ខេត្តកំពង់ឆ្នាំង ៖ លោកនាយឧត្តមសេនីយ៍ គីម ប៊ុនថាន អគ្គមេបញ្ជាការរងនៃកងយុទ្ធពលខេមរភូមិន្ទតំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា៖…
ខេត្តកំពង់ឆ្នាំង ៖ លោកនាយឧត្តមសេនីយ៍ គីម ប៊ុនថាន អគ្គមេបញ្ជាការរងនៃកងយុទ្ធពលខេមរភូមិន្ទតំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា៖ «សន្តិភាពបានមកដោយលំបាកណាស់ ហេតុនេះ ក្នុងនាមយើងជាកងយុទ្ធពលខេមរភូមិន្ទ ត្រូវតែប្ដេជ្ញាការពារសន្តិភាពមួយនេះឲ្យបានជាដាច់ខាត» ។
មានប្រសាសន៍បែបនេះ នៅក្នុងឱកាសលោកនាំយកអាវរងារ របស់សម្ដេចអគ្គមហាសេនាបតីតេជោហ៊ុនសែន ចែកជូនកងយុទ្ធពលខេមរភូមិន្ទភូមិភាគពិសេស នៅនៅទីបញ្ជាការដ្ឋានតំបន់ប្រតិបត្តិការសឹករងកំពង់ឆ្នាំងព្រឹកថ្ងៃទី១៨ តុលា នេះ ។
លោកបន្តថា ទម្រាំមានសុខសន្តិភាពដូចសព្វថ្ងៃនេះ គឺលំបាកខ្លាំងណាស់ មិនមែនបានមកដោយទទេរៗនោះទេ គឺជាការខិតខំរបស់បងប្អូនកងយុទ្ធពលខេមរភូមិន្ទ ដែលបានលះបង់សាច់ស្រស់ ឈាមស្រស់ ពលីជីវិតនៅលើសមរភូមិ ។ មានសន្តិភាពហើយ ទើបមានការអភិវឌ្ឍន៍ដូចសព្វថ្ងៃ គឺក្រោមការដឹកនាំរបស់សម្ដេចអគ្គមហាសេនាបតីតេជោហ៊ុន សែន ជាប្រមុខដឹកនាំប្រកបដោយគតិបណ្ឌិត ។
ថ្ងៃនេះផងដែរ ដោយមានការយកចិត្តទុកដាក់អំពីសម្ដេចទាំងពីរ ដែលតែងតែគិតគូរសុខទុក្ខការលំបាករបស់បងប្អូនកងយុទ្ធពលខេមរភូមិន្ទ សម្ដេចបានចំណាយថវិកាផ្ទាល់ខ្លួនទិញអាវរងា ជូនដល់បងប្អូននៅគ្រប់សមរភូមិទូទាំងប្រទេស ថ្វីបើវាមិន ថ្លៃណាស់ណា ក៏ពិតមែនក៏ ប៉ុន្តែគឺជាទឹកចិត្តដ៍ធំធេងណាស់ តម្លៃនេះមិនអាចកាត់ថ្លៃបានទេ ។ ជាមួយគ្នានេះគ្រប់បណ្ដាអង្គភាពចំណុះឲ្យយោធភូមិភាគពិសេសដែលបានមកទទួលអាវរងារនៅពេលនេះ ពេលដឹកដល់អង្គភាពភ្លាម ត្រូវចែកភ្លាម មិនត្រូវយកទៅទុកនោះ
ឡើយ ។
លោកក៏បានផ្ដាំផ្ញើដល់កងយុទ្ធពលខេមរភូមិន្ទ ត្រូវថែរក្សាការពារបូរណភាពទឹកដីរបស់យើងឲ្យបាន , ត្រូវចូលរួមថែរក្សាសុខសន្តិភាពជូនប្រជាពលរដ្ឋ ,រួមគ្នាបង្ករបង្កើនផលនៅតាមបណ្ដាអង្គភាព និងត្រូវ ចូលរួមជាមួយស្រទាប់មហាជន ដើម្បីកសាងនិងអភិវឌ្ឍន៍នៅតាមមូលដ្ឋាន ។
ជាមួយគ្នានេះ កងយុទ្ធពលខេមរភូមិន្ទទាំងអស់ ត្រូវចូលរួមប្រឆាំងនឹងព័ត៌មានក្លែងក្លាយ ដូចជាកាលពីពេលថ្មីៗនេះ គណបក្សប្រឆាំង បានឃោសនាតាមប្រព័ន្ធបណ្ដាញសង្គមថា មានមេ មេទ័ពរង ខ្លះបានចុះចូលជាមួយកងទ័ពសេរីរបស់គេ ។ នេះគឺជាព័ត៌មានក្លែងក្លាយមិនពិតឡើយ ។ ហេតុនេះហើយយើងត្រូវប្រើបណ្តាញសង្គមនេះវាយបកប្រឆាំងនិងព័ត៌មានក្លែងក្លាយទាំងនោះវិញ ដើម្បីអោយមហាជនគេបានដឹងនិងមិនយល់ច្រឡំ ។
ចែករំលែកព័តមាននេះ