ការជួបប្រទះសុខ ឬក៏ទុក្ខវាជារឿងធម្មតារបស់មនុស្សយើងទៅហើយ គឺយើងមិនអាចដឹងអំពីដំណើរនៃជីវិតដែលកំពុងតែប្រឈមមុខជាមួយនឹងបញ្ហាផ្សេងៗនោះឡើយ ព្រោះថា ជីវិតយើងរស់នៅប្រចាំថ្ងៃនេះរមែងជួបប្រទះនូវរឿងរ៉ាវជាច្រើនដែលមិនអាចពណ៌នាបាន ។
ក្នុងឆាកជីវិតរបស់មនុស្សយើង មិនអាចនឹងមើលឃើញបានទេ ថាតើវានឹងទៅជាយ៉ាងណានោះ តែប្រសិន បើបានដឹងវិញគ្រាន់តែបានដឹងត្រឹមថាមនុស្សណាដែលខំប្រឹងធ្វើការ ឬខំប្រឹងរៀនសូត្រ ព្យាយាមធ្វើអ្វីៗ គ្រប់បែបយ៉ាងទាំងអស់ និងដើម្បីជាប្រយោជន៍ខ្លួនតែប៉ុណ្ណោះ។
ដូចអ្នកវិទ្យាសាស្ត្រគេព្យាករនូវហេតុការណ៍វិញ បានត្រឹមតែហ៊ានពោលថា មានការរញ្ជួយដី ទឹកជំនន់ មានផ្ទុះភ្នំភ្លើង ឬក៏ខ្យល់ព្យុះជាដើម ប៉ុន្តែមិនអាចហ៊ានធានាថាការពោលនោះត្រឹមត្រូវទាំងអស់បានឡើយ ។
តាមធម្មតាការកើតឡើងរបស់ក្នុងលោករមែងមានការតាំងនៅ និងវិនាសទៅវិញជាធម្មតា បើបានដឹងដូច្នេះហើយតើអ្នកណាឡើយនឹងដឹងនូវដំណើរជីវិតបាននោះ ។ (ដោយសាន សារិន)
ចែករំលែកព័តមាននេះ