ក្រុមហ៊ុនផលិតរថយន្តទំនើបៗ ដឹងថាវាមិនគ្រប់គ្រាន់ទេក្នុងការលក់រថយន្តរបស់ពួកគេទៅឱ្យអ្នកទិញដែលមានទ្រព្យស្តុកស្តម្ភ ។ ពួកគេត្រូវអោយកូនៗ របស់អ្នកមានទាំងនោះ ដើម្បីឱ្យកូនៗអាចទទួលបាននូវបទពិសោធន៍ប្រណិតភាពដូចម្តាយឪពុករបស់គេដែរ ។ យើងបានឃើញរថយន្តតូចៗសម្រាប់ក្មេងជាច្រើន ដែលត្រូវបានផលិតដោយក្រុមហ៊ុនរថយន្តប្រណិតមួយចំនួន ដែលក្នុងមាននោះមានរថយន្ត McLaren 720s ប្រើអាគុយ និង រថយន្ត Bugatti សម្រាប់ទារក។
តែរថយន្តចេញពីយីហោទាំងពីរខាងលើ ត្រូវបានរថយន្តរបស់ Rolls-Royce ស៊ីដាច់នៅក្នុងឆ្នាំ២០១៧ ក្រោយពីក្រុមហ៊ុននេះផលិតរថយន្តតូចៗសម្រាប់ក្មេងៗនៅក្នុងមន្ទីរពេទ្យ Saint Richard ជិះលេងមុនពេលចូលធ្វើការវះកាត់។ វាមានឈ្មោះថា Rolls-Royce SRH។ វាគឺជារថយន្តក្មេងជិះលេង ដែលយកគម្រូតាមរថយន្ត Rolls-Royce Wraith។ នៅក្នុងឆ្នាំនេះ ក្រុមហ៊ុន Rolls-Royce នឹងបង្កើតកម្មវិធីរៃអង្គាសប្រាក់ជួយដល់មន្ទីរពេទ្យបី ដែលរួមមាន St Richard’s Hospital នៅក្នុង Chichester មន្ទីរពេទ្យ Worthing Hospital និង មន្ទីរពេទ្យ Southlands Hospital នៅ Shoreham។ កម្មវិធីមនុស្សធម៌នេះមានឈ្មោះថា Love Your Hospital ឬ ស្រឡាញ់មន្ទីរពេទ្យរបស់អ្នក។
រថយន្ត Rolls-Royce SHR ត្រូវបានសាងសង់ឡើង សម្រាប់ផ្នែកវះកាត់កុមារនៅមន្ទីរពេទ្យ St Richard’s Hospital ដូច្នេះក្មេងៗអាចមានភាពសប្បាយរីករាយបន្តិចមុនពេលធ្វើការវះកាត់។ អ្វីដែលកាន់តែពិសេសទៀតនោះ Rolls-Royce បានបង្កើតជាស្លាកសញ្ញាចរាចរណ៍ សម្រាប់ឱ្យក្មេងៗបើករថយន្ត SHR ទៅកាន់សាលវះកាត់ដោយខ្លួនឯង។ ការធ្វើដូចនេះ អាចជួយកាត់បន្ថយភាពភ័យខ្លាចរបស់ក្មេងមួយផ្នែកធំ មុនពេលធ្វើការវះកាត់។ មានក្មេងៗច្រើនណាស់ ដែលបានបើករថយន្តនោះទៅដោយខ្លួនឯងនៅក្នុងមន្ទីរពេទ្យ ដែលមានចំនួនសរុបកាលពីឆ្នាំ២០១៧ ដល់ទៅ១៣០០នាក់។
គួរបញ្ជាក់ផងដែរថា រថយន្ត Rolls-Royce SHR មិនមានដាក់លក់នោះទេ ព្រោះវាប្រើសម្រាប់តែនៅក្នុងមន្ទីរពេទ្យក្មេងប៉ុណ្ណោះ។ វាមិនដូចជារថយន្តក្មេងលេងដែលផលិតដោយក្រុមហ៊ុនរថយន្តល្បីៗផ្សេងទៀតនោះទេ។ វាគឺជារថយន្តតូចមែន តែអាចជួយដល់កុមារច្រើន៕
ប្រភព ៖ carbuzz , កែសម្រួលដោយ ៖ សំណាង
ចែករំលែកព័តមាននេះ