ក្នុងសម័យកាលថ្មីនេះ ស្ត្រីបានចាប់ផ្តើមចេញទៅធ្វើការ ឬប្រកបអាជីវកម្ម ដើម្បីរកប្រាក់ចំណូលជួយផ្គត់ផ្គង់ដល់គ្រួសារ ។ ដូច្នេះស្ត្រីភាគច្រើនចំណាយពេលវេលាទៅលើការរកប្រាក់ចំណូលពេលដែលនៅអាយុខ្ទង់២០ ដែលធ្វើឲ្យស្ត្រីមួយចំនួនដើរមកដល់ស្ថានការល្អមួយនៅអាយុខ្ទង់៣០ឆ្នាំ ។ ប៉ុន្តែនៅអាយុនេះស្ត្រីៗក៏អាចនឹងមានកំហុសឆ្គងមួយចំនួនដែរ ដែលប៉ះពាល់ដល់ជីវភាព…
ក្នុងសម័យកាលថ្មីនេះ ស្ត្រីបានចាប់ផ្តើមចេញទៅធ្វើការ ឬប្រកបអាជីវកម្ម ដើម្បីរកប្រាក់ចំណូលជួយផ្គត់ផ្គង់ដល់គ្រួសារ ។ ដូច្នេះស្ត្រីភាគច្រើនចំណាយពេលវេលាទៅលើការរកប្រាក់ចំណូលពេលដែលនៅអាយុខ្ទង់២០ ដែលធ្វើឲ្យស្ត្រីមួយចំនួនដើរមកដល់ស្ថានការល្អមួយនៅអាយុខ្ទង់៣០ឆ្នាំ ។ ប៉ុន្តែនៅអាយុនេះស្ត្រីៗក៏អាចនឹងមានកំហុសឆ្គងមួយចំនួនដែរ ដែលប៉ះពាល់ដល់ជីវភាព និងឱកាសជោគជ័យរបស់ខ្លួន។ ដូច្នេះប្រសិនបើអ្នកស្ថិតក្នុងអាយុខ្ទង់៣០ឆ្នាំ ចូរពិចារណាវិនិយោគបន្ថែមលើកត្តាខាងក្រោមនេះ៖
១. ការសិក្សាបន្ត ៖
អ្នកដែលមានជំនាញជាមនុស្សដែលស្រលាញ់ការរៀនសូត្រ និងយល់ច្បាស់ពីនិន្នាការ និងការផ្លាស់ប្តូរផ្សេងៗក្នុងវិស័យដែលពួកគេធ្វើការក្នុង ។ ដោយហេតុដូចនេះការវិនិយោគលើការអប់រំ គឺពិតជាសំខាន់ណាស់ ហើយវាអាចកើតឡើងក្នុងទម្រង់ជាច្រើនដូចជា ការអានកាសែតប្រចាំថ្ងៃការចូលរួមថ្នាក់បន្ថែម និងការចូលរួមសិក្ខាសាលានានាជាដើម ។ ជាអ្នកមានបទពិសោធន៍ច្រើនពិតមែន អ្នកនឹងតាមបុគ្គលិកថ្មីៗមិនទាន់ទេ ប្រសិនបើអ្នកមិនវិនិយោគថវិកា និងពេលវេលាលើការបន្តការសិក្សា ។
២. ការដើរលេងកម្សាន្ត ៖
ការប្តេជ្ញានឹងការងារជាគុណសម្បត្តិល្អ ប៉ុន្តែអ្នកក៏មានតួនាទីចាំបាច់ក្នុងការថែរក្សាសុខភាពស្មារតីរបស់អ្នកដែរ ។ លើសពីនេះទៅទៀតការធ្វើដំណើរកម្សាន្តជួយពង្រីកទស្សនៈរបស់អ្នកដែលជាការវិនិយោគមួយសំខាន់សម្រាប់ការអភិវឌ្ឍន៍ខ្លួនដែរ ។ ម្ចាស់អាជីវករជាច្រើនបានចាប់ផ្តើមអាជីវកម្មក្នុងស្រុក បន្ទាប់ពីមើលឃើញគំនិតអាជីវកម្មប្លែកៗនៅក្រៅប្រទេស ។
៣. សុខភាព៖
ក្រៅពីសុខភាពផ្លូវចិត្តហើយ ការថែទាំសុខភាពផ្លូវកាយ និងស្បែកក៏ជាតួនាទីមួយរបស់អ្នកដែរ ។ អ្នកគួរតែចំណាយពេលវេលា និងថវិកាក្នុងការត្រួតពិនិត្យសុខភាពយ៉ាងតិចណាសក៏មួយឆ្នាំម្តងជាដើម ។ លើសពីនេះទៅទៀត ស្បែករបស់អ្នកនឹងងាយទទួលរងការប៉ះពាល់ពីពន្លឺថ្ងៃពេលដែលអ្នកមានអាយុខ្ទង់ ៣០ឆ្នាំ ដូច្នេះអ្នកគួរផ្តោតស្មារតីលើការការពារស្បែក និងថែទាំវាឲ្យបានដិតដល់ ។
៤. មនុស្សដែលអ្នកស្គាល់៖
ក្រៅពីទុកពេលវេលាសម្រាប់មិត្តភក្តិ និងគ្រួសារហើយ អ្នកក៏គួរយកចិត្តទុកដាក់លើមនុស្សដែលអាចជួយអ្នកក្នុងការងារ និងក្នុងអាជីវកម្មដែរ ។ ការចំណាយថវិកា និងពេលវេលាទៅលើមនុស្សទាំងនេះអាចផ្តល់អត្ថប្រយោជន៍ជាច្រើនដល់អ្នកវិញដូចជាផ្តល់ជាការប្រឹក្សា ណែនាំការងារ និងចែករំលែកឱកាសផ្សេងៗជាដើម ៕ កែសម្រួលដោយ ៖ សុឃាក់
ចែករំលែកព័តមាននេះ