រាជធានីភ្នំពេញ ៖ សាលាដំបូងរាជធានីភ្នំពេញ កាលពីល្ងាចថ្ងៃទី៣០ មេសា សម្រេចឃុំខ្លួនថៅកែរកស៊ីផ្លូវភេទដុះស្លែម្នាក់ប្រចាំតំបន់ត្រឡោកបែក ដាក់ពន្ធនាគារជាបណ្តោះអាសន្ន ក្រោមបទចោទប្រព្រឹត្តអំពើសញ្ចារកម្ម ។
រាជធានីភ្នំពេញ ៖ សាលាដំបូងរាជធានីភ្នំពេញ កាលពីល្ងាចថ្ងៃទី៣០ មេសា សម្រេចឃុំខ្លួនថៅកែរកស៊ីផ្លូវភេទដុះស្លែម្នាក់ប្រចាំតំបន់ត្រឡោកបែក ដាក់ពន្ធនាគារជាបណ្តោះអាសន្ន ក្រោមបទចោទប្រព្រឹត្តអំពើសញ្ចារកម្ម ។
ថៅកែស្រីរូបនោះឈ្មោះអ៊ុំ សុផល ហៅយាយផល អាយុ៥៦ឆ្នាំ ស្នាក់នៅផ្ទះបើកហាងលក់កាហ្វេ តំបន់ត្រឡោកបែក សង្កាត់បឹងកក់២ ខណ្ឌទួលគោក ។ យាយផល ត្រូវបានសមត្ថកិច្ចនគរបាលការិយាលយ័ប្រឆាំងការជួញដូរមនុស្ស និងការពារអនីតិជនរាជធានីភ្នំពេញចុះបង្ក្រាប កាលពីរសៀលថ្ងៃទី២៨ មេសា និងឃាត់ខ្លួននារីបម្រើផ្លូវភេទចំនួន០៤នាក់ ។ ក្រោយពីនគរបាលឃាត់ខ្លួនារីបម្រើផ្លូវភេទ៤នាក់ បានប្រគល់ឲ្យមន្ទីរសង្គមកិច្ចយកទៅអប់រំ ចំណែកយាយផលកសាងសំណុំរឿងបញ្ជួនទៅកាន់សាលាដំបួងរាជធានីភ្នំពេញ ។
គួរបញ្ជាក់ថា យាយផល គាត់បើកទីតាំងបម្រើផ្លូវភេទជ្រកក្រោមស្លាកហាងលក់កាហ្វេ លក់បាយ នៅតំបន់ត្រឡោកបែកនេះដុះស្លែទៅហើយ សមត្ថកិច្ចនៅទីនោះស្គាស់យាយផលច្បាស់ណាស់ មិនតែប៉ុណ្ណោះបុរសមួយចំនួនដែលចង់រកស៊ីក្រៅផ្ទះ គឺគេចមិនផុតពីផ្ទះយាយផលនោះឡើយ ៕
ចែករំលែកព័តមាននេះ