ការសន្សំលុយជារឿងសំខាន់មួយ ប៉ុន្តែមនុស្សជាច្រើនជួបការលំបាកក្នុងការប្តេជ្ញាខ្លួននឹងទង្វើនេះ ។ ភាគច្រើនកត្តាដែលជាឧបសគ្គក្នុងការសន្សំលុយសម្រាប់មនុស្សទូទៅគឺកំហុសឆ្គងដែលដែលពួកគេប្រព្រឹត្តដោយមិនដឹងខ្លួន ។ ដូច្នេះដើម្បីចាប់ផ្តើមសន្សំលុយឲ្យមានប្រសិទ្ធិភាពខ្ពស់ ចូរជៀសវាងកំហុសឆ្គងក្នុងការសន្សំលុយខាងក្រោមនេះ៖ ១. សន្សំលុយតិចពេក៖ តើអ្នកគួរតែទុកលុយសន្សំប៉ុន្មានក្នុងមួយខែ?…
ការសន្សំលុយជារឿងសំខាន់មួយ ប៉ុន្តែមនុស្សជាច្រើនជួបការលំបាកក្នុងការប្តេជ្ញាខ្លួននឹងទង្វើនេះ ។ ភាគច្រើនកត្តាដែលជាឧបសគ្គក្នុងការសន្សំលុយសម្រាប់មនុស្សទូទៅគឺកំហុសឆ្គងដែលដែលពួកគេប្រព្រឹត្តដោយមិនដឹងខ្លួន ។ ដូច្នេះដើម្បីចាប់ផ្តើមសន្សំលុយឲ្យមានប្រសិទ្ធិភាពខ្ពស់ ចូរជៀសវាងកំហុសឆ្គងក្នុងការសន្សំលុយខាងក្រោមនេះ៖
១. សន្សំលុយតិចពេក៖
តើអ្នកគួរតែទុកលុយសន្សំប៉ុន្មានក្នុងមួយខែ? ចម្លើយសម្រាប់សំណួរនេះមានលក្ខណៈខុសៗគ្នាទៅតាមមនុស្ស និងស្ថានការដែលពួកគេរស់នៅ ។ អ្នកជំនាញមួយចំនួនផ្តល់យោបល់ឲ្យអ្នកទុក ៥០% សម្រាប់ការចាយវាយចាំបាច់ ៣០% សម្រាប់ការចាយវាយផ្សេងៗ និង ២០% ទៀតសម្រាប់ការសន្សំទុក ។ ប្រសិនបើ ២០% នៅតិចពេកសម្រាប់អ្នក អ្នកអាចតម្លើងអត្រាទៅតាមសមត្ថភាព ។ អ្វីដែលគួរចងចាំគឺការសន្សំត្រូវតែកើតមានឡើងជារៀងរាល់ខែ ហើយអ្នកត្រូវតែប្តេជ្ញាថានឹងសន្សំឲ្យបានគ្រប់ចំនួនដែលកំណត់ ។
២. ចែកគណនីសម្រាប់ប្រាក់សន្សំ៖
វាជាកំហុសធំមួយក្នុងការទុកថវិកាសម្រាប់ការចាយវាយ និងថវិកាសន្សំក្នុងគណនីធនាគារតែមួយព្រោះអ្នកនឹងជួបការលំបាកក្នុងការតាមដានដំណើរការសន្សំ និងទម្លាប់ក្នុងការចាយវាយរបស់អ្នក ។ ក្រៅពីគណនីសម្រាប់ប្រាក់សន្សំហើយ អ្នកក៏គួរមានគណនីមួយទៀតសម្រាប់ពេលមានរឿងបន្ទាន់ដែរ ។
៣. មិនកំណត់គោលដៅច្បាស់លាស់៖
មនុស្សម្នាក់ៗមិនមែនចេះតែសន្សំៗដោយមិនមានគោលដៅទេ ។ អ្នកគួរតែកំណត់គោលដៅដែលអ្នកគិតថាខ្លួនអាចសម្រេចបានក្នុងរយៈពេលណាមួយជាកំណត់ ។ លើសពីនេះទៅទៀត អ្នកត្រូវគិតឲ្យបានច្បាស់ថាអ្នកត្រូវសន្សំមួយខែប៉ុន្មានដើម្បីឲ្យខ្លួនអាចសម្រេចគោលដៅ ។
ពេលដែលអ្នកកំណត់បានច្បាស់ហើយ អ្នកនឹងមានភាពងាយស្រួលក្នុងការតាមដានដំណើរការ និងជំរុញទឹកចិត្តខ្លួនឲ្យរក្សាទម្លាប់ល្អនេះរហូតដល់សម្រេចបានគោលដៅ ៕ កែសម្រួលដោយ ៖សុឃាក់
ចែករំលែកព័តមាននេះ