កម្ពុជា-វៀតណាមបន្តពង្រឹងវិស័យអធិការកិច្ចទ្វេភាគី
- ភ្នំពេញ
រាជធានីភ្នំពេញ ៖ ព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាមបានបន្តពង្រឹងទ្វេភាគីលើវិស័យអធិការកិច្ច ។ ការបន្តពង្រឹងវិស័យនេះ ខណៈដែលលោក ឡេ មិញខាយ (H.E…
រាជធានីភ្នំពេញ ៖ ព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាមបានបន្តពង្រឹងទ្វេភាគីលើវិស័យអធិការកិច្ច ។ ការបន្តពង្រឹងវិស័យនេះ ខណៈដែលលោក ឡេ មិញខាយ (H.E…
រាជធានីភ្នំពេញ ៖ ព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាមបានបន្តពង្រឹងទ្វេភាគីលើវិស័យអធិការកិច្ច ។ ការបន្តពង្រឹងវិស័យនេះ ខណៈដែលលោក ឡេ មិញខាយ (H.E Mr Le Minh Khai) អគ្គអធិការ (រដ្ឋមន្ត្រី) នៃអគ្គលេខាដ្ឋានអធិការកិច្ចរដ្ឋាភិបាលវៀតណាមនៃសាធារណរដ្ឋសង្គមនិយមវៀតណាមបានអញ្ជើលោកស្រី កិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចទៅទស្សនកិច្ចនៅប្រទេសវៀតណាម ។
លោកស្រី ម៉ែន សំអន នៅរសៀលថ្ងៃទី១៤ ខែតុលានេះបានដឹកនាំគណៈប្រតិភូជាន់ខ្ពស់នៃក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចនឹងទៅបំពេញទស្សនកិច្ចផ្លូវការនៅសាធារណរដ្ឋសង្គមនិយមវៀតណាមពីថ្ងៃទី១៤ ដល់ថ្ងៃទី១៩ ខែតុលានេះ ។
លោក ចាប សុថារិទ្ធ រដ្ឋលេខាធិការក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចបានឲ្យដឹងថា ដំណើរទស្សនកិច្ចរបស់គណៈប្រតិភូមានគោលបំណងអនុវត្តអនុស្សារណៈយោគយល់ដែលស្ថាប័នគ្រប់គ្រងវិស័យអធិការកិច្ចនៃប្រទេសទាំងពីរបានចុះហត្ថលេខាតាំងពីឆ្នាំ២០០៥ កន្លងមក និងដើម្បីពង្រឹងទំនាក់ទំនងមិត្តភាពកិច្ចសហប្រតិបត្តិការរវាងស្ថាប័នទាំងពីរ និងផ្លាស់ប្តូរបទពិសោធន៍លើការងារ អធិការកិច្ច ការដោះស្រាយបណ្តឹងតវ៉ា បណ្តឹងបរិហារ និងការទប់ស្កាត់អំពើពុករលួយ ។
លោកបានបន្ថែមថា ម្យ៉ាងទៀតក៏ជាការបង្កើននូវទំនាក់ទំនងមិត្តភាព កិច្ចសហប្រតិបត្តិការរវាងស្ថាប័នទាំងពីរឲ្យកាន់តែមានភាពជិតស្និតបន្ថែមទៀត តាមរយៈការផ្លាស់ប្តូរបទពិសោធន៍លើការងារអធិការកិច្ច ការដោះស្រាយបណ្តឹងតវ៉ា បណ្តឹងបរិហារ និងការទប់ស្កាត់អំពើពុករលួយ ដើម្បីចូលរួមចំណែកជាមួយរាជរដ្ឋាភិបាលក្នុងការអភិវឌ្ឍប្រទេសឲ្យកាន់តែមានភាពរីកចម្រើនបន្ថែមទៀត ។
ក្នុងដំណើរទស្សនៈកិច្ចនេះផងដែរ លោកជំទាវកិត្តិសង្គហបណ្ឌិតគ្រោងនឹងអញ្ជើញគ្រូឧទ្ទេសនាមផ្នែកអធិការកិច្ចរបស់វៀតណាមមកធ្វើការបណ្តុះបណ្តាលនៅវិទ្យាស្ថានជាតិអធិការកិច្ចរបស់ព្រះរាជាណាចក្រកម្ពុជា ដើម្បីបង្កើននូវចំណេះដឹង និងបទពិសោធន៍ផ្នែកអធិការកិច្ច ។ លោកបន្តថា ក្នុងអំឡុងពេលទស្សនកិច្ចលោកស្រីកិត្តិសង្គហបណ្ឌិតនឹងចូលជួបសំដែងការគួរសមជាមួយនាយករដ្ឋមន្ត្រីវៀតណាម និងជួបពិភាក្សាការងារទ្វេភាគីជាមួយលោក ឡេ មិញខាយ អគ្គអធិការ ( រដ្ឋមន្ត្រី) នៃអគ្គលេខាដ្ឋានអធិការកិច្ចរដ្ឋាភិបាលវៀតណាម ។ ជាមួយគ្នានោះដែរ គណៈប្រតិភូក្រសួងនឹងធ្វើទស្សនកិច្ចនៅទីក្រុងហាណូយទីក្រុងដាណាំង (Da Nang) និងក្រុងហូជីមិញ (Ho Chi Minh) ៕ កែសម្រួលដោយ ៖ សុឃាក់
ចែករំលែកព័តមាននេះ