ខេត្តកណ្តាល ៖ ក្រុមជួញដូរគ្រឿងញៀនចំនួន០៣នាក់បានត្រូវនគរបាលស្រុកកៀនស្វាយធ្វើការបង្ក្រាបបានភ្លាមៗ ខណៈដែលក្រុមជនសង្ស័យកំពុងឈរចាត់ចែងចែកចាយគ្រឿងញៀនរួមនឹងថ្នាំញៀនចំនួន១៦កញ្ចប់ តូច១៣ និងធំ០៣កញ្ចប់ ។ ហេតុការណ៌នេះបានកើតឡើងនៅថ្ងៃទី១៦ ខែតុលា ឆ្នាំ២០១៩…
ខេត្តកណ្តាល ៖ ក្រុមជួញដូរគ្រឿងញៀនចំនួន០៣នាក់បានត្រូវនគរបាលស្រុកកៀនស្វាយធ្វើការបង្ក្រាបបានភ្លាមៗ ខណៈដែលក្រុមជនសង្ស័យកំពុងឈរចាត់ចែងចែកចាយគ្រឿងញៀនរួមនឹងថ្នាំញៀនចំនួន១៦កញ្ចប់ តូច១៣ និងធំ០៣កញ្ចប់ ។ ហេតុការណ៌នេះបានកើតឡើងនៅថ្ងៃទី១៦ ខែតុលា ឆ្នាំ២០១៩ វេលាម៉ោង០៧និង៥០នាទីយប់ នៅចំណុចកើតហេតុក្នុងភូមិស្រែអំពិល ឃុំឈើទាល ស្រុកកៀនស្វាយ ខេត្តកណ្ដាល ។
លោកវរសេនីយ៍ ព្រុំ សំណាង អធិការនគរបាលស្រុកកៀនស្វាយបានប្រាប់ឱ្យដឹងនៅរសៀលថ្ងៃទី១៧ តុលា នេះថា ក្រុមជួញដូរគ្រឿងញៀនបានបញ្ជូនទៅសាលាដំបូងខេត្តកណ្តាលហើយនៅមុននេះបន្តិច ។
ជនសង្ស័យមានគ្នាចំនួន០៣នាក់ទី១-ឈ្មោះ ផល សុភ័ណ្ឌ ភេទប្រុស អាយុ២៥ឆ្នាំ មុខរបរ មិនពិតប្រាកដ មានទីលំនៅភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្តាល, ទី២-ឈ្មោះ ជ័រ សុជាតិ ភេទប្រុស អាយុ២១ឆ្នាំ មុខរបរមិនពិតប្រាកដ មានទីលំនៅភូមិព្រែកដូងឃុំកំពង់ស្វាយ ស្រុកកៀនស្វាយ ខេត្តកណ្ដាល និងទី៣-ឈ្មោះ ប៉ុន កុសល់ ភេទប្រុស អាយុ២៣ឆ្នាំ មុខរបរមិនពិតប្រាកដ មានស្រុកកំណើតភូមិស្ពានដែក ឃុំឆ្លក់វៀ ស្រុកសាមគ្គីមានជ័យ ខេត្តកំពង់ឆ្នាំង បច្ចុប្បន្នស្នាក់នៅភូមិព្រែកស្វាយ២ ឃុំឈើទាល ស្រុកកៀនស្វាយ ខេត្តកណ្តាល ។
លោកអធិការបានឱ្យដឹងទៀតថា កាលពីថ្ងៃទី១៦ ខែតុលា ឆ្នាំ២០១៩ វេលាម៉ោង០៧និង៥០នាទីយប់ កម្លាំងប៉ុស្តិ៍នគរបាលរដ្ឋបាលឈើទាលសហការជាមួយកម្លាំងផ្នែកប្រឆាំងបទល្មើសគ្រឿងញៀនស្រុកកៀនស្វាយធ្វើការល្បាតនៅក្នុងភូមិសាស្ដ្រឃុំឈើទាលក៏បានទទួលព័ត៍មានពីប្រជាពលរដ្ឋថា មានអ្នកជួញដូរគ្រឿងញៀននៅចំណុចផ្ទះជាប់ប្រឡាយវរៈ១ ស្ថិតនៅភូមិស្រែអំពិល ក៏ឃើញជនសង្ស័យទាំងបីនាក់កំពុងឈរនៅមុខផ្ទះធ្វើការជួញដូរគ្រឿងញៀន ។
ភ្លាមនោះកម្លាំងប៉ុស្តិ៍ និងស្រុកបានដេញចាប់ធ្វើការឃាត់ខ្លួនហើយជនសង្ស័យក៏គ្រវែងគ្រឿងញៀនចោលទៅលើដីហើយកម្លាំងសមត្ថកិច្ចបានឆែកឆេរឃើញមានម្សៅក្រាម.សថ្លាជាសារធាតុញៀន(ម៉ាទឹកកក) ហើយក៏បានឃាត់ខ្លួនអ្នកទាំងបីនាក់នៅកន្លែងកើតហេតុ រួចយកទៅប៉ុស្តិ៍ឈើទាលសួរនាំ ។
អ្នកទាំងបីនៅមុខសមត្ថកិច្ចបានសារភាពថា ថ្នាំញៀនចំនួន១៦កញ្ចប់ តូច១៣ និងធំ០៣កញ្ចប់ខាងលើនេះពិតជារបស់ខ្លួនពិតប្រាកដមែនដោយឈ្មោះ ផល សុភ័ណ្ឌ ភេទប្រុសបានទិញពីរមនុស្សប្រុសម្នាក់មិនស្គាល់ឈ្មោះអាយុប្រហែល២៦ឆ្នាំ មុខរបរមិនពិតប្រាកដ មានទីលំនៅភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ក្នុងតំលៃ១០០០០០០រៀល(មួយលានរៀល)កាលពីថ្ងៃទី១៤ ខែតុលា ឆ្នាំ២០១៩ វេលាម៉ោង១២និង៣០នាទីថ្ងៃត្រង់ ដើម្បីយកលក់បន្តដោយក្នុងរយៈពេលបីថ្ងៃនេះលក់អស់ចំនួន៣០កញ្ចប់តូច ដោយក្នុង០១កញ្ចប់តំលៃ៣ម៉ឺនរៀលទៅបួន៤ម៉ឺនរៀល រួចក៏ត្រូវសមត្ថកិច្ចធ្វើការឃាត់ខ្លួនតែម្តង ៕
កែសម្រួលដោយ ៖ សំណាង
ចែករំលែកព័តមាននេះ