ដំឡើងថ្លៃសំបុត្រមេត្រូ ផ្ទុះបាតុកម្មហិ.ង្សាយ៉ាងពុះកញ្ជ្រោល
ប្រទេសស៊ីលី ៖ ប្រធានាធិបតីស៊ីលី លោក SEBASTIAN PINERA ប្រកាសនាថ្ងៃទី១៩ ខែតុលា ឆ្នាំ២០១៩ ពីការផ្អាកវិញការដំឡើងថ្លៃសំបុត្រជិះមេត្រូ…
ប្រទេសស៊ីលី ៖ ប្រធានាធិបតីស៊ីលី លោក SEBASTIAN PINERA ប្រកាសនាថ្ងៃទី១៩ ខែតុលា ឆ្នាំ២០១៩ ពីការផ្អាកវិញការដំឡើងថ្លៃសំបុត្រជិះមេត្រូ…
ប្រទេសស៊ីលី ៖ ប្រធានាធិបតីស៊ីលី លោក SEBASTIAN PINERA ប្រកាសនាថ្ងៃទី១៩ ខែតុលា ឆ្នាំ២០១៩ ពីការផ្អាកវិញការដំឡើងថ្លៃសំបុត្រជិះមេត្រូ នៅរដ្ឋធានីសាន់ត្យាហ្គោ ជាប្រភពនៃបាតុកម្មហិង្សាបំផុតមួយ ប្រឆាំងការដំឡើងតម្លៃនៃការដឹកជញ្ជូនសាធារណៈ។
បាតុកម្មហិង្សាពុះកញ្ជ្រោលនាំឲ្យមានការប្រកាសបំរាមគោចរក្នុងរដ្ឋធានី។ ការប៉ះទង្គិចគ្នានានារវាងបាតុករនិងកងកម្លាំងប៉ូលិស បានផ្ទុះជាថ្មីនាថ្ងៃទី១៩តុលាបន្ទាប់ពីការប្រកាសអាសន្ននៅក្រុងសាន់ត្យាហ្គោ ដែលកក្រើកដោយចលនាតវ៉ាប្រឆាំងការដំឡើងតម្លៃដឹកជញ្ជូនសាធារណៈ។
មនុស្សច្រើនពាន់នាក់ប្រមូលផ្ដុំគ្នាវាយឆ្នាំងកងរំពង ដែលនោះជាវិធីតវ៉ាដែលកើតមានក្រោយរដ្ឋប្រហារ ដឹកនាំដោយឧត្ដមសេនីយអ៊ូហ្គូ្គស្តូពីណូជេកាលពីដំណាច់ឆ្នាំ១៩៧៣។ ប៉ុន្តែបាតុកម្មបានប្រែក្លាយយ៉ាងឆាប់ទៅជាការប៉ះទង្គិចគ្នា រវាងពួកមនុស្សដែលបិទមុខនិងកងកម្លាំងពិសេស។ ការប៉ះទង្គិចគ្នាកើតមានជាពិសេសនៅមហាទីលានអ៊ីតាលី ជាចំណុចកណ្ដាលនៃការតវ៉ានិងនៅជិតទីស្នាក់ការរដ្ឋាភិបាល ព្រមទាំងនៅ PUENTE ALTO ជាយក្រុងខាងត្បូងនៃរដ្ឋធានី។ បណ្ដាអ្នកកាសែតបានឃើញរថយន្តបឺស៥គ្រឿងត្រូវគេដុតនៅកណ្ដាលក្រុង ហើយអាជ្ញាធរបានសម្រេចកាត់ផ្ដាច់ចរាចរណ៍ទាំងស្រុងនៅទីនោះ។
ប្រធានាធិបតីស៊ីលីលោកSEBASTIAN PINERAបានចេញនាយប់ថ្ងៃទី១៨មក១៩តុលា នូវការប្រកាសអាសន្នសម្រាប់រយៈពេល១៥ថៃ្ងនៅទីក្រុងសាន់ត្យាហ្គោហើយបានប្រគល់ភារៈដល់ឧត្ដមសេនីយJAVIER ITURRIAGA DEL CAMPO ទទួលខុសត្រូវធានាសន្តិសុខ។
កងយោធាបានល្បាតនាថ្ងៃទី១៩តុលាក្នុងរដ្ឋធានី ជាលើកដំបូងចាប់តាំងពីការវិលត្រឡប់នៃលទ្ធិប្រជាធិបតេយ្យក្នុងប្រទេសនោះកាលពីឆ្នាំ១៩៩០មក។ ទោះបីយ៉ាងណាមនុស្សជាច្រើនពាន់នាក់នៅតែនាំគ្នាហែក្បួនបាកម្ម នៅតាមវិថីនានានៃរដ្ឋធានីនិងក្នុងទីក្រុងឯទៀតៗដើម្បីវាយឆ្នាំង។
ទោះបីយ៉ាងណានាព្រឹកថ្ងៃទី២០តុលា មនុស្ស៣នាក់បានត្រូវស្លាប់ ក្នុងការដុតផ្សារទំនើបមួយក្នុងទីក្រុងសាន់ត្យាហ្គោ ដែលពួកគេជាអ្នករងគ្រោះដំបូងដោយការបះបោរ៕ (កែសម្រួលដោយ ៖ បុប្ផា)
ចែករំលែកព័តមាននេះ