រាជធានីភ្នំពេញ ៖ នាយស្វិត ជាតារាកំប្លែងដែលមហាជនស្គាល់ទូទាំងប្រទេស ប៉ុន្តែជាទូទៅគេមិនបានដឹងពីប្រវត្តិដើមរបស់នាយ ទេ។ កោះសន្តិភាព សូមបង្ហាញប្រិយមិត្តអ្នកអានឱ្យបានដឹងពីប្រវត្តិដើមរបស់នាយស្វិត ។ ក្នុងជំនួបជាមួយអ្នកយកព័ត៌មានកោះសន្តិភាពកាលពីពេល ថ្មីៗនេះ នាយស្វិត រៀបរាប់ឱ្យដឹងថា នាយមានឈ្មោះដើម ឈឿន រិទ្ធី ស្រុកកំណើតនៅស្រុកឯកភ្នំ ខេត្តបាត់
រាជធានីភ្នំពេញ ៖ នាយស្វិត ជាតារាកំប្លែងដែលមហាជនស្គាល់ទូទាំងប្រទេស ប៉ុន្តែជាទូទៅគេមិនបានដឹងពីប្រវត្តិដើមរបស់នាយ ទេ។ កោះសន្តិភាព សូមបង្ហាញប្រិយមិត្តអ្នកអានឱ្យបានដឹងពីប្រវត្តិដើមរបស់នាយស្វិត ។ ក្នុងជំនួបជាមួយអ្នកយកព័ត៌មានកោះសន្តិភាពកាលពីពេល ថ្មីៗនេះ នាយស្វិត រៀបរាប់ឱ្យដឹងថា នាយមានឈ្មោះដើម ឈឿន រិទ្ធី ស្រុកកំណើតនៅស្រុកឯកភ្នំ ខេត្តបាត់ដំបង ។ នាយមានបងប្អូនចំនួន៦នាក់ ប្រុស៣ ស្រី៣ ក្នុងនោះនាយជាកូនទី៣ ។ បងប្អូនទាំង៦នាក់របស់នាយសុទ្ធតែជាអ្នកសិល្បៈ ដោយសារតែពូជពង្សវង្សត្រកូលជាអ្នកសិល្បៈល្ខោនបាសាក់តាំងពីដូនតាមក ។ បច្ចុប្បន្ននេះក្រុមល្ខោនរបស់នាយនៅតែបន្តសម្តែងដោយមានឈ្មោះថា ក្រុមល្ខោន «រស្មីអប្សរា» ។
នាយស្វិត បានចាប់អាជីពសិល្បៈល្ខោនបាសាក់តាំងពីទសវត្ស៨០មកម៉្លេះ ។ ពីតូចនាយលេងជាតួអង្គកុមារ តែឥឡូវចាប់ជំនាញជាតួកំប្លែង ។ ការចេះលេងកំប្លែងនេះដោយសារតែនាយរៀនពីនាយវ៉ាំងដឺ ដែលធ្លាប់សម្តែងឱ្យក្រុមល្ខោនម្តាយរបស់លោក ។ នៅឆ្នាំ២០០១ នាយស្វិត បានមកនៅភ្នំពេញ ជាមួយនាយវ៉ាំងដឺ ហើយតែងតែជូនវ៉ាំងដឺ ទៅលេងកំប្លែងតាមហាង តែនាយមិនទាន់ហ៊ានសម្តែងទេ ព្រោះមិនទាន់ទុកចិត្ត ។ លុះនាយវ៉ាំងដឺ ចែកឋានទៅ នាយចាបចៀន នាយក្រឹម និងអ្នកនាងខាត់ សុឃីម ជាដើម ជួយពន្យល់ណែនាំនាយឱ្យចេះលេងកំប្លែង ព្រោះមើលឃើញនាយមាននិស្ស័យកំប្លែង ។ អ្នកទាំងនោះបើកឱកាសឱ្យនាយសម្តែង ហើយមានគេស្គាល់មកទល់នឹងពេលនេះ ។
ដៃគូកំប្លែងរបស់នាយស្វិតដែលបានការគាំទ្រច្រើនពីទស្សនិកជន មានដូចជា អ្នកនាងខាត់ សុឃីម នាងប៉ុមពុយ នាងឆយ នាងតុ និងនាងគ្រត ជាដើម ។ នាយស្វិត ជាអ្នកស្រករក្រោយមែន តែស្តាប់រៀមច្បងទើបការសម្តែងរីកចម្រើនជាលំដាប់ ។ អាជីពសិល្បៈដែលទទួលបានប្រជាប្រិយភាព ត្រូវពឹងលើការស្តាប់បង្គាប់រៀមច្បង ។ សព្វថ្ងៃក្រៅពីច្រៀងកាត់សក់ក្នុងពិធីមង្គលការ នាយស្វិតបានគ្រប់គ្រងការងារមួយទៀតផ្នែកល្ខោនបាសាក់ឈ្មោះ «រស្មីអប្សរា» មានទីតាំងស្ថិតនៅខេត្តសៀមរាប ។ តាំងពីល្បីឈ្មោះជាតារាកំប្លែងមក អាជីពល្ខោនបាសាក់របស់ក្រុមនាយស្វិត មានភាពមមាញឹកជាងមុន ។
ទោះជាយ៉ាងណាក្តី ការសម្តែងល្ខោនត្រូវចំណាយទៅវិញអស់ប្រាក់ច្រើន ព្រោះពីមួយឆ្នាំទៅមួយឆ្នាំ ត្រូវប្រើប្រាស់សម្លៀកបំពាក់ ថ្មីៗដើម្បីទាក់ទាញទស្សនិកជន ។ យ៉ាងហោចណាស់ត្រូវចំណាយប្រាក់ជិត២ពាន់ដុល្លារ សម្រាប់ទិញសម្ភារ ផ្សេងៗ ។ ទោះបីមានកេរ្តិ៍ឈ្មោះលេចត្រដែតឡើងហើយក្តី តែនាយស្វិតអំពាវនាវដល់មហាជនឱ្យគាំទ្រនាយច្រើនថែមទៀត ព្រមទាំងគាំទ្រក្រុមល្ខោនបាសាក់របស់នាយផង ៕
ចែករំលែកព័តមាននេះ