ខណៈដែលមនុស្សជាច្រើនចាត់ទុកថ្ងៃចុងសប្តាហ៍ជាថ្ងៃកម្សាន្តកាយ និងអារម្មណ៍បន្ទាប់ពីធ្វើការងារ ឬប្រកបអាជីវកម្ម មនុស្សខ្លះទៀតចាត់ទុកវាជាឱកាសដ៏ល្អក្នុងការរកចំណូលបន្ថែម និងសម្រេចគោលដៅហិរញ្ញវត្ថុនានាទៅវិញ។ ប្រាកដណាស់ អ្នកមានជម្រើសជាច្រើនដែលជួយឲ្យអ្នកបង្កើនប្រាក់ចំណូលកំឡុងពេលទំនេរនៅថ្ងៃចុងសប្តាហ៍នេះ ដូច្នេះប្រសិនបើអ្នកចាប់អារម្មណ៍ អ្នកអាចសាកល្បងគំនិតខាងក្រោមនេះបាន៖ ១….
ខណៈដែលមនុស្សជាច្រើនចាត់ទុកថ្ងៃចុងសប្តាហ៍ជាថ្ងៃកម្សាន្តកាយ និងអារម្មណ៍បន្ទាប់ពីធ្វើការងារ ឬប្រកបអាជីវកម្ម មនុស្សខ្លះទៀតចាត់ទុកវាជាឱកាសដ៏ល្អក្នុងការរកចំណូលបន្ថែម និងសម្រេចគោលដៅហិរញ្ញវត្ថុនានាទៅវិញ។ ប្រាកដណាស់ អ្នកមានជម្រើសជាច្រើនដែលជួយឲ្យអ្នកបង្កើនប្រាក់ចំណូលកំឡុងពេលទំនេរនៅថ្ងៃចុងសប្តាហ៍នេះ ដូច្នេះប្រសិនបើអ្នកចាប់អារម្មណ៍ អ្នកអាចសាកល្បងគំនិតខាងក្រោមនេះបាន៖
១. ធ្វើជាអ្នកបើកបរក្រៅម៉ោង៖
ថ្ងៃចុងសប្តាហ៍ជាថ្ងៃដែលមនុស្សភាគច្រើនចេញដើរកម្សាន្តទាំងគ្រួសារ ប៉ុន្តែក៏មានមនុស្សជាច្រើនដែលមិនចង់បើកបរដោយខ្លួនឯងដែរ។ ដូច្នេះដោយគ្រាន់តែចុះឈ្មោះធ្វើជាអ្នកបើកបរឲ្យក្រុមហ៊ុនដូចជា Grab អ្នកអាចរកចេញពីផ្ទះ និងរកចំណូលបានយ៉ាងងាយពីការជូនភ្ញៀវពីមួយកន្លែងទៅមួយកន្លែង។ អ្វីដែលគួរកត់សម្គាល់គឺប្រាក់ចំណូលពីការបើកបរនេះអាចមិនទៀងទេព្រោះវាអាស្រ័យច្រើនទៅលើប្រភេទរថយន្ត និងសាំងដែលអ្នកចាក់។
២. ធ្វើជាគ្រូបង្រៀនក្រៅម៉ោង៖
កំណើននៃសាលារៀនឯកជនក្នុងប្រទេសកម្ពុជាយើងបង្កឲ្យមានតម្រូវការខ្ពស់សម្រាប់គ្រូបង្រៀនដែលមានសមត្ថភាព។ ដូច្នេះប្រសិនបើអ្នកមានសមត្ថភាពផ្នែកភាសា អ្នកមិនខ្វះឱកាសទេ។ លើសពីនេះទៅទៀត ប្រសិនបើអ្នកមានជំនាញណាមួយដែរអ្នកចង់ចែករំលែកក៏អ្នកអាចធ្វើដូច្នេះបានដែរ។ ហើយជាក់ស្តែងក្នុងសម័យនេះ ការរៀនសូត្រអាចកើតឡើងទាំងលើប្រព័ន្ធសង្គមថែមទៀតប្រសិនបើអ្នកចេះផ្សព្វផ្សាយពីសេវាកម្មខ្លួន។
៣. គ្រប់គ្រងប្រព័ន្ធសង្គមឲ្យអាជីវកម្មដទៃ៖
តើអ្នកជាមនុស្សដែលមានភាពច្នៃប្រឌិតខ្ពស់ ឬមានបទពិសោធន៍ក្នុងការគ្រប់គ្រងប្រព័ន្ធសង្គមឲ្យអ្នកដទៃរហូតដល់ជោគជ័យទេ? ប្រសិនបើមាន អ្នកអាចធ្វើជាអ្នកគ្រប់គ្រងប្រព័ន្ធសង្គមឲ្យអាជីវកម្មដទៃបាន។ វាមិនត្រូវការឲ្យអ្នកចំណាយពេលច្រើន ហើយអ្នកថែមទាំងអាចរកចំណូលពីវាផងដែរ។ កត្តាសំខាន់គឺការចរចាជាមួយនឹងម្ចាស់អាជីវកម្មឲ្យបានច្បាស់លាស់ពីភារកិច្ច និងម៉ោងការងាររបស់អ្នក ៕ កែសម្រួលដោយ ៖សុឃាក់
ចែករំលែកព័តមាននេះ