ខេត្តកណ្តាល ៖ សេចក្តីរាយការណ៍បឋមបានឲ្យដឹងថា អំពើហិង្សាមួយបានកើតឡើងបង្កដោយបងថ្លៃផឹកស្រាឡើងស្រវឹងជោគជាំ រួចមករករឿងប្អូនស្រីបង្កើត ហើយវាយប្អូនថ្លៃបន្ថែមត្រូវបាននគរបាលចាប់វាយខ្នោះតែម្តង ដែលហេតុការណ៍នេះបានកើតឡើងនៅវេលាម៉ោង១៨និង០០នាទី ថ្ងៃទី១៦ ខែតុលានេះ នៅចំណុចផ្ទះជនរង…
ខេត្តកណ្តាល ៖ សេចក្តីរាយការណ៍បឋមបានឲ្យដឹងថា អំពើហិង្សាមួយបានកើតឡើងបង្កដោយបងថ្លៃផឹកស្រាឡើងស្រវឹងជោគជាំ រួចមករករឿងប្អូនស្រីបង្កើត ហើយវាយប្អូនថ្លៃបន្ថែមត្រូវបាននគរបាលចាប់វាយខ្នោះតែម្តង ដែលហេតុការណ៍នេះបានកើតឡើងនៅវេលាម៉ោង១៨និង០០នាទី ថ្ងៃទី១៦ ខែតុលានេះ នៅចំណុចផ្ទះជនរង ភូមិក្បាលកោះទៀវ ឃុំសំពៅពូន ស្រុកកោះធំ ខេត្តកណ្ដាល ។
ជនរងគ្រោះឈ្មោះ ហេង សុខ ភេទប្រុស អាយុ៣៩ឆ្នាំ ជនជាតិខ្មែរ ស្នាក់នៅភូមិក្បាលកោះទៀវ ឃុំសំពៅពូន ស្រុកកោះធំ ខេត្តកណ្ដាល មុខរបរជាងថតរូប ។ ជនសង្ស័យឈ្មោះ ស៊ន ថន ភេទប្រុស អាយុ៥២ឆ្នាំ ជនជាតិខ្មែរ មុខរបរកសិករ មានទីលំនៅភូមិក្បាលកោះទៀវ ឃុំសំពៅពូន ស្រុកកោះធំ ខេត្តកណ្តាល ។
បើតាមរបាយការណ៍របស់សមត្ថកិច្ចបានឲ្យដឹងថា នៅវេលាម៉ោង១៣និង០០នាទីថ្ងៃទី១៦ ខែតុលានេះ ជនរងគ្រោះពេលត្រឡប់ពីដើរថតរូបគេវិញមកដល់បានឃើញឈ្មោះ ស៊ន ថន (ត្រូវជាបងថ្លៃ ) បានផឹកស៊ីមិនដឹងជា ស្រវឹងស្រាមកពីកន្លែងណាទេ បានមកបង្ករឿងដល់ប្រពន្ធរបស់ជនរងគ្រោះ ។ ហើយបានវាយចាប់បោចសក់ប្រពន្ធជនរងគ្រោះ (ឈ្មោះ ស៊ន នា) ឃើញដូចនេះជនរងគ្រោះ និងបងប្អូនជួយឃាត់ ចាប់ចេញតែមិនព្រមស្តាប់ និងមិនព្រមបញ្ឈប់សកម្មភាពទេ ក៏បានទាញដំបងឫស្សីមកវាយជនរងគ្រោះ រួចជនរងគ្រោះក៏រត់គេចចេញ ហើយមកប្ដឹងនគរបាលប៉ុស្ដិ៍សំពៅពូន ក្រោយមកកម្លាំងនគរបាលប៉ុស្ដិ៍បានចុះទៅដល់កន្លែងកើតហេតុបានឃាត់ខ្លួនជនសង្ស័យ និងវត្ថុតាងបញ្ជូនមកកាន់អធិការដ្ឋាននគរបាលស្រុក ដើម្បីបន្តចាត់ការតាមនីតិវិធី ៕ កែសម្រួលដោយ ៖ សុឃាក់
ចែករំលែកព័តមាននេះ