ក្រុងហុងកុង ៖ ប្រមុខប្រតិបត្តិក្រុងហុងកុង លោកស្រី CARRIE LAM កាលពីថ្ងៃទី១៦ ខែតុលា ឆ្នាំ២០១៩ ត្រូវបង្ខំចិត្តឈប់ថ្លែងសុន្ទរកថានយោបាយរបស់លោកស្រី មកពីមានភាពរញ៉េរញ៉ៃស្រែកឡូឡា ដោយបណ្ដាសមាជិកសភាស្និទ្ធលទ្ធិប្រជាធិបតេយ្យ ក្នុងផ្ទៃសភាដូចរូបភាពក្នុងវីដេអូ។
សុន្ទរកថាពីនយោបាយទូទៅរបស់លោកស្រីLAM ត្រូវបានគេចាត់ទុកថាជាការប៉ុនប៉ងមួយ ដើម្បីឲ្យប្រមូលបានការគាំទ្រនិងជឿទុកចិត្តរបស់ប្រជាជន ក្រោយរយៈពេលជាង៤ខែនៃវិបត្តិនយោបាយក្នុងដែនដីអតីតអាណានិគមអង់គ្លេសនោះពុំធ្លាប់មានពីមុនមក។ បណ្ដាសមាជិកសភាស្និទ្ធលទ្ធិប្រជាធិបតេយ្យបានស្រែកឡូឡា បង្ខំឲ្យលោកស្រីLAMចាកចេញពីសភា។
លោកស្រីLAMប៉ុនប៉ង២លើកហើយថ្លែងសុន្ទរកថាប្រចាំឆ្នាំនៅមុខសភា ដែលបើកសម័យប្រជុំថ្មីរយៈពេលប្រមាណជា៣ខែ។ បណ្ដាសមាជិកសភាស្និទ្ធលទ្ធិប្រជាធិបតេយ្យ បានស្រែកឡូឡា ខណៈសមាជិកសភាក្រុមនោះ១រូប បានបញ្ចាំងពាក្យស្លោកនានានៃចលនាតវ៉ា តាមរយៈPROJECTEURតូចមួយដាក់ក្នុងហោប៉ាវ បញ្ចាំងទៅជញ្ជាំងស្ថិតនៅពីក្រោយលោកស្រីLAMដែលកំពុងឈរថ្លែង។
ក្រោយពីការប៉ុនប៉ងលើកទី២មិនបានសម្រេចក្នុងការថ្លែងការណ៍ មេដឹកនាំក្រុងហុងកុងបានចាកចេញពីអគារសភាអមដោយអង្គរក្ស។ បណ្ដាមនុស្សរបស់លោកស្រីនិយាយថា សុន្ទរកថារបស់លោកស្រី នឹងចេញផ្សាយនាពេលក្រោយតាមរយៈវីដេអូដែលថតទុកជាមុន៕ (កែសម្រួលដោយ ៖ បុប្ផា) (ប្រភពវីដេអូ ៖ Le Huffington Post)
ចែករំលែកព័តមាននេះ