ខេត្តកណ្តាល ៖ លោក យៀង ឡយ មន្ត្រីឥណទាននៃគ្រឹះស្ថានមីក្រូហិរញ្ញវត្ថុមួយ ប្រចាំនៅស្រុកស្អាង ខេត្តកណ្តាល ធ្លាប់តែជឿថា ភាពមានបានកើតចេញពីសមត្ថភាពផ្ទាល់ខ្លួនឯង ។ រហូតដល់រាត្រីថ្ងៃសុក្រ ទី១៨ ខែតុលានេះ លោកបានប្តូរការគិតបន្តិចវិញ ពីព្រោះសំណាងក៏បានធ្វើឲ្យលោកមានលុយកាក់ចាយវាយគ្រប់គ្រាន់មួយរំពេច បន្ទាប់ពីលោកឈ្នះរង្វាន់ទឹកប្រាក់ ៤០លានរៀលពីក្រវិលកំប៉ុងស្រាបៀរកម្ពុជា ។
លោក ឡយ បានឱ្យដឹងថា ៖ «មកពីធ្វើការហត់នឿយ ខ្ញុំក៏នឹកទិញស្រាបៀរកម្ពុជាត្រឹម ៤កំប៉ុងប៉ុណ្ណោះ មកហូបពីរនាក់បងប្រុសខ្ញុំ ដើម្បីជជែកពីនេះពីនោះ ។ មានអី គាស់ភ្លាមឃើញគេដាក់ ៤០លានរៀល ខ្ញុំរំភើបរកអ្វីមកនិយាយមិនបានទេយប់នោះ ។
រង្វាន់នេះមកចំពេល ក្រុមហ៊ុនខ្ញុំតម្រូវឲ្យបុគ្គលិកជិះម៉ូតូខ្លួនឯង ហើយខ្ញុំកំពុងតែអត់លុយទិញផង ។ កន្លងមក ធ្លាប់តែគិតថា មានតែប្រឹងប្រែងដោយសមត្ថភាពប៉ុណ្ណោះ ទើបអាចទិញម៉ូតូជិះទៅធ្វើការបាន ។ មិននឹកស្មានថា សំណាងបានធ្វើឲ្យសុបិនរបស់ខ្ញុំសម្រេចយ៉ាងឆាប់រហ័សបែបនេះសោះ» ។
មន្ត្រីឥណទានរូបនេះនឹងយកលុយ ៤០លានរៀលនោះ ទៅទិញម៉ូតូជិះ ទុកចាយវាយក្នុងជីវភាពប្រចាំថ្ងៃ និងបរិច្ចាគខ្លះទៅឲ្យបងប្រុសខ្លួន ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ