រាជធានីភ្នំពេញ ៖ អតីតមន្ត្រីជាន់ខ្ពស់គណបក្សសង្គ្រោះជាតិបានអះអាងថា សកលលោកនឹងតាមឃ្លាំមើលការវិលចូលស្រុករបស់លោក សម រង្ស៊ី ។ លោកស្រី មួរ សុខហួរ បានសរសេរលើបណ្តាញសង្គម នៅថ្ងៃទី១៧ តុលាយ៉ាងដូច្នេះថា«តំណាងរាស្ត្រសហព័ន្ធអូស្ត្រាលី Clare O’Neil ថ្លែងថា «សកលលោកនឹងតាមឃ្លាំមើលដំណើរមាតុភូមិនិវត្តន៍របស់លោក សម រង្ស៊ី នៅថ្ងៃទី០៩ ខែវិច្ឆិកា ឆ្នាំ២០១៩។»
លោកស្រីបានស្រង់សម្តីតំណាងរាស្ត្រសហព័ន្ធអូស្ត្រាលី បន្តថា «យើងទាមទារឲ្យលោក សម រង្ស៊ី បានទទួលនូវការគោរពពីអាជ្ញាធរក្រុងភ្នំពេញ ពេលដែលលោកមកដល់ ។ នេះជាកាតព្វកិច្ចរបស់អាជ្ញាធរចំពោះអ្នកនយោបាយដោយមិនត្រូវមានការរើសអើង» ។
សូមជម្រាបថា ទណ្ឌិត សម រង្ស៊ី បានដាក់ផែនការថា នឹងវិលចូលមកស្រុកខ្មែរវិញ នៅថ្ងៃទី០៩ ខែវិច្ឆិកា ឆ្នាំ២០១៩ ខាងមុខនេះ ៕ កែសម្រួលដោយ ៖ សុឃាក់
ចែករំលែកព័តមាននេះ