ខេត្តស្វាយរៀង ៖ គូស្នេហ៍វ័យចំណាស់កូនកំលោះអាយុ៤៨ឆ្នាំ កូនក្រមុំអាយុ៧២ឆ្នាំ ទើបរៀបមង្គល ការ រួចថ្ងៃទី១៣ តុលានេះ បានធ្វើឱ្យមហាជនចាប់អារម្មណ៍យ៉ាងខ្លាំង ដែលស្ត្រី៧២ឆ្នាំ…
ខេត្តស្វាយរៀង ៖ គូស្នេហ៍វ័យចំណាស់កូនកំលោះអាយុ៤៨ឆ្នាំ កូនក្រមុំអាយុ៧២ឆ្នាំ ទើបរៀបមង្គល ការ រួចថ្ងៃទី១៣ តុលានេះ បានធ្វើឱ្យមហាជនចាប់អារម្មណ៍យ៉ាងខ្លាំង ដែលស្ត្រី៧២ឆ្នាំ សម្រេចយកប្តីអាយុកំពុងនៅមានថាមពលនេះទៅរួចហ្ន៎ ។ ដើម្បីបំបាត់អារម្មណ៍ឆ្ងល់នេះ អ្នកផ្តល់ព័ត៌មានកោះសន្តិភាពបានទៅជួបគូស្វាមីភរិយាថ្មីនេះនៅគេហដ្ឋានផ្ទាល់នាព្រឹកថ្ងៃទី១៥ តុលា ។
នៅចំពោះមុខកោះសន្តិភាពគូស្នេហ៍ទាំង២ប្រាណ បានបញ្ចេញអារម្មណ៍ទទួលភ្ញៀវក្នុងទឹកមុខរីករាយដោយខាងស្វាមី បង្ហើបប្រាប់ថា មិនធម្មតា…ទោះបីភរិយាខ្ញុំវ័យ៧២ឆ្នាំហើយក៏ដោយ ភាពផ្អែមល្ហែមនៅពេលផ្សំដំណេកមិនចាញ់ស្ត្រីវ័យ៤០ឆ្នាំឡើយ បាននាំគាត់ឡើងឋានសួគ៌រហូតមិនអាចបំភ្លេចបាននូវរាត្រីទឹកឃ្មុំនាវ័យជ្រេបន្តិចនេះ ។
បុរសជាស្វាមីនិយាយបែបនេះ ប្រាប់កោះសន្តិភាពនៅវេលាម៉ោង១០និង៤៥នាទីព្រឹក ថ្ងៃទី១៥ តុលា ពេលមានអ្នកចំអកឱ្យគាត់ថា កោតតែខាងប្រុសលេបទៅរួចកូនក្រមុំវ័យ៧២ឆ្នាំ បាក់ធ្មេញអស់ទៅហើយ តើអាចដឹកដៃគ្នាឡើងឋានសួគ៌បានទេ ? នៅមុខអ្នកសារព័ត៌មានស្វាមីឈ្មោះ អ៊ុង វន្ថា អាយុ៤៨ឆ្នាំ បានបង្ហើបប្រាប់ថា ចាប់តាំងពីរៀបការរួចនាថ្ងៃទី១៣ តុលា មកទើបតែផ្សំដំណេកជាមួយភរិយា នាយប់ទី១៤ តុលា ២០១៩នេះទេ ហើយតែម្តងគត់ គឺមិនធម្មតា ភរិយាចេះថ្នាក់ថ្នមចិត្តនាំឡើងឋានសួគ៌ដោយអារម្មណ៍ស្រស់ស្រាយ មិនអាចបំភ្លេចបាន ។
បុរសជាស្វាមីបន្តទៀតថា ការរួមស្នេហាដល់កំពូលមិនអាចបំភ្លេចបាននេះ គឺដោយសារពួកខ្ញុំទាំងពីរបានយល់ចិត្តស្រឡាញ់គ្នា ដូចកំលោះក្រមុំ គឺមិនគិតពីវ័យទេ ធ្វើឲ្យអារម្មណ៍ស្រើបស្រាលរំភើបនែបនិតផ្អែមល្ហែម និងពុះកញ្ជ្រោល ។ គាត់ថា ផ្ទុយទៅវិញទោះបីភរិយាស្អាតនៅក្មេងក៏ដោយ ប្រសិនបើរស់នៅមិនចុះសម្រុងគ្នា សោះអង្គើយគ្មានចិត្តស្រឡាញ់ គឺរាត្រីទឹកឃុំពិតជាក្លាយទៅជារាត្រីទឹកខ្មេះបើបង្ខំផ្សំដំណេក នោះប្រៀបបានដូចជារំលោភសាកសពអុីចឹង ។
ចំណែកភរិយាឈ្មោះ កើត ឡាត អាយុ៧២ឆ្នាំ បានប្រាប់ថា រូបគាត់អាយុ៧២ឆ្នាំមែន ប៉ុន្តែមិនទាន់ជរាទេ គឺនៅកម្លាំងរឹងមាំមានសាច់មានឈាម នៅមានអារម្មណ៍ចង់មានស្វាមី និងអាចបំពេញតួនាទីជាភរិយាដល់ស្វាមីបានគ្រប់ពេលដែលប្តីត្រូវការ គាត់និងថ្នាក់ថ្នមស្វាមីមិនឲ្យអាក់អន់ចិត្តឡើយ និងផ្គាប់ចិត្តប្តីមិនឲ្យចាញ់ស្ត្រីវ័យក្មេងទេ ។ស្ត្រីវ័យ៧២ឆ្នាំ ជាភរិយាថ្មោងថ្មីបំផុតនេះបានរៀបរាប់បន្តទៀតថា គាត់ជាស្ត្រីមេម៉ាយរយៈពេល២៥ឆ្នាំហើយ ។
ពីដើមមកមុនពេលមានប្តី គឺជាក្រមុំចាស់ អាយុ៣៩ឆ្នាំយកប្តី ។ ឯប្តីក៏ជាកំលោះចាស់ដែរ មានអាយុ៤៥ឆ្នាំ រៀបការរួចមានកូនជាចំណងដៃចំនួន២នាក់ ស្រីម្នាក់ ប្រុសម្នាក់ ។ គាត់ថា ក្រោយពីកូនៗមានប្តីប្រពន្ធ គេចេញទៅរស់នៅតាមប្តីតាមប្រពន្ធគេអស់ហើយ ។ រីឯរូបគាត់រស់នៅតែម្នាក់ឯងក្នុងខ្ទមដ៏កម្សត់លើដីចំណីប្រឡាយរបស់រដ្ឋ ។ ចំណែកបុរសជាប្តីឈ្មោះ វន្ថា គឺជាបុរសពោះម៉ាយបានលែងលះប្រពន្ធរយៈពេល៤ឆ្នាំមកហើយ មានកូនជាចំណងដៃ៥នាក់ ក្នុងនោះកូនស្រី៣នាក់ ។
ក្នុងឱកាសនេះដែរលោក វន្ថា ជាស្វាមីបានសុំបំភ្លឺទៅសាធារណជនផងដែរ ពីបញ្ហាមានពាក្យខលមកថា មនុស្សប្រុសវ័យក្មេង ទៅយកប្រពន្ធវ័យចំណាស់អាយុ៧២ឆ្នាំនោះ គឺមកពីប្រុសមើលឃើញទ្រព្យយាយទើបប្តូរខ្លួន ។ គាត់ថាមិនពិតទេ តាមពិតយាយ កើត ឡាត គឺមានជីវភាពក្រីក្រណាស់ រស់នៅម្នាក់ឯងក្នុងផ្ទះខ្ទមតូចមួយលើដីប្រឡាយរបស់រដ្ឋគ្មានទ្រព្យទេ ។ រឿងនេះ គឺកើតឡើងដោយការអាណិតចង់ថែទាំគាត់ទើបមកលួងលោមសុំស្រឡាញ់ ។ចំណែកកូនៗទាំងសងខាងដំបូងក៏ជំទាស់ដែរ ។
ក្រោយពីចាស់ទុំសម្របសម្រួល កូនៗយល់ព្រម ចំណែកអាជ្ញាធរនិងអ្នកស្រុកជិតខាងក៏ជួយលុយកាក់ម្នាក់បន្តិច ទិញឈើទិញឫស្សីនិងស័ង្កសីសង់ផ្ទះឲ្យទំហំ៣ម៉ែត្រគុណនឹង៤ម៉ែត្រ ដើម្បីចូលរោងការឲ្យសមរម្យ ។ ការរៀបការ គឺអញ្ជើញចាស់ទុំ អ្នកជួយនិងអាជ្ញាធរ កូនៗ គេជួយហៅភ្ញៀវបានជាង១០០នាក់ ។ ដូច្នេះសូមមហាជនមេត្តា ជួយគាំទ្រដល់គូស្នេហ៍វ័យចំណាស់មួយនេះផង គោលបំណងនៃការដឹកដៃគ្នាចូលរោងការនេះ គឺចង់រស់នៅថែរក្សាគ្នា មនុស្សចាស់មិនអាចរស់នៅម្នាក់ឯងបានទេ គឺត្រូវការអ្នកជួយមើលថែ ទើបជីវិតមិនឯកោ ។
ពេលសួរថា តើអាចមានកូនជាមួយគ្នា ជាចំណងដៃបានទេ បើស្នេហ៍ពុះកញ្ជ្រោលម្លុឹងៗ? លោកយាយប្រាប់ថា មិនអាចទេខ្ញុំអស់រដូវហើយ ក៏ប៉ុន្តែបញ្ហាតួនាទីជាភរិយា គឺលោកយាយនិងថ្នាក់ថ្នមចិត្តស្វាមីវ័យក្មេងមិនឲ្យទាស់ចិត្តទេ គឺអាចផ្តល់ជូនតាមតម្រូវការបាន គ្រប់ពេលវេលា ចាស !
សូមរំលឹកផងដែរ បុរសស្ត្រីវ័យចំណាស់ដឹកដៃគ្នាចូលរោងការធ្វើឱ្យមានការភ្ញាក់ផ្អើលដល់ អ្នកស្រុកអ្នកភូមិក្នុងខេត្តស្វាយរៀង កាលពីថ្ងៃទី១៣ តុលា ខណៈដែលកូនកំលោះវ័យ៤៨ឆ្នាំ បានសុំស្ត្រីជាកូនក្រមុំវ័យ៧២ឆ្នាំ បានដឹកដៃគ្នាចូលរោងការ និងបានអញ្ជើញភ្ញៀវមកចូលរួមរាប់រយនាក់ធ្វើឲ្យមានការភ្ញាក់ផ្អើលដល់អ្នកស្រុកមកចូលរួមអបអរសាទរ ។
បើទោះបីជាវ័យខុសជាងពាក់កណ្តាលអាយុយ៉ាងណាក៏ដោយ អ្នកទាំងពីរព្រមដឹកដៃគ្នាចូលរោងការនៅភូមិទួលអង្គប់ ឃុំសំបួរ ស្រុកស្វាយទាប ដោយមានចាស់ក្មេងចូលរួមអបអរសាទរ ក្នុងពិធីការនេះជាង១០០នាក់អ្នកផងដែរ ៕
ចែករំលែកព័តមាននេះ