ការក្លាយជាមហាសេដ្ឋីមិនពឹងផ្អែកតែលើការខិតខំប្រឹងប្រែង និងការប្តេជ្ញាចិត្តទេ ព្រោះកត្តាដទៃទៀតដូចជា សំណាងមិនល្អ ការខុសកាលៈទេសៈ និងរឿងនឹកស្មានមិនដល់ដទៃអាចបង្កបញ្ហាក្នុងការសម្រេចគោលដៅទាំងនេះបាន ។ យ៉ាងណាក្តី ការខិតខំប្រឹងប្រែង និងប្តេជ្ញាចិត្តគឺជាចំណុចដែលចាំបាច់ត្រូវតែមានប្រសិនបើអ្នកចង់ក្លាយជាមហាសេដ្ឋី…
ការក្លាយជាមហាសេដ្ឋីមិនពឹងផ្អែកតែលើការខិតខំប្រឹងប្រែង និងការប្តេជ្ញាចិត្តទេ ព្រោះកត្តាដទៃទៀតដូចជា សំណាងមិនល្អ ការខុសកាលៈទេសៈ និងរឿងនឹកស្មានមិនដល់ដទៃអាចបង្កបញ្ហាក្នុងការសម្រេចគោលដៅទាំងនេះបាន ។ យ៉ាងណាក្តី ការខិតខំប្រឹងប្រែង និងប្តេជ្ញាចិត្តគឺជាចំណុចដែលចាំបាច់ត្រូវតែមានប្រសិនបើអ្នកចង់ក្លាយជាមហាសេដ្ឋី ។ ប៉ុន្តែក្រៅពីនេះហើយ មហាសេដ្ឋីដទៃបានចែករំលែកថាអ្នកក៏ត្រូវមានចំណុចខាងក្រោមនេះដែរ ។
១. កុំធ្វើតាមអ្នកដទៃ ៖
កុំចាំតែមើលមហាសេដ្ឋីដទៃហើយធ្វើតាមគេទាំងស្រុង ។ ផ្ទុយមកវិញអ្នកគួរស្វែងយល់ពីអ្វីពិភពលោកចង់បាននិងត្រូវការវិញ ។ ឧទាហរណ៍ដូចជា បញ្ហាក្នុងការហៅតាក់ស៊ីនៅទីក្រុងប៉ារីសបង្កឲ្យមានកំណើតក្រុមហ៊ុន Uber ជាដើម ។
២. មានក្តីសុបិនធំ៖
តើអ្នកអាចនាំមកនូវអ្វីដែលអាចផ្លាស់ប្តូរជីវិតមនុស្ស និងបង្កើតអាជីវកម្មថ្មីមួយបាន0x017d7 មិនមានមហាសេដ្ឋីមួយណាដែលចាប់ផ្តើមក្រុមហ៊ុនដើម្បីជោគជ័យបានមធ្យមទេ ។ ដូចជាលោក ប៊ីល ហ្គេតស៍ (Bill Gates) ដែលស្ថិតក្នុងចំណោមក្រុមមនុស្សដំបូងដែលគិតថាកុំព្យូទ័រអាចផ្លាស់ប្តូរការប្រកបអាជីវកម្ម ការសិក្សា ការប្រាស្រ័យទាក់ទងគ្នា និងការកម្សាន្តប្រសិនបើអ្នកប្រើប្រាស់មានភាពងាយស្រួលក្នុងការប្រើវា ។
៣. ធ្វើជាមនុស្សដែលឲ្យតម្លៃលើភាពលម្អិត៖
លោក ស្ទីវ ចបស៍ (Steve Jobs) ដែលជាសហស្ថាបនិកក្រុមហ៊ុន Apple បាននិយាយថា ភាពជោគជ័យកើតឡើងពីការសរុបភាពលម្អិតចូលគ្នា ដែលមានន័យថាអ្នកមិនត្រូវមើលរំលងកត្តាតូចៗណាមួយទេ ។ យោងទៅតាម NPR បានឲ្យដឹងថា មានពេលមួយ លោកចបស៍បានតេទៅកាន់នាយករបស់ Google នៅព្រឹកថ្ងៃអាទិត្យដើម្បីប្រាប់ថាលោកមិនពេញចិត្តនឹងពណ៌ Logo របស់ Google នៅលើអេក្រង់របស់ iPhone ឡើយ ។
៤. មិនត្រូវភ្លេចអតិថិជនដាច់ខាត៖
អ្នកអាចបង្កើតផលិតផលថ្មី និងវិនិយោគលើផលិតផលរបស់អ្នក តែអ្នកត្រូវរក្សាភាពពេញចិត្តរបស់អតិថិជនជាកត្តាធំជាងគេដដែល ។ លោក ជេហ្វឺរី ដ័រមេន (Jeffery Doorman) ដែលមកពី Forbes បានកត់សម្គាល់ថា ៧៥% នៃមហាសេដ្ឋីពិភពលោកបានកសាងទ្រព្យសម្បត្តិពីការលក់អ្វីដែលអតិថិជនចង់បាន ៕ កែសម្រួលដោយ ៖ សុឃាក់
ចែករំលែកព័តមាននេះ