រាជធាភ្នំពេញ ៖ ខ្សែភ្លើងបានឆ្លងចរន្តអគ្គីសនី បណ្តាលឱ្យផ្ទុះបែកផ្កាភ្លើងឆេះខ្សែកាប និងខ្សែភ្លើងដាច់ធ្លាក់រប៉ាត់រប៉ាយតាមផ្លូវ បង្កអោយមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចនាំគ្នាជួយពន្លត់។ ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង១០និង៣៥នាទីព្រឹកថ្ងៃទី២៤ ខែតុលា ឆ្នាំ២០១៩…
រាជធាភ្នំពេញ ៖ ខ្សែភ្លើងបានឆ្លងចរន្តអគ្គីសនី បណ្តាលឱ្យផ្ទុះបែកផ្កាភ្លើងឆេះខ្សែកាប និងខ្សែភ្លើងដាច់ធ្លាក់រប៉ាត់រប៉ាយតាមផ្លូវ បង្កអោយមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចនាំគ្នាជួយពន្លត់។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង១០និង៣៥នាទីព្រឹកថ្ងៃទី២៤ ខែតុលា ឆ្នាំ២០១៩ ស្ថិតនៅផ្លូវលេខ៥១៦ ក្នុងសង្កាត់បឹងកក់១ ខណ្ឌទួលគោក ។
តាមប្រភពពីសន្តិសុខម្នាក់នៅកន្លែងកើតហេតុបានឲ្យដឹងថា មុនពេលកើតហេតុ គាត់បានឈរយាមនៅក្រោមបង្គោលភ្លើង ស្រាប់តែខ្សែភ្លើងបានឆ្លងចរន្តផ្ទុះឆេះបែកផ្កាភ្លើងបង្កអោយមានការភ្ញាក់ផ្អើលតែម្តង។
តាមប្រភពដដែលបានអោយដឹងបន្តថា ខណៈនោះខ្សែភ្លើងបានផ្ទុះឆេះរាលដាល ហើយដាច់ធ្លាក់រប៉ាត់ រប៉ាយមកលើដី បង្កឱ្យមានការផ្អើលឆោឡោដល់ប្រជាពលរដ្ឋនៅជិតកន្លែងកើតហេតុនាំគ្នាយកបំពង់ពន្លត់អគ្គិភ័យជាច្រើនបំពង់មកបាញ់ពន្លត់ជាបន្តបន្ទាប់ ។ ចំណែកនគរបាលក៏បានរាយការណ៍ទៅមន្ត្រីអគ្គីសនី ដើម្បីឱ្យផ្តាច់ចរន្តអគ្គិសនី ហើយភ្លើងក៏រលត់ទៅវិញ ។
នៅក្នុងហេតុការណ៍នេះដែរ គេឃើញលោក ឯក ឃុនឌឿន អភិបាលនៃគណៈអភិបាលខណ្ឌទួលគោក បានចុះទៅកន្លែងកើតហេតុ និងបញ្ជាកម្លាំងសណ្តាប់ធ្នាប់ដើម្បីបាញ់ពន្លត់ផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ