ហាង BLACK CANYON នៅកម្ពុជា ទទួលបានវិញ្ញាបនបត្រ «Thai SELECT»
- ភ្នំពេញ
ហាង ប្លេក ខេនយ៉ុន (BLACK CANYON) គ្រប់សាខាទាំងអស់នៅក្នុងប្រទេសកម្ពុជា ថ្មីៗមកនេះទទួលបានវិញ្ញាបនបត្រពី “Thai SELECT” ដែលត្រូវបានប្រគល់ជូនដោយលោក…
ហាង ប្លេក ខេនយ៉ុន (BLACK CANYON) គ្រប់សាខាទាំងអស់នៅក្នុងប្រទេសកម្ពុជា ថ្មីៗមកនេះទទួលបានវិញ្ញាបនបត្រពី “Thai SELECT” ដែលត្រូវបានប្រគល់ជូនដោយលោក…
ហាង ប្លេក ខេនយ៉ុន (BLACK CANYON) គ្រប់សាខាទាំងអស់នៅក្នុងប្រទេសកម្ពុជា ថ្មីៗមកនេះទទួលបានវិញ្ញាបនបត្រពី “Thai SELECT” ដែលត្រូវបានប្រគល់ជូនដោយលោក Panyaruk Poolthup ឯកអគ្គរាជទូតថៃ ប្រចាំកម្ពុជា និងមានការចូលរួមពីលោក Jirawuth Suwanna –arj ដែលជាប្រឹក្សារដ្ឋមន្ត្រីពាណិជ្ជកម្មថៃផងដែរ ។
ពិធីនេះ ត្រូវបានធ្វើឡើងកាលពីថ្ងៃទី១១ ខែតុលា ឆ្នាំ២០១៩ នៅហាង BLACK CANYON ក្នុងផ្សារទំនើបអ៊ីអនម៉ល ១ ជាន់ទី ២ ដោយលោកឯកអគ្គរាជទូតថៃ ប្រចាំកម្ពុជា Panyaruk Poolthup ប្រគល់ជូនលោក Pravit Chitnarapong ជាប្រធានក្រុមហ៊ុន ប្លេក ខេនយ៉ុន ថៃចំកាត់ (BLACK CANYON Co.,LTD.) ជាមួយអ្នកស្រី Withara Chitnarapong ប្រធានផ្នែកអភិវឌ្ឍន៍អាជីវកម្មអន្តរជាតិ ។
សូមបញ្ជាក់ផងដែរថា ការដែល ប្លេក ខេនយ៉ុន ទទួលបានវិញ្ញាបនបត្រពី “Thai SELECT” (Certificate Thai SELECT) លើកនេះនឹងជួយជំរុញឱ្យមានការពេញនិយម ប្លេក ខេនយ៉ុន ថៃប្រេន ពីប្រជាជនកម្ពុជាកាន់តែច្រើនឡើងថែមទៀត ដោយ ប្លេក ខេនយ៉ុន នឹងខិតខំថែរក្សាស្តង់ដា និងគុណភាព រសជាតិរបស់ម្ហូបថៃ ព្រមទាំងបម្រើអតិថិជនដោយយកចិត្តទុកដាក់ ដើម្បីបង្តើតសេចក្តីទុកចិត្តទៅដល់អតិថិជន ។
“Thai SELECT” គឺជាការទទួលស្គាល់ និងជានិមិត្តសញ្ញាដែលធានានូវគុណភាពម្ហូបថៃ និងលើកកម្ពស់ដល់អ្នកប្រកបអាជីវកម្មភោជនីយដ្ឋានថៃ យកចិត្តទុកដាក់លើសេវាកម្ម រសជាតិ និងគុណភាព ។
សូមរំឭកផងដែរថា ក្រុមហ៊ុន BLACK CANYON (Thailand) Company Co.,LTD. បានធ្វើអាជីវកម្មអស់រយៈពេល ២៦ឆ្នាំមកហើយ គឺចាប់តាំងពីឆ្នាំ ១៩៩៣មកម្ល៉េះ ដោយមានហាង BLACK CANYON ចំនួន ៣៦៦ និងមាន ៣២០ សាខាក្នុងប្រទេសថៃ ព្រមទាំងមាន ៤៦ សាខានៅក្រៅប្រទស ។
ដោយឡែកសម្រាប់ប្រទេសកម្ពុជាវិញ BLACK CANYON បានបើកដំណើរការនៅឆ្នាំ ២០១៣ ដែលបច្ចុប្បន្នមានសាខាចំនួន ៩ ដោយក្នុងនោះមានដូចជា ៖ ក្នុងរាជធានីភ្នំពេញមាននៅផ្សារទំនើបអ៊ីអនម៉ល ១, អ៊ីអន ២ សែនសុខ, នៅច្បារអំពៅ និងស្ទឹងមានជ័យ ។ ដោយឡែកនៅតាមខេត្ត មាននៅស្ថានីយប្រេងឥន្ធនៈ PTT ខេត្តសៀមរាប, PTT ស្គន់ ខេត្តកំពង់ចាម នៅផ្លូវជាតិលេខ ៣ មាននៅ PTT ព្រៃកី និង PTT ត្រាំខ្នា ខេត្តតាកែវ ហើយចុងក្រោយមាននៅ PTT យាយម៉ៅពេជ្រនិល ។
កញ្ញា ភី សុភារ៉ា ដែលជានាយកប្រតិបត្តិអភិវឌ្ឍន៍អាជីវកម្ម បានឱ្យដឹងថា ក្នុងពេលឆាប់ៗខាងមុខនេះ នឹងមានបើកបន្ថែមទៀតនៅខេត្តកំពង់ឆ្នាំង ដើម្បីបំពេញតម្រូវការរបស់អតិថិជន ។ ហាង BLACK CANYON ទាំងអស់នៅកម្ពុជា បាននាំចូលផលិតផលទាំងអស់ពីប្រទេសថៃ ដែលមានគុណភាពល្អ និងដោយបានការឆ្លងកាត់ការត្រួតពិនិត្យយ៉ាងត្រឹមត្រូវ ។
កញ្ញាបញ្ជាក់ទៀតថា ប្លេក ខេនយ៉ុន មិនមែនគ្រាន់តែជាហាងកាហ្វេប៉ុណ្ណោះទេ គឺមានភេសជ្ជៈ និងម្ហូបជាច្រើនមុខលើសពីកាហ្វេទៅទៀត ដែលតម្រូវទៅតាមអិតិថិជនគ្រប់វ័យទាំងអស់ ជាពិសេសជាគ្រួសារតែម្តង ព្រមទាំងមានបម្រើគ្រប់ពេលថែមទៀតផង ។ លើសពីនេះទៅទៀត សម្រាប់ប្រទេសកម្ពុជា ម្ហូបអាហារនៅ ប្លេក ខេនយ៉ុន គឺសុទ្ធតែធ្លាប់ទទួលបានពានជាច្រើនពីប្រទេសថៃ ហើយភាគច្រើនជាម្ហូបបែបថៃដែលអតិថិជនកម្ពុជាចូលចិត្ត ។
ម៉ឺនុយរបស់ ប្លេក ខេនយ៉ុន ដែលបានបម្រើ និងត្រូវចិត្តអតិថិជនកម្ពុជាមានដូចជា ៖ ប្លេកខេនយ៉ុន កាហ្វេ, កាហ្វេឡាតេ និងកាហ្វេកាពូស៊ីណូ ។ល។ ប្លេក ខេនយ៉ុន មានគ្រាប់កាហ្វេដែលមាន គុណភាពខ្ពស់ត្រូវបានជ្រើសរើសពីគម្រោងរ៉ូយ៉ាល់ និងនាំចូលពីកន្លែងផលិតកម្មល្បីៗលើពិភពលោក តាមរយៈដំណើរការនៃការកម្លោចកាហ្វេ ការគ្រប់គ្រងគុណភាពតឹងរឹង និងប្រើម៉ាស៊ីនឆុងកាហ្វេអេសស្ត្រូសសូ គុណភាពខ្ពស់មកពីប្រទេសអ៊ីតាលី ។
ម៉ឺនុយភេសជ្ជៈមានច្រើនប្រភេទដូចជា សូកូឡានាំចូលពីអឺរ៉ុប តែបៃតង Matcha មានគុណភាពខ្ពស់ នាំចូលពីប្រទេសជប៉ុន តែថៃ និងតែក្រូចឆ្មា ហើយក៏មានមុខម្ហូបថៃដែលពេញនិយមផងដែរដូចជា ផាត់ថៃ, បាយឆាបង្គា, បាយឆាកាពិ, បាយឆាអាមេរិកកាំង, បាយឆាក្រាក់ផៅ ហើយនឹងតុំយ៉ាំបង្គាជាដើម ។ ម៉ឺនុយទាំងនេះ ត្រូវបានរៀបចំយ៉ាងស្រស់ៗរាល់ពេលបម្រើជូនអតិថិជន រក្សារសជាតិឆ្ងាញ់នៃស្តង់ដាម្ហូបថៃ ដើម្បីទាក់ទាញចិត្តអតិថិជនទាំងអស់ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ