ផ្អើលនាំគ្នា​រកវិធីចាប់! ក្រោយឃើញពស់ថ្លាន់២ក្បាល​វារចូលកន្លៀតផ្ទះ (មានវីដេ​អូ)


រាជធានីភ្នំពេញ ៖ តាមសេចក្តីរាយការណ៍​​បឋមបាន​ឱ្យ​ដឹង​ថា ​មានករណីបុរសជាម្ចាស់​ផ្ទះម្នាក់​បានប្រទះឃើញសត្វពស់ថ្លាន់​ចំនួន​២ក្បាលនៅលើទ្រុង​​ចិញ្ចឹមឆ្កែ បង្កការ​ភ្ញាក់​ផ្អើល​ដល់​ប្រជា​ពលរដ្ឋ​បំរុង​ចូលទៅចាប់​ តែ​ក៏​ធ្វើ​ឱ្យ​ផ្អើលដល់​សត្វពស់ថ្លាន់វារចូលទៅកន្លៀតផ្ទះរបស់ប្រជា​ពលរដ្ឋ​បាត់​តែម្តង​ ។

ហេតុការណ៍​ខាងលើនេះបង្កការ​ភ្ញាក់​ផ្អើល​កាលពីវេលាម៉ោង​​១រសៀលថ្ងៃទី​​​​២០ តុលា ឆ្នាំ​២០១៩ នៅចំណុច​ផ្ទះលេខ​​៥៩១ ភូមិទ្រង់មាន់ សង្កាត់អូរបែកក្អម ខណ្ឌសែនសុខ ។​

បើតាមប្រភពពីម្ចាស់ផ្ទះ​ឈ្មោះ ទុន ពេជ្រ ភេទប្រុស អាយុ​៨៣ឆ្នាំ ​បាន​​ឱ្យ​ដឹង​ថា នៅវេលាម៉ោងប្រមាណ​ជា​​៩ព្រឹកថ្ងៃទី​​​២០ តុលា ពេលគាត់​ចាកចេញពីផ្ទះ​ក៏ប្រទះ​ឃើញ​សត្វពស់ថ្លាន់​ចំនួន២ក្បាល ត្រូវបានគេអះអាងថាញីមួយក្បាល និង​ឈ្មោល​មួយក្បាល ​ដោយសត្វពស់ថ្លាន់នីមួយៗមានទំហំ​ប៉ុនកំភួនជើង និងបានឆ្វាយរង្វេល​នៅ​លើទ្រុងចិញ្ចឹមឆ្កែ បង្កការភ្ញាក់​ផ្អើលម្តងរួចមកហើយ ក្រោយមក​សត្វពស់ថ្លាន់ទាំង​២ក្បាល​នោះ​ក៏វារ​ចូលកន្លៀតផ្ទះបាត់​ ។​

តាមប្រភពដដែលបានបន្ត​ថា​ លុះមកដល់វេលាម៉ោង​ប្រហែល​១រសៀលថ្ងៃដដែល ក៏មានការភ្ញាក់ផ្អើលម្តងទៀត នៅពេលសត្វពស់ថ្លាន់ទាំង​២ក្បាលនោះ​វារចេញមក​ក្រៅ ​ធ្វើ​ឱ្យ​​មាន​ការ​ភ្ញាក់​ផ្អើល​ដល់​អ្នក​ភូមិ​ ។ ពេលនោះ​គាត់បាន​ជួល​គេ​ឱ្យ​ជួយ​ចាប់ដែរ​ ស្រាប់តែសត្វពស់ថ្លាន់នោះវារចូលកន្លៀតផ្ទះរបស់ប្រជា​ពលរដ្ឋបាត់តែម្តងទៅ ។

ពាក់ព័ន្ធនឹងករណី​ប្រទះឃើញ​សត្វពស់ថ្លាន់​២ក្បាល​វារចូលផ្ទះ​​ខាងលើនេះដែរ​ បានធ្វើ​ឱ្យ​ប្រជា​ពលរដ្ឋមានការព្រួយបារម្ភ​នៅពេលយប់ ខ្លាច​សត្វពស់ថ្លាន់ទាំង​២ក្បាលនោះវារចេញមកក្រៅ​ស៊ីមាន់ ឬអាច​បង្ក​គ្រោះថ្នាក់​ដល់​កូនចៅតូចៗរបស់​ប្រជា​ពលរដ្ឋ​ ហើយ​ប្រជា​ពលរដ្ឋ​ក៏កំពុងតែរកវិធីចាប់ដែរ ប៉ុន្តែ​ចាប់មិនទាន់បាននៅឡើយទេ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា​)

Facebook Google Twitter Email

Live

Sponsored News

០២:៣៩ | ក្នុងស្រុក

ក្រុមហ៊ុន ភីធីធី កម្ពុជា ផ្តល់អាហារូបករណ៍ ៣០០កន្លែងដល់សិស្សកម្ពុជា ដើម្បីបណ្តុះបណ្តាលអ្នកដឹកនាំវ័យក្មេងតាមរយៈវគ្គសិក្សាពីចម្ងាយ «ទម្លាប់ល្អទាំង ៧របស់យុវវ័យឆ្នើម»

ការស្ទង់មតិគេហទំព័រថ្មី




សូម​អរគុណ