ប្រទេសអ៊ុយក្រែន ៖ យោងតាមប៉ូលិសថា មនុស្សប្រមាណជា១២.០០០នាក់បានលើកគ្នាហែក្បួនបាតុកម្ម កាលពីថ្ងៃទី១៤តុលានៅទីក្រុងកៀវ ដោយចោទប្រកាន់ប្រធានាធិបតី លោកVOLODYMYR ZELENSKYថា រៀបចំការចុះចាញ់ ប្រឈមមុខនឹងពួកបំបែកខ្លួននិយមស្និទ្ធរុស្ស៊ី និងរុស្ស៊ី ក្នុងក្របខណ្ឌនៃដំណើរការសន្តិភាព។
ពួកបាតុករភាគច្រើនជាអ្នកជាតិនិយម បណ្ដាអតីតយុទ្ធជនភាគខាងកើតប្រទេស និងសមាជិកនៃបណ្ដាអង្គការយោធាប្រតិព័ទ្ធ បានប្រមូលផ្ដុំគ្នានាកណ្ដាលទីក្រុងកៀវ ដោយស្រែកពាក្យស្លោកនានាប្រឆាំងប្រមុខរដ្ឋ។ ពួកគេស្រែកថា ZELENSKYជាអ្នកចុះចាញ់! បរាជ័យពួកក្បត់! បដិសេធការចុះចាញ់។ ពួកគេក៏ស្រែកផងដែរប្រឆាំងភាសារុស្ស៊ី ដែលនិយមប្រើច្រើននៅអ៊ុយក្រែន ជាអតីតសាធារណរដ្ឋសហភាពសូវៀតមួយ ពិសេសនៅភាគខាងកើតនិងភាគខាងត្បូងប្រទេស។
អ្នករៀបចំបាតុកម្មម្នាក់លោកOLEKSII KAIDAមេដឹកនាំ់នៃគណបក្សស្ដាំនិយមជ្រុលSVOBODAនិយាយថា យើងចង់បានជ៍យជម្នះហើយពុំមែនសន្តិភាពដែលត្រូវបង់់តម្លៃមួយឡើយ។ មានតែជោគជ័យទេដែលមិនបង់តម្លៃ។
អ៊ុយក្រែនប្រឈមមុខចាប់តាំងពីឆ្នាំ២០១៤មក នឹងជម្លោះដោយអាវុធមួយនៅភាគខាងកើតប្រទេស ប្រឆាំងពួកបំបែកខ្លួននិយមស្និទ្ធរុស្ស៊ី ដែលយោងតាមទីក្រុងកៀវនិងពួកលោកខាងលិចថា បណ្ដាលឲ្យមនុស្សស្លាប់ជិត១៣.០០០នាក់ហើយ។ ការបោះឆ្នោតប្រធានាធិបតីអ៊ុយក្រែនកាលពីខែមេសា នាំ់ទៅដល់ជ័យជម្នះរបស់លោកZELENSKY ជាអ្នកចង់បានសន្តិភាពហើយអាចឲ្យមានការចរចាឡើងវិញជាមួយរុស្ស៊ី ដែលនាំទៅដល់ការផ្លាស់ប្ដូរឈ្លើយសឹកគ្នាដ៏សំខាន់។
អាជ្ញាធរក្រុងកៀវក៏បានផ្ដល់សុពលភាពដែរដល់ច្បាប់មួយ ដែលលើកពីស្វ័យភាពកាន់តែទូលាយដល់បណ្ដាតំបន់បំបែកខ្លួន ដែលប្រជាជនអ៊ុយក្រែងមួយផ្នែកចាត់ទុកជាការធ្វើសម្បទានមិនអាចទទួលយកបាន៕ (កែសម្រួលដោយ ៖ បុប្ផា)
ចែករំលែកព័តមាននេះ