រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បុរស២នាក់ជិះម៉ូតូមួយគ្រឿងមកពីលេងផ្ទះមិត្តភក្តិ ស្រាប់តែត្រូវរថយន្តកុងទ័រនឺកិនអ្នកបើកម៉ូតូដាច់ខ្លួនជាពីរកំណាត់ចេញពីគ្នាស្លាប់យ៉ាងអាណោចអាធ័មនៅនឹងកន្លែងកើតហេតុ ចំណែកអ្នកអង្គុយពីក្រោយរងរបួសស្រាល ដោយឡែករថយន្តបង្កបានបើករត់បាត់ស្រមោល បង្កឱ្យមានការភ្ញាក់ផ្អើលកាលពីម៉ោង1និង40នាទីរំលងអធ្រាត្រឈានចូលថ្ងៃទី23 ខែតុលា ឆ្នាំ2019 តាមបណ្តោយផ្លូវជាតិលេខ៥ ចំណុចម្តុំយឿត្រីព្រែកភ្នៅ ស្ថិតនៅក្នុងសង្កាត់ព្រែកភ្នៅ ខណ្ឌព្រែកភ្នៅ ។
សេចក្តីរាយការណ៍បន្តថា ជនរងគ្រោះដែលស្លាប់មានឈ្មោះហ៊ា ភេទប្រុស អាយុ40ឆ្នាំ ស្នាក់នៅម្តុំលូប្រាំ សង្កាត់ស្ទឹងមានជ័យ៣ ខណ្ឌមានជ័យ ខេត្តកំពង់ចាម ។ ចំណែកឯអ្នកអង្គុយពីក្រោយវិញមានឈ្មោះចិត្រា ភេទប្រុស អាយុ25ឆ្នាំ ស្នាក់នៅភូមិកោះទាវ ស្រុកស្អាង ខេត្តកណ្តាល ។
បើតាមសាក្សីឃើញហេតុការណ៍បានឱ្យដឹងថា មុនពេលកើតហេតុ គេបានឃើញបុរស២នាក់ជាជនរងគ្រោះជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ស៊េរី2011 ពាក់ស្លាកលេខភ្នំពេញ 1BA6930 បើកតាមបណ្តោយផ្លូវជាតិលេខ៥ពីជើងទៅត្បូង ហើយទើបតែចេញមកពីលេងផ្ទះមិត្តភក្តិនៅឯម្តុំព្រែកភ្នៅ គោលបំណងជិះទៅផ្ទះនៅឯម្តុំលូ៥វិញ ។ ខណៈពេលជិះមកដល់កន្លែងកើតហេតុ ស្រាប់តែមានរថយន្ត២គ្រឿងនៅពីមុខ ដោយ១គ្រឿងនៅខាងស្តាំជារថយន្តក្រុង និងរថយន្តមួយគ្រឿងនៅខាងឆ្វេងជារថយន្តកុងទ័រនឺរ។
ប្រភពដដែលបន្តថា ភ្លាមៗនោះដែរ ស្រាប់តែម៉ូតូហុងដាឌ្រីមនោះបានទាក់ដៃចង្កូតជាមួយរថយន្តកុងទ័រនឺរ បណ្តាលឱ្យដួលខ្ទាតអ្នកឌុបទៅកណ្តាលផ្លូវហើយត្រូវរថយន្តកុងទ័រនឺរបើកកិនចំពាក់កណ្តាលខ្ល្លួន បណ្តាលឱ្យដាច់ខ្លួនជា២កំណាត់ខ្ទាតចេញពីគ្នាតែម្តង ចំណែកឯអ្នកអង្គុយពីក្រោយវិញគ្រាន់តែរងបួសស្រាលប៉ុណ្ណោះ ចំណែកម៉ូតូជនរងគ្រោះក៏មិនមានខូចខាតអ្វីធ្ងន់ធ្ងរដែរ ប៉ុន្តែភ្លាមៗនោះដែរ រថយន្តកុងទ័រនឺរក្រោយពីបង្កហេតុរួច ក៏បានបើករថយន្តរត់គេចខ្លួនបាត់ស្រមោល ដោយមិនបានឈប់នៅដោះស្រាយគ្នាជាមួយជនរងគ្រោះនោះទេ។
ក្រោយពេលកើតហេតុ សពជនរងគ្រោះត្រូវបានក្រុមគ្រួសារដឹកយកទៅធ្វើបុណ្យនៅឯស្រុកកំណើតទៅតាមប្រពៃណី រីឯម៉ូតូជនរងគ្រោះវិញត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌព្រែកព្នៅ ។ (កែសម្រួលដោយ ៖ បុប្ផា)
ចែករំលែកព័តមាននេះ