ខេត្តត្បូងឃ្មុំ ៖ អនុវត្តន៏តាមការណែនាំរបស់លោកឧត្តមសេនីយ៏ទោ បែន រ័ត្ន ស្នងការនគរបាលខេត្តក៏ដូចជាគណៈបញ្ជាការឯកភាពស្រុក កម្លាំងសមត្ថកិច្ចបានបន្តសកម្មភាពចុះបង្ក្រាបបទល្មើសនេសាទដោយបានធ្វើឡើងនៅថ្ងៃទី១៤ ខែតុលា ឆ្នាំ២០១៩ ចំនួន២កន្លែងផ្សេងគ្នាតាមបឹងបួរជាប់ដងទន្លេមេគង្គប្រភេទលបស្បៃមុង…
ខេត្តត្បូងឃ្មុំ ៖ អនុវត្តន៏តាមការណែនាំរបស់លោកឧត្តមសេនីយ៏ទោ បែន រ័ត្ន ស្នងការនគរបាលខេត្តក៏ដូចជាគណៈបញ្ជាការឯកភាពស្រុក កម្លាំងសមត្ថកិច្ចបានបន្តសកម្មភាពចុះបង្ក្រាបបទល្មើសនេសាទដោយបានធ្វើឡើងនៅថ្ងៃទី១៤ ខែតុលា ឆ្នាំ២០១៩ ចំនួន២កន្លែងផ្សេងគ្នាតាមបឹងបួរជាប់ដងទន្លេមេគង្គប្រភេទលបស្បៃមុង និងលបសាច់យុំាំងកាវ ក្នុងឃុំទួលស្នួលនិងឃុំឈូក ស្រុកក្រូចឆ្មារ រឹបអូសបានបទល្មើសនេសាទជាច្រើនត្រូវបានបំផ្លាញចោល ។
លោកវរសេនីយ៏ឯក សាំ ហេង អធិការនគរបាលស្រុកក្រូចឆ្មារឲ្យដឹងថា ថ្វីត្បិតក្នុងរដូវបើកនេសាទកម្លាំងមូលដ្ឋានបានរាយការណ៏មករូបលោក ហើយក៏បានសុំគោលការណ៏ពីលោកស្នងការនគរបាលខេត្តដោយនៅវេលាម៉ោង១០ និង២០នាទីព្រឹក កម្លាំងអន្តរាគមន៏របស់អធិការដ្ឋានស្រុកបានចុះសហការជាមួយនឹងប៉ុស្ត៏រដ្ឋបាលទួលស្នួល ចុះបង្ក្រាបបទល្មើសនេសាទខុសច្បាប់លបស្បៃមុង ត្រង់ចំនុចបឹងអាទាំងក្រោយភូមិមុខភ្នំ ឃុំទួលស្នួល បានស្បៃមុងចំនួន២១មាត់ របាំងព្រួលស្បៃមុងប្រវែង១.៤៧០ម៉ែត្រ បង្គោលឫស្សី២៨៦ដើម ត្រូវបានកាប់បំផ្លាញចោល និងបានចាក់លែងកូនត្រីទង្ងន់៨៩គីឡូក្រាមទៅក្នុងបឹងធម្មជាតិវិញ ។
លោកអធិការនគរបាលស្រុកក្រូចឆ្មារបន្តថា នៅព្រឹកថ្ងៃទី១៤ តុលា ដដែលកម្លាំងស្រុកបានបន្តចុះសហការជាមួយនឹងប៉ុស្ត៏រដ្ឋបាលឈូក នៅត្រង់ចំនុចភូមិឈូក ឃុំឈូក បានលបសាច់យុំាងកាវចំនួន១៧មាត់របាំងព្រួលស្បៃមុងប្រវែង៣៥៥ម៉ែត្រ បង្គោលឫស្សីចំនួន១៩០ដើម ត្រូវបានបំផ្លាញចោលនៅនឹងកន្លែងតែម្តង ។
ជាមួយនោះក្រោមការណែនាំរបស់លោកស្នងការនគរបាលខេត្ត ក៏ដូចជាលោកអភិបាលស្រុកក្រូចឆ្មារ កម្លាំងសមត្ថកិច្ចនិងបន្តចុះបង្ក្រាបនៅកន្លែងផ្សេងទៀត ជាមួយនោះឲ្យប្រជាពលរដ្ឋដែលបានឃើញបទល្មើសនេសាទ ដាក់នៅទីណាក៏ដោយសូមប្រញាប់រាយការណ៏មកសមត្ថកិច្ចដើម្បីមានវិធានការចុះបង្ក្រាបឲ្យបានទាន់ពេលវេលា ៕
កែសម្រួលដោយ ៖ សំណាង
ចែករំលែកព័តមាននេះ