិយាកាស។ ការរកឃើញកោះថ្មីទាំងនេះ ស្ថិតក្នុងដែនទឹកនៃប្រជុំកោះNOUVELLE-ZEMBLEចុងខាងជើងរុស្ស៊ី ត្រូវបានអះអាងដោយបេសកកម្មរុករកសមុទ្រនៅតំបន់នោះកាលពីខែសីហានិងកញ្ញា។…
ប្រទេសរុស្ស៊ី ៖ ប្រទេសដែលធំជាងគេលើពិភពលោក មានផ្ទៃដីកាន់តែធំទៀតជាមួយការប្រកាសរបស់កងម៉ារីនរុស្ស៊ី ពីការរកឃើញក្នុងមហាសមុទ្រអាក់ទិក កោះតូចៗ៥ទៀតក្រោយការរលាយទឹកកក មកពីការផ្លាស់ប្ដូរបរិយាកាស។
ការរកឃើញកោះថ្មីទាំងនេះ ស្ថិតក្នុងដែនទឹកនៃប្រជុំកោះNOUVELLE-ZEMBLEចុងខាងជើងរុស្ស៊ី ត្រូវបានអះអាងដោយបេសកកម្មរុករកសមុទ្រនៅតំបន់នោះកាលពីខែសីហានិងកញ្ញា។ យោងតាមប្រមុខកងនាវាចរណ៍សមុទ្រខាងជើងរបស់រុស្ស៊ី ឧត្ដមនាវីអាឡិចសាន់ឌ័រម៉ូអីុសឺអីុយេវថា កោះទាំងនោះកាលពីមុនត្រូវលេបបាត់ដោយទឹកកក។ ការរលាយទឹកកកនិងការផ្លាស់ប្ដូរបរិយាកាស បាននាំទៅដល់ការលេចចេញកោះទាំងនោះ ដែលមានទំហំរវាងពី៩០០ទៅ៥៤.០០០ម៉ែត្រក្រឡាគឹប៉ុនទីលានបាល់ទាត់ជិត៨។
យោងតាមរបាយការណ៍មួយរបស់អ.ស.ប សឹ្ដពីការកើនកំដៅបរិកាស ចេញផ្សាយកាលពីខែកញ្ញាថា រវាងពីឆ្នាំ២០១៥ទៅ២០១៩ ការរលាយទឹកកកនៅអាក់ទិកមានខ្លាំងបំផុតពុំធ្លាប់ដែលមាន។ ស្ថានភាពបែបនោះនាំឲ្យរុស្ស៊ីបើកក្នុងរយៈពេលប៉ុន្មានឆ្នាំចុងក្រោយនេះ មូលដ្ឋានយោធានិងវិទ្យាសាស្ត្រមួយចំនួននៅអាក់ទិក ហើយបើមានលទ្ធភាពបង្កើតជាផ្លូវពាណិជ្ជកម្មនិងរុករកធនធានប្រេងកាតនិងឧស្ម័ន ខណៈទីនោះមិនអាចចេញចូលបានរហូតមកទល់ពេលនេះ៕ (កែសម្រួលដោយ ៖ បុប្ផា)
ចែករំលែកព័តមាននេះ