អគារខ្ពស់កប់ពពកក្នុងលោកនៅប្រទេសណាខ្លះ ?
តើលោកអ្នកដឹងទេ អគារខ្ពស់ជាងគេក្នុងពិភពលោកនៅប្រទេសណាខ្លះ និងប្រទេសណាមានអគារប្រភេទនោះច្រើនជាងគេ ?
កោះសន្តិភាពសូមបង្ហាញអគារខ្ពស់ជាងគេក្នុងលោកចំនួន១០ ។
តើលោកអ្នកដឹងទេ អគារខ្ពស់ជាងគេក្នុងពិភពលោកនៅប្រទេសណាខ្លះ និងប្រទេសណាមានអគារប្រភេទនោះច្រើនជាងគេ ?
កោះសន្តិភាពសូមបង្ហាញអគារខ្ពស់ជាងគេក្នុងលោកចំនួន១០ ។
១-អគារ Buri Khalifa
Buri Khalifa ស្ថិតក្នុងទីក្រុងឌូបៃ ប្រទេសអេមីរ៉ាតអារ៉ាប់រួម (UAE) មានប្រវែង៨២៩,៩៧ម៉ែត្រ និងកម្ពស់១៦៣ជាន់ ។ សំណង់អគារនេះចំណាយពេល៦ឆ្នាំ ក្នុងការសាងសង់ គឺជាអគារខ្ពស់ជាងគេរបស់ពិភពលោក ។ អគារមួយនេះរួមបញ្ចូលទាំងសណ្ឋាគារ កន្លែងម៉ាស្សា កន្លែងហាត់ប្រាណ ព្រមទាំងកន្លែងកម្សាន្តផ្សេងទៀត ។
២-អគារ Makkah Royal Clock Tower Hotel
Makkah Royal Clock Tower Hotel មានប្រវែង៦០១.០៦៦ម៉ែត្រ និងកម្ពស់១២០ជាន់ ស្ថិតនៅប្រទេសអារ៉ាប៊ីសាអ៊ូឌីត ។ សំណង់អគារនេះជាលក្ខណៈសណ្ឋាគារសម្រាប់មនុស្សមានកេរ្តិ៍ឈ្មោះ និងទ្រព្យសម្បត្តិស្នាក់នៅ ។
៣-អគារ New World Trade Center
New World Trade Center ស្ថិតក្នុងទីក្រុងញូវយ៉ក ទើបតែសាងសង់ចប់ជាស្ថាពរក្នុងឆ្នាំ២០១៣ មានប្រវែង៥៤១.៣២៥ម៉ែត្រ និងកម្ពស់១០៤ជាន់ ។
៤-អគារ Taipei 101
Taipei 101 ស្ថិតក្នុងក្រុងតៃប៉ិ កោះតៃវ៉ាន់។ សំណង់អគារ Taipei មានប្រវែង៥០៨.៧១១ម៉ែត្រ និងកម្ពស់៥ជាន់ក្រោមដី និង១០១ជាន់នៅផ្នែកខាងលើ។
៥-សំណង់អគារ Shanghai World Financial Center នៅប្រទេសចិន
Shanghai World Financial Center ស្ថិតក្នុងតំបន់សៀងហៃ ប្រទេសចិន មានប្រវែង៤៩១.៩៤៧ម៉ែត្រ ។ សំណង់អគារមួយនេះសាងសង់រួចរាល់ក្នុងឆ្នាំ២០០៧ ដោយចំណាយរយៈពេល១១ឆ្នាំ ។
៦-សំណង់អគារ International Commerce Center នៅប្រទេសចិន
International Commerce Center ស្ថិតក្នុងទីក្រុងហុងកុង ប្រទេសចិន មានប្រវែង៤៨៤.០២២ម៉ែត្រ និងកម្ពស់១១៣ជាន់ ។ សំណង់អគារមួយនេះសាងសង់ចប់ក្នុងឆ្នាំ២០១០ ។ វាជាអគារសម្រាប់អ្នកទេសចរជាតិ និងអន្តរជាតិ ចូលទស្សនាកម្សាន្ត ។
៧-សំណង់អគារភ្លោះ Petronas Towers
Petronas Towers ស្ថិតក្នុងទីក្រុងកូឡាឡាំពួរ ប្រទេសម៉ាឡេសុីមានប្រវែង៤៥២.០១៨ម៉ែត្រ និងកម្ពស់៨៨ជាន់ ។ វាជាកន្លែងកម្សាន្តលើលំហអាកាស ដែលប្រជាជនម៉ាឡេសុីតែងតែចំណាយពេលវេលាលើអគារភ្លោះមួយនោះ ។ ចន្លោះរវាងអគារទាំងពីរ គឺមានស្ពានមួយសម្រាប់ឆ្លងកាត់ ។
៨-សំណង់អគារ Zifeng Tower
Zifeng Tower ស្ថិតក្នុងតំបន់ណានជីង ប្រទេសចិន មានប្រវែង៤៥១.១០៤ម៉ែត្រ ។ អគារនេះសាងសង់ឡើងដោយស្ថាបត្យករ Adrian Smith នៅឆ្នាំ២០០៨ ។ សំណង់អគារនេះ មានសណ្ឋាគារ ការិយាល័យ ភោជនីយដ្ឋាន ហាងទំនិញ និងកន្លែងកម្សាន្តជាច្រើន ។
៩-សំណង់អគារ Willis Tower
Willis Tower ស្ថិតក្នុងរដ្ឋសុីកាហ្គោ សហរដ្ឋអាមេរិក សាងសង់ឡើងក្នុងឆ្នាំ១៩៧៤ ។ Willis Tower មានប្រវែង៤៤២.២៦៥ម៉ែត្រ និងកម្ពស់១០៨ជាន់។ សំណង់អគារមួយនេះ ចាត់ចូលជាអគារដែលមានកម្ពស់ខ្ពស់ជាងគេក្នុងចំណោមសំណង់អគារដទៃ ផ្សេងទៀត បន្ទាប់ពីរយៈពេល២៥ឆ្នាំក្រោយការបង្កើត។ ជារៀងរាល់ឆ្នាំ មានមនុស្សម្នារាប់លាននាក់ទៅកម្សាន្តអគារមួយនោះ។
១០-សំណង់អគារ Kingkey 100
Kingkey 100 ស្ថិតក្នុងស្រុក Shenzhen ប្រទេសចិន ជាប់ចំណាត់ថ្នាក់ទី១០ របស់ពិភពលោក ។ Kingkey 100 មានប្រវែង៤៤១.៦៥៥ម៉ែត្រ និងកម្ពស់១០០ជាន់ ។ Kingkey 100 រួមបញ្ចូលទាំងសណ្ឋាគារ ហាងទំនិញ ភោជនីយដ្ឋាន និងកន្លែងកម្សាន្តជាច្រើនទៀត ៕
ចែករំលែកព័តមាននេះ