គ្មានហេតុផលអ្វីដែលត្រូវព្រួយបារម្ភអំពីការធ្វើខុសនៅពេលដែលអ្នកចាប់ផ្តើមលេងកីឡាថ្មីនោះទេ។ ទោះជាយ៉ាងណាក៏ដោយ ប្រសិនបើអ្នកអាចបំបាត់កំហុសទាំងអស់នោះលឿនជាងអ្នកដទៃ អ្នកនឹងមានភាពប្រសើរជាងគេ ។
ការហាត់ប្រដាល់គឺទាមទារឱ្យមានគ្រូបង្វឹកត្រឹមត្រូវ ដើម្បីកុំឱ្យអ្នកធ្វើខុស ហើយអាចបណ្តាលឱ្យមានរបួសឬបញ្ហាដល់ខ្លួនឯង ។ ខាងក្រោមនេះគឺជាវិធីកែកំហុស ដែលតែងតែកើតមាននៅពេលអ្នកចាប់ផ្តើមប្រដាល់ជាលើកដំបូង។ វាគឺជាការណែនាំរបស់លោកគ្រូបង្វឹកនៅក្លិប Rathbone Boxing Club លោក Greg White។
១. កុំដាល់ប្រើតែកម្លាំងដៃ
លោក White បានមានប្រសាសន៍ថា នៅពេលអ្នកហាត់ប្រដាល់យូរទៅ អ្នកនឹងមិនប្រើតែកម្លាំងដៃនៅពេលដាល់នោះទេ ។ អ្នកនឹងដាល់ដោយប្រើកម្លាំងបូកផ្សំជាមួយនឹងជើង និង មួយតួខ្លួនតែម្តង ។ ការដាល់ខ្លាំងគឺត្រូវប្រើកម្លាំងពីចង្កេះ ត្រកៀក និងជើង ។ ពេលយើងប្រើកម្លាំងពេញមួយតួខ្លួន កម្លាំងដាល់របស់អ្នកនឹងខ្លាំងជាងមុន ។
២. ការប្រើដង្ហើម
លោកគ្រូប្រាប់ថា កុំទប់ដង្ហើមរបស់អ្នកពេលដែលកំពុងដាល់ ។ ត្រូវប្រាកដថាអ្នកផ្លុំខ្យល់ចេញតាមមាត់ ពេលកណ្តាប់ដៃកំពុងតែហោះចេញទៅ ។ អ្នកគួរតែផ្លុំខ្យល់បង្កើតជាសម្លេង ដើម្បីឱ្យកម្លាំងកាន់តែខ្លាំង ។
៣. ទប់លំនឹងឱ្យនឹង ពេលដាល់
លោកគ្រូបានណែនាំថា អ្នកត្រូវប្រាកដថា អ្នកឈរលាតជើងឱ្យធំប្រវែងស្មារ ជង្គង់បន្ទន់បន្តិច ជើងខាងឆ្វេងឈរបែរទៅដៃគូប្រកួត ។ ដៃស្តាំបាំងនៅចង្ការបស់អ្នក ដៃឆ្វេងបាំងមុខរបស់អ្នក ។ អោនមុខចុះ តែភ្នែកមើលទៅដៃគូ ។
៤. កុំទម្លាក់ដៃចុះ
មនុស្សភាគច្រើនទម្លាក់ដៃចុះ ដោយមិនដាក់បាំងមុខ នៅពេលដាល់រួចហើយ ដែលនេះធ្វើឱ្យដៃគូអាចវាយប្រហារបាន។ យើងត្រូវផ្តោតលើ ការយកដៃមកបាំងមុខវិញ ពេលដែលដាល់រួច។ កុំដាល់តទៅទៀត ប្រសិនបើអ្នកមិនទាន់ដាក់ដៃត្រឡប់មកភាពដើមនៅឡើយ ។
៥. ផ្តោតលើជើងផង
អ្នកត្រូវផ្តោតលើជើងរបស់អ្នក។ អ្នកគួរឈរធ្វើខ្លួនឱ្យស្រាល ដោយប្រើម្រាមជើងច្រើនជាងបាតជើងទាំងមូល។ ប្រើប្រអប់ជើងខាងក្រោយរបស់អ្នក បង្កើតជាថាមពលជំនួយដល់ការដាល់។ អ្នកមិនត្រូវទប់ជើងឱ្យជាប់នៅមួយកន្លែងនោះទេ។
ប្រភព ៖ coachmag , កែសម្រួលដោយ ៖ សំណាង
ចែករំលែកព័តមាននេះ