រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ជនរងគ្រោះ២នាក់ជាសង្សារនឹងគ្នា កំពុងតែជិះម៉ូតូសុខៗក៏ត្រូវជនសង្ស័យប្រុសស្រី៣នាក់ជិះមកធ្វើសកម្មភាពឆក់កាបូប តែមិនបានសម្រេចនោះទេ ហើយត្រូវជនរងគ្រោះក្របួចជាប់ប្រគល់ទៅឱ្យខាងសមត្ថកិច្ចអន្តរាគមន៍ឃាត់ខ្លួនយកទៅសួរនាំ បង្កឱ្យមានការភ្ញាក់ផ្អើលកាលពីម៉ោង12អធ្រាត្រឈានចូលថ្ងៃទី21 ខែតុលា ឆ្នាំ2019…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ជនរងគ្រោះ២នាក់ជាសង្សារនឹងគ្នា កំពុងតែជិះម៉ូតូសុខៗក៏ត្រូវជនសង្ស័យប្រុសស្រី៣នាក់ជិះមកធ្វើសកម្មភាពឆក់កាបូប តែមិនបានសម្រេចនោះទេ ហើយត្រូវជនរងគ្រោះក្របួចជាប់ប្រគល់ទៅឱ្យខាងសមត្ថកិច្ចអន្តរាគមន៍ឃាត់ខ្លួនយកទៅសួរនាំ បង្កឱ្យមានការភ្ញាក់ផ្អើលកាលពីម៉ោង12អធ្រាត្រឈានចូលថ្ងៃទី21 ខែតុលា ឆ្នាំ2019 តាមបណ្តោយផ្លូវជាតិលេខ៦ នៅចំណុចរង្វង់មូលកងព្រហ្មមុខបួន ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ។
បើតាមសាក្សីឃើញហេតុការណ៍បានឱ្យដឹងថា មុនពេលកើតហេតុ គេឃើញជនជនរងគ្រោះប្រុសស្រី២នាក់ត្រូវជាសង្សារនឹងគ្នា ជិះម៉ូតូមួយគ្រឿងម៉ាកហុងដា Big ពណ៌ខៀវលាយ.ស បើកបរតាមបណ្តោយផ្លូវព្រះមុនីវង្សពីកើតទៅលិច ខណៈបើកមកដល់ចំណុចក្បែរកន្លែងកើតហេតុ ជនរងគ្រោះគាត់ក៏ឈប់ទិញបារីជក់ លុះពេលបើកឡើងស្ពានទើបលេចមុខជនសង្ស័យ៣នាក់ ក្នុងនោះម្នាក់ជាស្រី ជិះម៉ូតូ១គ្រឿងម៉ាកស៊ុយសុគីនិច ពណ៌ខ្មៅ ពាក់ស្លាកលេខភ្នំពេញ1GX5991 ដោយបានជិះទៅក្បែរជនរងគ្រោះ ហើយក៏ឆក់កាបូប ប៉ុន្តែមិនបានសម្រេចនោះទេ ដោយសារតែជនរងគ្រោះទាញមកវិញ។
ប្រភពដដែលបន្តថា លុះក្រោយ ជនរងគ្រោះក៏បានដេញតាមជនសង្ស័យរហូតដល់រង្វង់មូលព្រហ្មមុខបួន ទើបឃាត់បានទាំង៣នាក់ រួចប្រគល់ទៅឱ្យសមត្ថកិច្ចប្រចាំការនៅគល់ដៅនោះតែម្តង។ ប៉ុន្តែពេលឃាត់ខ្លួនជនសង្ស័យទាំង៣នាក់នោះបានឆ្លើយថា ខ្លួនមិនបានធ្វើសកម្មភាពឆក់នោះទេ គ្រាន់តែជិះកៀរគ្នាតែប៉ុណ្ណោះ ហើយមនុស្សស្រីជាអ្នកឌុបថែមទៀត មានពេលឯណាឆក់បាន ។
លុះមួយសន្ទុះក្រោយមក សមត្ថកិច្ចក៏បានដឹកជនសង្ស័យទាំង៣នាក់នាំយកទៅសួរនៅអធិការដ្ឋាននគរបាលខណ្ឌជ្រោយចង្វារ ដោយសារតែរឿងហេតុនេះនៅកើតនៅខាងទឹកដីស្រះចក ទើបជរងគ្រោះទៅដាក់ពាក្យបណ្តឹងនៅទីនោះវិញ ។ ក្រោយពេលកើតហេតុខាងលើនេះ ជនរងគ្រោះបានទៅដាក់ពាក្យបណ្តឹងនៅប៉ុស្តិ៍ស្រះចក ដើម្បីឱ្យសមត្ថកិច្ចធ្វើទៅតាមនីតិវិធីច្បាប់។ (កែសម្រួលដោយ ៖ បុប្ផា)
ចែករំលែកព័តមាននេះ