រាជធានីភ្នំពេញ ៖ សិប្បកម្មធ្វើតុទូមួយកន្លែងត្រូវបានអគ្គីភ័យឆាបឆេះតែសំណាងល្អត្រូវបានក្រុមជាង និងរថយន្តពន្លត់អគ្គីភ័យជួយពន្លត់ទាន់ គ្រាន់តែបណ្តាលឱ្យឆេះគ្រឿងសង្ហារឹមបន្តិចបន្តួចតែប៉ុណ្ណោះ ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១១និង៤០នាទីថ្ងៃត្រង់ទី១៨ ខែតុលា ឆ្នាំ២០១៩ នៅសិប្បកម្មផលិតតុទូមួយកន្លែងស្ថិតនៅខាងលិច…
រាជធានីភ្នំពេញ ៖ សិប្បកម្មធ្វើតុទូមួយកន្លែងត្រូវបានអគ្គីភ័យឆាបឆេះតែសំណាងល្អត្រូវបានក្រុមជាង និងរថយន្តពន្លត់អគ្គីភ័យជួយពន្លត់ទាន់ គ្រាន់តែបណ្តាលឱ្យឆេះគ្រឿងសង្ហារឹមបន្តិចបន្តួចតែប៉ុណ្ណោះ ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១១និង៤០នាទីថ្ងៃត្រង់ទី១៨ ខែតុលា ឆ្នាំ២០១៩ នៅសិប្បកម្មផលិតតុទូមួយកន្លែងស្ថិតនៅខាងលិច វត្តសំរោងអណ្តែត ក្នុងភូមិគោកឃ្លាង សង្កាត់គោកឃ្លាង ខណ្ឌសែនសុខ ។
សិប្បកម្មដែលត្រូវភ្លើងឆេះនោះត្រូវនគរបាលឱ្យដឹងថា មានម្ចាស់ឈ្មោះ ឡាច សុផល ភេទស្រី អាយុ៣៨ឆ្នាំ ។ ទាក់ទិនការកើតមានអគ្គីភ័យនេះត្រូវបានក្រុមជាងអះអាងថា បណ្តាលមកពីទុស្សេខ្សែភ្លើង ។
តាមព័ត៌មានបានឱ្យដឹងថា នៅពេលកើតហេតុភ្លើងបានឆេះចេញពីគំនរគ្រឿងសង្ហារឹមដែលធ្វើរួចដាក់គរនៅផ្នែកខាងក្រោយផ្សែងហុយទ្រលោម ។ ភ្លាមៗបង្កឱ្យមានការភ្ញាក់ផ្អើលហើយក្រុមជាង និងប្រជាពលរដ្ឋនាំគ្នាយកបំពង់ពន្លត់អគ្គីភ័យបាញ់ពន្លត់ ដោយក្លាយភ្លើងឆេះរាល់ដាល់ធ្ងន់ធ្ងរនគរបាលមូលដ្ឋានក៏បានហៅរថយន្តពន្លត់អគ្គីភ័យចំនួន២គ្រឿងទៅអន្តរាគមន៍បាញ់អស់ទឹក១គ្រឿង ហើយភ្លើងបានរលត់ទៅវិញនៅវេលាម៉ោងប្រមាណ១២និង១០នាទី ។
ទោះបីជាយ៉ាងណាគ្រឿងសង្ហារឹមមួយចំនួនត្រូវភ្លើងឆេះរងការខូចខាត ហើយបើតាមជាងធ្វើតុទូរបានឱ្យដឹងថា អគ្គីភ័យនេះបានឆាបឆេះខណៈដែលក្រុមជាងនាំគ្នាទៅហូបបាយនៅផ្ទះបាយខាងក្រោយពេលចេញមកវិញឃើញភ្លើងឆាបឆេះក៏បាននាំគ្នាយកបំពង់ពន្លត់អគ្គីភ័យបាញ់អស់ចំនួន៥បំពង់ក្នុងនោះធំ២តូច៣ ។ អគ្គីភ័យនេះបណ្តាលមកពីទុស្សេខ្សែភ្លើងហើយធ្លាក់ទៅត្រូវកំទេចឈើក៏ក្លាយជាអគ្កីភ័យតែម្តង ៕
កែសម្រួលដោយ ៖ សំណាង
ចែករំលែកព័តមាននេះ