រាជធានីភ្នំពេញ ៖ អាជ្ញាធររាជធានីភ្នំពេញ ចាប់ផ្តើមសិក្សាគម្រោងស្ថាបនាផ្លូវក្រោមដីថ្មីចំនួន២ខ្សែបន្ថែម ទៀត នៅក្នុងភូមិសាស្ត្ររាជធានីភ្នំពេញ ដើម្បីសម្រួលដល់ការធ្វើដំណើររបស់ប្រជាពលរដ្ឋដែល មិនឈមនឹងការកកស្ទះចរាចរណ៍ ។ លោក…
រាជធានីភ្នំពេញ ៖ អាជ្ញាធររាជធានីភ្នំពេញ ចាប់ផ្តើមសិក្សាគម្រោងស្ថាបនាផ្លូវក្រោមដីថ្មីចំនួន២ខ្សែបន្ថែម ទៀត នៅក្នុងភូមិសាស្ត្ររាជធានីភ្នំពេញ ដើម្បីសម្រួលដល់ការធ្វើដំណើររបស់ប្រជាពលរដ្ឋដែល មិនឈមនឹងការកកស្ទះចរាចរណ៍ ។ លោក ឃួង ស្រេង អភិបាលរាជធានីភ្នំពេញបានឲ្យដឹងថា គម្រោងស្ថាបនាផ្លូវក្រោមដីថ្មីទាំង២ខ្សែនេះ គឺស្ថិតក្រោមផ្លូវសហព័ន្ធរុស្ស៊ី គឺម្តុំមុខវិស្ថានភាសាបរទេស និងម្តុំក្តាន់២ ខណៈ តំបន់ទាំង២នេះ កំពុងតែប្រឈមការកកស្ទះចរាចរណ៍ជាប្រចាំស្ទើរតែជារៀងរាល់ថ្ងៃ ។
ថ្លែងក្នុងកិច្ចប្រជុំស្តីពីការរៀបចំធ្វើផ្លូវក្រោមដី ជាមួយក្រុមអ្នកជំនាញ កាលពីរសៀលថ្ងៃទី១៧ តុលា២០១៩ នេះ លោក ឃួង ស្រេង អភិបាលរាជធានីភ្នំពេញបានមានប្រសាសន៍ថា ការស្ថាបនាផ្លូវក្រោមដីនេះ គឺជាយន្តការដោះស្រាយបញ្ហាកកស្ទះចរាចរណ៍ជាលក្ខណៈយូរអង្វែរ ដែលជួយសម្រួលដល់ការចេញ-ចូល របស់សិស្សនិស្សិតនៅសាកលវិទ្យាល័យភូមិន្ទភ្នំពេញ ក៏ដូចជាប្រជាពលរដ្ឋ និងភ្ញៀវទេសចរ ផងដែរ ខណៈផ្លូវសហព័ន្ធរុស្ស៊ី នាពេលបច្ចុប្បន្ននេះ មានសា្ថនភាពចរាចរណ៍មមារញញឹកខ្លាំង ដែលប្រឈមការកកស្ទះចរាចរ និងរំខានដល់ការធ្វើដំណើររបស់ប្រជាពលរដ្ឋ។
លោកបញ្ជាក់ថា ក្នុងការកកស្ទះចរាចរណ៍នេះ យើងដឹងហើយថា ក្នុងរាជធានីភ្នំពេញនៅតាមផ្លូវរបស់ យើង គឺបាត់បង់ចិញ្ចើមផ្លូវ ដោយត្រូវរៀបចំចិញ្ចើញផ្លូវឡើងវិញ ដើម្បីឲ្យមានការធ្វើដំណើរតាម ចិញ្ចើញផ្លូវនេះបានល្អប្រសើរ ហើយការចតយានយន្តនៅតាមដងផ្លូវត្រូវតែមានរបៀបរៀបរយ នេះជាកិច្ចការងារមួយដែលត្រូវប្រឹងប្រែង ចឹងហើយបានជាយើងត្រូវសិក្សាបញ្ហានេះមួយដូចជា សិក្សាផ្លូវក្រោយដីនៅ ផ្លូវសហព័ន្ធរុស្ស៊ី និងផ្លូវក្រោមដីត្រង់ចំណុចក្តាន់២ គម្រោងផ្លូវអែ១០ អែ៤នៅតំបន់បឹងកក់ និងគម្រោងកែលម្អផ្លូវថ្មើជើងនៅមហាវិថីម៉ៅសេទុង ។
លោកសាំ ពិសិដ្ឋ ប្រធានមន្ទីរសាធារណៈការនិងដឹកជញ្ជូនបានឲ្យដឹងថា ចំពោះគម្រោង ស្ថាបនាផ្លូវក្រោមដីត្រង់មុខវិទ្យាស្ថានភាសាបរទេសគឺរត់ពីក្រោមផ្លូវសហព័ន្ធរុស្ស៊ី ដោយតភ្ជាប់ពីផ្លូវលេខ២៦១ ឆ្ពោះចូលទៅក្នុងវិទ្យាស្ថានភាសាបរទេសម្តង់ដែលបង្កលក្ខណៈងាយស្រួលដល់ និស្សិតបានចេញចូលមិនប្រឈមនឹងការកកស្ទះឬគ្រោះថ្នាក់ចរាចរណ៍ជាដើម ។ លោកបានបន្ថែមថា ចំណែកនៅតំបន់ក្តាន់ពីរវិញ ផ្លូវក្រោមដីនេះក៏ត្រូវរត់ពីក្រោមផ្លូវសហព័ន្ធរុស្ស៊ីផងដែរដោយភ្ជាប់ពីផ្លូវ១៦៩ឆ្ពោះផ្លូវបឹងកក ដើម្បីរំដោះការកកស្ទះចរាចរណ៍។
ចែករំលែកព័តមាននេះ