រាជធានីភ្នំពេញ ៖ ជនសង្ស័យម្នាក់ បានធ្វើសកម្មភាពលួចម៉ូតូម៉ាកហុងដាPCX១គ្រឿង ប៉ុន្តែជិះមិនកើតក៏អូសតាមផ្លូវតាំងពីក្នុងភូមិសាស្ត្រសង្កាត់សំរោងក្រោម រហូតដល់ក្នុងភូមិសាស្ត្រសង្កាត់ចោមចៅទី៣ ខណ្ឌពោធិ៍សែនជ័យ ។ ខណៈនោះ បានសម្ងំដោះដូរគ្រឿងមួយចំនួន…
រាជធានីភ្នំពេញ ៖ ជនសង្ស័យម្នាក់ បានធ្វើសកម្មភាពលួចម៉ូតូម៉ាកហុងដាPCX១គ្រឿង ប៉ុន្តែជិះមិនកើតក៏អូសតាមផ្លូវតាំងពីក្នុងភូមិសាស្ត្រសង្កាត់សំរោងក្រោម រហូតដល់ក្នុងភូមិសាស្ត្រសង្កាត់ចោមចៅទី៣ ខណ្ឌពោធិ៍សែនជ័យ ។ ខណៈនោះ បានសម្ងំដោះដូរគ្រឿងមួយចំនួន ហើយត្រូវអ្នកភូមិប្រទះឃើញមានការសង្ស័យ ព្រោះតាំងពីស្គាល់ជននេះមកអត់ដែលឃើញមានម៉ូតូជិះម្ដងណាទេ គឺឃើញតែដើរសុីឈ្នួលលីសែងប៉ុណ្ណោះ ។
ពេលនេះស្រាប់តែឃើញអូសម៉ូតូ១គ្រឿងយកទៅសម្ងំដោះដូរគ្រឿង ទើបអ្នកភូមិផ្ដល់ព័ត៌មានដល់នគរបាលប៉ុស្តិ៍ចោមចៅទី៣ឲ្យទៅសួរនាំ ។ ប៉ុន្តែភ្លាមនោះ គ្រាន់តែឃើញនគរបាលទៅដល់ ស្រាប់តែជនម្នាក់នេះព្យាយាមរត់គេចខ្លួនទៅវាលស្រែតែរត់មិនរួច ហើយត្រូវនគរបាលតាមចាប់ខ្លួនបាន ។
ការចាប់ខ្លួនបានធ្វើឡើងកាលពីវេលាម៉ោងប្រមាណ១២និង៤០នាទីថ្ងៃត្រង់ថ្ងៃទី១៥ ខែ តុលា នៅខាងក្រោយសាលាបឋមសិក្សាជម្ពូវ័ន ស្ថិតក្នុងភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ ។ ជនសង្ស័យខាងលើឈ្មោះសុខ ណាង អាយុ៣០ឆ្នាំ ជាកម្មករលេីកកាតុង ស្នាក់នៅមិនពិតប្រាកដ បានធ្វើសកម្មភាពលួចម៉ូតូ១គ្រឿងម៉ាងហុងដាPCX ពណ៌ស ពាក់ផ្លាកលេខភ្នំពេញ ១FK-២៤១៦ ។
ក្រោយពេលចាប់ខ្លួននាំទៅសាកសួរនៅប៉ុស្តិ៍នគរបាលរដ្ឋបាលចោមចៅទី៣ ជនសង្ស័យសារភាពថា ខ្លួនពិតជាបានលួចយកម៉ូតូ១គ្រឿងនោះមែន ដែលម្ចាស់ចតទុកចោលនៅជិតផ្លូវរថភ្លើង ស្ថិតនៅតាមវិថីឈ្នះ ឈ្នះ ក្នុងភូមិចែងម៉ែង សង្កាត់សំរោងក្រោម ខណ្ឌពោធិ៍សែនជ័យ កាលពីព្រឹកថ្ងៃទី១៥ ខែតុលានោះ ។
ប៉ុន្តែដោយម៉ូតូនេះមិនអាចជិះកើត ទើបខ្លួនអូសរហូតមកដល់ភូមិសាស្ត្រសង្កាត់ចោមចៅទី៣ និងបានអូសចូលតាមសាលាបឋមសិក្សាជម្ពូវ័នទៅដល់វាលស្រែខាងក្រោយសាលា ក៏ត្រូវនគរបាលដេញតាមចាប់ខ្លួនបានតែម្ដង ។ អ្នកភូមិនិយាយថា ពួកគាត់ធ្លាប់ស្គាល់ជននេះគឺជាកម្មករលីសែង ហើយមិនដែលឃើញមានម៉ូតូជិះទេ គឺឃើញតែដើរប៉ុណ្ណោះ ។
ដោយឡែក នៅមុនពេលកើតហេតុស្រាប់តែឃើញជននេះអូសម៉ូតូហុងដាPCX មួយគ្រឿងចូលទៅក្នុងសាលាបឋមសិក្សាជម្ពូវ័ន សម្ងំដោះដូរគ្រឿង ពេលនោះដោយមានការសង្ស័យពួកគាត់ក៏រាយការណ៍ជូននគរបាលប៉ុស្តិ៍ឲ្យទៅសួរនាំ ។ ប៉ុន្តែគ្រាន់តែឃើញកម្លាំងសមត្ថកិច្ចទៅដល់ស្រាប់តែជននេះរត់គេចខ្លួនទៅវាលស្រែហើយក៏ត្រូវកម្លាំងនគរបាលរួមជាមួយប្រជាការពារភូមិដេញតាមចាប់បាន រួចនាំទៅសាកសួរនៅប៉ុស្តិ៍ ដើម្បីកសាងសំណុំរឿងចាត់ការតាមច្បាប់ ៕
ចែករំលែកព័តមាននេះ