រាជធានីភ្នំពេញ ៖ ទីតាំងបើកល្បែងស៊ីសងភ្នាល់បាល់ និងហ្គេមបាញ់ត្រីចំនួន២កន្លែង កំពុងជ្រកក្រោមណេតព័ត៌មានយីហោ «CH net» ស្ថិតនៅក្នុងមូលដ្ឋានខណ្ឌពោធិ៍សែនជ័យ បានបើកដំណើរការឡើវិញហើយ បន្ទាប់ពីអាជ្ញាធរទើបតែបង្ក្រាបបានប្រមាណជាង២ខែប៉ុណ្ណោះ។…
រាជធានីភ្នំពេញ ៖ ទីតាំងបើកល្បែងស៊ីសងភ្នាល់បាល់ និងហ្គេមបាញ់ត្រីចំនួន២កន្លែង កំពុងជ្រកក្រោម
ណេតព័ត៌មានយីហោ «CH net» ស្ថិតនៅក្នុងមូលដ្ឋានខណ្ឌពោធិ៍សែនជ័យ បានបើកដំណើរការឡើវិញហើយ បន្ទាប់ពីអាជ្ញាធរទើបតែបង្ក្រាបបានប្រមាណជាង២ខែប៉ុណ្ណោះ។ ក្នុងការបើកដំណើរការវិញនោះ គឺដឹងថា ម្ចាស់មានឥទ្ធិពល គ្រាន់តែហែកស្លាកយីហោចេញ ដើម្បីបំភាន់ភ្នែកមហាជន ។
ទីតាំងល្បែងស៊ីសងទាំងនោះ ត្រូវបានគេដឹងថា ១-ស្ថិតនៅចូលវត្តតាំងកសាង ក្នុងភូមិបាលដំរី២ សង្កាត់កាកាប២ ខណ្ឌពោធិ៍សែនជ័យ និងទី២-ស្ថិតនៅផ្ទះលេខ៣អា ផ្លូវលេខ២០០៦ សង្កាត់កាកាប១ ខណ្ឌពោធិ៍៍សែនជ័យ (អតីតបន្ទប់ពីគ្រោះ និងព្យាបាលជំដឺបេះដូង ខាងលិចសួនកុមារ) ។ ទីតាំងទាំងពីរនេះ ត្រូវបានគេដឹងថា ជាទីតាំងល្បែងស៊ីសងតាមអនឡាញ រួមមានភ្នាល់បាល់ និងហ្គេមបាញ់ត្រី ដែលមានយីហោ CH net» ដែលជ្រកក្រោម ច្បាប់ណេតព័ត៌មាន ហៅកែ ឈ្មោះ ហ៊ុន គឹមជាតិ ដែលគេស្គាល់ថា ជាក្មួយថ្នាក់ដឹកនាំ និងមេការឈ្មោះ ព្រំ ណារាជ្យ ។
កន្លងមក ទីតាំង២នេះ ត្រូវបានអាជ្ញាធរខណ្ឌពោធិ៍សែនជ័យដឹកនាំ ដោយលោកប៉ាង លីដា អភិបាលរង បានចុះបង្ក្រាបជាបន្តបន្ទាប់ដោយទីតាំងទី១ ចុះបង្ក្រាបកាលពីល្ងាចថ្ងៃទី២៨ ថុនា ដោយដកហូតបាន
ហ្គេមបាញ់ត្រីចំនួនសេរីទំនើបចំនួន៧គ្រឿង, កំព្យូទ័រចំនួន២៧គ្រឿង , និងកៅអីចំនួន២៩គ្រឿង ។ដោយឡែក ទី២ក៏ត្រូវបានអាជ្ញាធរបង្ក្រាបដែរ កាលពីកំឡុងដើមខែឧសភា តែពេលនេះ បានកំណើរការស្របគ្នាឡើងវិញ។
គួរបញ្ជាក់ នៅក្នុងមូលដ្ឋានខណ្ឌពោធិ៍សែនជ័យ មានទីតាំងល្បែងស៊ីសង តាមអនឡាញគ្រប់ប្រភេទ ជាច្រើនកន្លែង កំពុងតែដំណើរការដោយរលូន ដូចជាទីតាំងខាងលើ និងកន្លែងខ្លះ បន្ទាប់ពីដំណើរការមិនបានប៉ុន្មានផង បានហែកឡូហ្គោស្លាកយីចេញដូចជានៅផ្លូវចូលរោងចក្រឃ្យូអឹមអាយ(QMI)ចូលពីផ្លូវជាតិលេខ៤ ប្រមាណ២០០ម៉ែត្រ ក្នុងសង្កាត់ចោមចៅទី៣ជាដើម ។
ដោយសារតែមេល្បែងស៊ីសង គ្រប់ប្រភេទភាគច្រើនត្រូវបានគេអះអាងថា ជាក្មួយ ជាកូន ជាសាច់ញាតិ ថ្នាក់ដឹកនាំមួយចំនួន បានធ្វើឱ្យរាជធានីភ្នំពេញក្រមដណ្តប់ដោយល្បែងស៊ីសងអីណាទៅភូមិ សង្កាត់មាន
សុវត្ថិភាព ។
ចែករំលែកព័តមាននេះ