ខេត្តកំពត ៖ សេចក្តីរាយការណ៍បឋមឱ្យដឹងថា នៅបំផុត ជនសង្ស័យ២នាក់កំពុងគេចខ្លួននោះ ត្រូវសមត្ថកិច្ចតាមរកឃើញនិងឃាត់ខ្លួនបានហើយ នារៀលថ្ងៃទី១៦ តុលា នេះ ក្រោយពីស្តាប់ចម្លើយសារភាពរបស់ជនសង្ស័យម្នាក់ឈ្មោះសេង…
ខេត្តកំពត ៖ សេចក្តីរាយការណ៍បឋមឱ្យដឹងថា នៅបំផុត ជនសង្ស័យ២នាក់កំពុងគេចខ្លួននោះ ត្រូវសមត្ថកិច្ចតាមរកឃើញនិងឃាត់ខ្លួនបានហើយ នារៀលថ្ងៃទី១៦ តុលា នេះ ក្រោយពីស្តាប់ចម្លើយសារភាពរបស់ជនសង្ស័យម្នាក់ឈ្មោះសេង ស្រ៊ុន ដែលត្រូវកម្លាំងឃាត់មុនគេ លើករណីចាប់រំលោភបូកលើស្ត្រីជនជាតិបារាំងម្នាក់ កាលពីវេលាទៀបភ្លឺថ្ងៃទី១១ តុលា កន្លងមក ដែលជនទាំង៣នាក់បានប្រព្រឹត្តនៅក្នុងរថយន្ត ។
សេចក្តីរាយការណ៍បន្តថា ជនសង្ស័យទាំង២នាក់ ១-ឈ្មោះ ពុំ លីវី ហៅហ្វ៊ី អាយុ១៩ឆ្នាំ ជាកម្មករតទឹកនៅលើភ្នំបូកគោ រស់នៅភូមិសាងគង់ ឃុំនិទាន ស្រុកបរសេដ ខេត្តកំពង់ស្ពឺ និង២-ឈ្មោះង៉ែត នភា អាយុ ២៣ឆ្នាំ ជាកម្មករតទឹកនៅលើភ្នំបូកគោ នៅភូមិត្រពាំងលើក ឃុំក្រាំងស្បូវ ស្រុកឈូក ខេត្តកំពត ។ប្រភព បន្តថា ជនសង្ស័យទាំងពីរនាក់ឆ្លើយសារភាពថា ខ្លួនពិតជាបានរំលោភលើស្រី្តបរទេសម្នាក់នោះមែន នៅក្នុងរថយន្តជាមួយឈ្មោះសេង ស្រ៊ុន(ជនសង្ស័យចាប់បានមុនគេ) ប្រាកដមែន ។
សូមរំលឹកថា សមត្ថកិច្ចចាប់បានជង្ស័យម្នាក់នុងចំណោម២នាក់ ពាក់ព័ន្ធករណីចាប់រំលោភសេពសន្ថវៈលើស្ត្រីជនជាតិបារាំងម្នាក់ ដែលមានការសហការជាមួយសមត្ថកិច្ចខេត្តព្រះសីហនុ រហូតឈានដល់ឃាត់ខ្លួនជនសង្ស័យម្នាក់ កាលពីវេលាម៉ោង០៥ និង៣០នាទីល្ងាចថ្ងៃទី១៥ តុលា លើដីព្រះសីហនុ ។ សេចក្តីរាយការណ៍បន្តថា ជនសង្ស័យខាងលើឈ្មោះសេង ស្រ៊ុុន អាយុ៣៧ឆ្នាំ មុខរបរជាអ្នករត់តាក់ស៊ី មានទីលំនៅក្នុងភូមិបឹងវែង ឃុំវាលរិញ ស្រុកព្រៃនប់ ខេត្តព្រះសីហនុ ។
តាមចម្លើយបឋម ជនសង្ស័យឆ្លើយសារភាពថា ខ្លួនពិតជាបានរំលោភលើស្ត្រីជនជាតិបារាំងម្នាក់មែនប្រាកដមែន ។ ដោយខ្លួនរំលោភនាងនៅលើរថយន្ត កាលពីវេលាទៀបភ្លឺ ថ្ងៃទី១១ តុលា កន្លងមក ។ ជននេះឆ្លើយទៀតថា ដោយឡែក ខ្លួនមានបក្សពួក២នាក់ទៀតក៏បានរំលោភនាងនៅលើរថយន្តផងដែរ ។
បច្ចុប្បន្ន សមត្ថកិច្ចបាននិងកំពុងតាមស្រាវជ្រាវរកជនសង្ស័យទាំង២នាក់នោះបន្ត ។ សូមរំលឹកថា ស្ត្រីរងគ្រោះជាជនជាតិបារាំង មានអាយុ៤៣ឆ្នាំ ត្រូវបានបុរសខ្មែរចំនួន៣នាក់ ចាប់រំលោភសេពសន្ថវៈ កាលពីវេលាទៀបភ្លឺថ្ងៃទី១១ តុលា ខណៈដឹកនាងចេញពីខេត្តកំពត ទៅកាន់ខេត្តកែប ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ