រាជធានីភ្នំពេញ ៖ ប្រជាពលរដ្ឋប្រមាណជិត១០នាក់ បានផ្ទុះការតវ៉ាដោយលើកបដា និងរូបថតសម្តេចតេជោនិងសម្តេចកិត្តិព្រឹទ្ធបណ្ឌិតព្រោងព្រាតស្រែកអយុត្តិធម៌ ខណៈពេលដែលអាជ្ញាធរខណ្ឌប្ញស្សីកែវ បានប្រើកម្លាំងប្រមាណជាង១០០នាក់ ការពារគ្រឿងចក្ររុះរើសំណង់ផ្ទះជួលមួយខ្នងរបស់មន្ត្រីយោធា ថ្នាក់វរសេនីយ៍ម្នាក់ ។…
រាជធានីភ្នំពេញ ៖ ប្រជាពលរដ្ឋប្រមាណជិត១០នាក់ បានផ្ទុះការតវ៉ាដោយលើកបដា និងរូបថតសម្តេច
តេជោនិងសម្តេចកិត្តិព្រឹទ្ធបណ្ឌិតព្រោងព្រាតស្រែកអយុត្តិធម៌ ខណៈពេលដែលអាជ្ញាធរខណ្ឌប្ញស្សីកែវ បានប្រើកម្លាំងប្រមាណជាង១០០នាក់ ការពារគ្រឿងចក្ររុះរើសំណង់ផ្ទះជួលមួយខ្នងរបស់មន្ត្រីយោធា ថ្នាក់វរសេនីយ៍ម្នាក់ ។
ទោះបីមានការតវ៉ា និងក្រាញននៀលពីម្ចាស់យ៉ាងណាក៏ដោយ ក៏អាជ្ញាធរបានប្រើគ្រឿងចក្រវាយកម្ទេចតែមួយប៉ព្រិចភ្នែកក្រោមសម្រែកអយុត្តិធម៌ ។ ហេតុការណ៍នេះ បង្កអោយមានការភ្ញាក់ផ្អើល កាលពីវេលាម៉ោងប្រមាណ៣រសៀលថ្ងៃទី២២ តុលា នៅចំណុចដីអភិវឌ្ឍន៍ប្ញស្សីកែវក្នុងភូមិទួលពពែ សង្កាត់ទួលសង្កែ ខណ្ឌប្ញស្សីកែវ ។ នៅក្នុងហេតុការណ៍ដែលក៏មានការប្រទុស្សរ៉ាយគ្នាផងដែរ ខណៈពេលដែលអាជ្ញាធរ បានបញ្ជាអោយកម្លាំងសណ្តាប់ធ្នាប់ទៅចាប់ដកហូតបដារបស់ក្រុមអ្នកតវ៉ា ។
អគារផ្ទះជួលដែលអាជ្ញាធរចុះរុះរើមួយខ្នងមាន២០បន្ទប់ មានប្រជាពលរដ្ឋជួលស្នាក់នៅ១២គ្រួសារដែលមានម្ចាស់ឈ្មោះព្រុំ បូរ ជាមន្ត្រីយោធា ថ្នាក់វរសេនីយ៍ដែលបានតស៊ូក្រាញ់ននៀលតវ៉ាជាយូរមកហើយ ក្នុងចំណោមប្រជាពលរដ្ឋចំនួន៧គ្រួសារ ដែលកំពុងតែធ្វើការតវ៉ា ហើយស្នាក់នៅដីរបស់ខ្លួនដែលបានកាន់កាប់តាំងពីការបង្កើតតំបន់អភិឌ្ឍន៍មកម្ល៉េះ ។ តាមអាជ្ញាធរខណ្ឌប្ញស្សីកែវបានអោយដឹងថា ការប្រើវិធានការរដ្ឋបាល ធ្វើឡើងតាមការណែនាំ របស់រដ្ឋបាលសាលារាជធានីភ្នំពេញ ដើមរុះរើសំណង់ដែលរំលោភលើដីនៅតំបន់អភិឌ្ឍន៍ប្ញស្សីកែវ ។
តាមអាជ្ញាធរបានអោយដឹងទៀតថា មុនការប្រើវិធានការណ៍រដ្ឋបាល អាជ្ញាធរបានជួនដំណឹងដល់ម្ចាស់ព្រមទាំងប្រជាពលរដ្ឋ ស្នាក់នៅអោយរុះរើសំណង់នោះចេញជាច្រើលើកមកហើយ ។ បន្ទាប់ពីជួនដំណឹង ប្រជាពលរដ្ឋដែើស្នាក់នៅចំនួន៨គ្រួសារ បានរើអីវ៉ាន់ចាកចេញ ដោយខ្លួននៅសល់តែ៤គ្រួសារមិនព្រម ទើបអាជ្ញាធរ ចុះមករុះរើ តែម្តង។ តាមព័ត៌មាន បានអោយដឹងថា ខណៈនោះអាជ្ញាធរ បាននាំគ្នាជួយរើអីវ៉ាន់ ប្រជាពលរដ្ឋ ដែលកំពុងតែស្នាក់នៅ ព្រមទាំងប្រើគ្រឿងចក្រវាយកម្ទេចចោលតែម្តង ។
ទន្ទឹមនោះគេឃើញ លោកព្រំ បូរ ស្ថិតនៅក្នុងឯកសណ្ឋានយោធា បានក្រាញននៀល ហើយត្រូវបានកម្លាំងសណ្តាប់ធ្នាប់ នាំគ្នាចាប់ទាញនិងសែងចេញ ។ស្រមពេលគ្នានោះដែរ ក្រុមគ្រួសារ លោកព្រំ បូរ និង ប្រជាពលរដ្ឋ ដែលមានដីនៅតំបន់នោះដែរ បាននាំគ្នាលើករូបថតសម្តេចតេជោ ហ៊ុន សែន និងសម្តេចកិតិិិិិ្តព្រឹទ្ធបណ្ឌិត ហ៊ុន រ៉ានីហ៊ុន សែន ព្រមទាំងស្រែកអយុត្តិធម៌ ហើយបានត្រូវបានកម្លាំងសណ្តាប់ធ្នាប់ ចុះទៅចាប់ដកហូតបដានិងរូបថតនោះចំនួន២ដង ។
ទោះបីជាម្ចាស់ក្រាញននៀល និងផ្ទុះការតវ៉ាស្រែកអយុត្តិធម៌យ៉ាងណា អាជ្ញាធរបានប្រើគ្រឿងចក្រវាយកម្ទេចផ្ទះជួលមួយខ្នង ព្រមទាំងដើមឈើរាបដល់ដី ក្រោមការទទួចសុំអោយអោយសម្តេចជួយរកយុត្តិ
ធម៌ ។
ចែករំលែកព័តមាននេះ