រាជធានីភ្នំពេញ ៖ បន្ទាប់ពីទទួលបានភាពជោគជ័យជាខ្លាំងលើគម្រោង «អ្នកជាវីរបុរស» កាលពីខែមេសាកន្លងទៅនេះ ដោយបានរៃអង្គាសថវិកាបានចំនួន ៨,៦៥០ដុលា្លរ បរិច្ចាគដល់មន្ទីរពេទ្យកុមារអង្គរ ខេត្តសៀមរាប វីតាល់ បានសម្រេចបន្តគម្រោងសប្បុរសធម៌ «អ្នកជាវីរបុរស» ជាលើកទី២ទៀត ដោយមានការសំណូមពរជាច្រើនពីអតិថិជន ក៏ដូចជាប្រិយមិត្តនៅតាមបណ្ដាញសង្គម ដែលបានបើកសម្ពោធជាផ្លូវការនាព្រឹកថ្ងៃអង្គារ ទី២២ ខែតុលា ឆ្នាំ២០១៩ នេះនៅផ្សារទំនើបអ៊ីដេនហ្គាដិន ។
«អ្នកជាវីរបុរ» គឺជាគម្រោងសប្បុរសធម៌មួយផ្តល់ឱកាសឲ្យប្រជាពលរដ្ឋទូទៅអាចរួមចំណែកក្នុងការបរិច្ចាគជាថវិកាជាលក្ខណៈបុគ្គលចូលក្នុងមូលនិធិគន្ធបុប្ផាកម្ពុជា ដោយគ្រាន់ជាវទឹក វីតាល់ តាមទូលក់ភេសជ្ជៈស្វ័យប្រវត្តិទាំង ១៨ទូ នៅទូទាំងរាជធានី ។ គម្រោងលើកទី២នេះ មានរយៈពេល ១ឆ្នាំពេញដោយយើងរំពឹងថា នឹងទទួលបានថវិកាកាន់តែច្រើនជាងមុន ដើម្បីបំពេញតម្រូវការដល់ការប្រើប្រាស់មន្ទីរពេទ្យគន្ធបុប្ផា ។ ការបង្កើតគម្រោងនេះឡើងគឺផ្អែកលើគោលបំណងធំៗ ៣គឺ ៖
១- ដើម្បីពង្រឹងវប្បធម៌ចែករំលែកជាលក្ខណៈបុគ្គល
២- ផ្សាភ្ជាប់កម្មវិធីសប្បុរសធម៌ជាមួយនឹងម៉ាស៊ីនបែបទំនើប
៣- ប្រមូលថវិកាតាមរយៈការលក់ទឹក ចូលរួមចំណែកក្នុងការជួយព្យាបាលកុមារក្រីក្រកម្ពុជាជាមួយមន្ទីរពេទ្យគន្ធបុប្ផា ។
លោកជំទាវ ជឹង សុគន្ធាវី អគ្គនាយិកាក្រុមហ៊ុន អិនវីស៊ី ខបភើរេសិន «វីតាល់» បានមានប្រសាសន៍ថា ផ្អែកលើមូលនិធិ ២៥៛ វីតាល់ បានបង្កើតកម្មវិធីសប្បុរសធម៌បែបទំនើបនេះជាលើកទី ២ ហើយលោកជំទាវសង្ឃឹមយ៉ាងមុតមាំថា នឹងមានការចូលរួមពីអ្នកគាំទ្រគ្រប់ទិសទីឱ្យបានកាន់តែច្រើនជាងមុន ។
លើសពីនេះ លោកជំទាវក៏បានថ្លែងអំណរគុណដល់អតិថិជន វីតាល់ ដែលតែងតែចូលរួមចំណែកនៃគ្រប់ការងារមនុស្សធម៌ និងស្នើសុំឱ្យមានការចូលរួមគាំទ្រគម្រោងមួយនេះ ដើម្បីអាចអោយ វីតាល់ ប្រមូលបានថវិកាសម្រាប់ជួយផ្គត់ផ្គង់ដល់ មូលនិធិគន្ធបុប្ផា ក្នុងកិច្ចការងារគាំពារ និងព្យាបាលកុមារកម្ពុជាឱ្យបានប្រសើរ ។
លោកជំទាវ ងួន សុខា នាយិកាប្រតិបត្តិ មូលនិធិគន្ធបុប្ផា បានសម្តែងក្តីសប្បាយរីករាយ ដោយមោទនភាពចំពោះការសហការជាមួយ វីតាល់ សម្រាប់គម្រោងកម្មវិធី «អ្នកជាវីរបុរស» លើកទី២ ។ លោកជំទាវមានប្រសាសន៍ថា កម្មវិធីនេះមិនត្រឹមតែជួយផ្សព្វផ្សាយ អំពី មូលនិធិគន្ធបុប្ផាកម្ពុជា ដល់ប្រជាពលរដ្ឋទូទៅប៉ុណ្ណោះទេ ថែមទាំងបានផ្តល់ឱកាសដល់សាធារណជនចូលរូមក្នុងការបរិច្ចាគចូលក្នុងមូលនិធិសម្រាប់មន្ទីរពេទ្យ ថែមទៀតផង ។
លោកជំទាវ ក៏បានស្ងើចសរសើរដល់ក្រុមហ៊ុន វីតាល់ ដែលជាក្រុមហ៊ុនក្នុងស្រុកគម្រូយកចិត្តទុកដាក់ចំពោះសកម្មភាពមនុស្សធម៌ជាច្រើន ជាពិសេសជាមួយមូលនិធិគន្ធបុប្ផា ។ ហើយចំពោះថវិកាដែលបានបរិច្ចាគលើកនេះ មូលនិធិគន្ធបុប្ផាកម្ពុជា នឹងប្រើប្រាស់ឲ្យមានប្រសិទ្ធិភាពបំផុតសម្រាប់កុមារកម្ពុជា ។
គួរបញ្ជាក់ផងដែរថា នេះជាគម្រោងថ្មីមួយរបស់វីតាល់ ដើម្បីរៃអង្គាសថវិកា ផ្គត់ផ្គង់ដល់មន្ទីរពេទ្យគន្ធបុប្ផា បន្តបន្ទាប់គម្រោងជាច្រើនដែលបានធ្វើឡើងកន្លងមកដូចជា ការជិះកង់ប្រចាំឆ្នាំនៅខេត្តសៀមរាប ការចុះឈ្មោះបុគ្គលិកទាំងអស់របស់វីតាល់ ចំនួន ៨០៨ នាក់ជាសមាជិកប្រចាំឆ្នាំ រួមនឹងសកម្មភាពដទៃជាច្រើនទៀត ។
ផ្អែកលើកញ្ចប់ថវិការ ២៥៛ វីតាល់ ប្តេជ្ញាថានឹងបន្តចូលរួមបន្ថែមទៀតរាល់សកម្មភាពល្អៗ ក្នុងសង្គមដើម្បីជាសក្ខីភាពនៃ ការចូលរួមរបស់អតិថិជន វីតាល់ ។ អតិថិជនគ្រាន់តែជាវទឹកពិសា វីតាល់ មានន័យថា អ្នកគឺបានចូលរួមធ្វើបុណ្យកុសល និងចូលរួមចំណែកនៃការជួយ និងអភិវឌ្ឍសង្គមបានជាច្រើន ។ «វីតាល់មោទនភាពផលិតផលជាតិ»៕ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ