រាជធានីភ្នំពេញ ៖ គិតមកដល់ម៉ោង១២និង៣០នាទីថ្ងៃត្រង់ថ្ងៃទី១៤ តុលា នេះ សាកសពជនរងគ្រោះម្នាក់បានស្លាប់ក្នុងករណីដាច់ធ្លាក់ជណ្តើរយន្តនៅក្នុងកាដ្ឋានសំណង់កំពស់២១ជាន់ ដែលមានទីតាំងនៅតាមបណ្តោយផ្លូវលេខ៦៥ (ខាងកើតសណ្ឋាគារហូលីដេ) ក្នុងសង្កាត់ស្រះចក ខណ្ឌដូនពេញ…
រាជធានីភ្នំពេញ ៖ គិតមកដល់ម៉ោង១២និង៣០នាទីថ្ងៃត្រង់ថ្ងៃទី១៤ តុលា នេះ សាកសពជនរងគ្រោះម្នាក់បានស្លាប់ក្នុងករណីដាច់ធ្លាក់ជណ្តើរយន្តនៅក្នុងកាដ្ឋានសំណង់កំពស់២១ជាន់ ដែលមានទីតាំងនៅតាមបណ្តោយផ្លូវលេខ៦៥ (ខាងកើតសណ្ឋាគារហូលីដេ) ក្នុងសង្កាត់ស្រះចក ខណ្ឌដូនពេញ នៅមិនទាន់បានយកចេញពីជណ្តើរយន្តនៅឡើយ ខណៈសាកសពបុរស២នាក់បានយកចេញក្រៅ និងលើកដាក់ក្នុងរថយន្តដឹកសពរួចហើយ ។
គួររំលឹកថា ករណីដាច់ធ្លាក់ជណ្តើរយន្តបណ្តាលអោយបុរស៣នាក់ស្លាប់បាត់បង់ជីវិត នៅក្នុងការដ្ឋានសំណង់កំពស់២១ជាន់ខាងលើរនេះ បានកើតឡើងតាំងពីរសៀលទី១២ តុលា ម្ល៉េះ តែមិនមានអ្នកណាម្នាក់ដឹង និងចាប់អារម្មណ៍ឡើយ ។ លុះនៅម៉ោងប្រមាណជា៨យប់ថ្ងៃទី១៣ តុលា ក្រោយពីបាត់ប្តី ឬ សាច់ញាតិ ទើបនាំគ្នាទៅប្តឹងកម្លាំងមានសម្ថកិច្ចមូលដ្ឋានចុះមករកមើលក៏ បានប្រទះឃើញជើងបុរសម្នាក់ក្នុងចំណោម៣នាក់នៅក្នុងប្រអប់ជណ្តើរយន្ត ទើបបង្ករការភ្ញាក់ផ្អើលកើតឡើង ។
ជនរងគ្រោះទាំង៣នាក់ ១-ឈ្មោះ យ៉ែម ទីន អាយុ៣៥ឆ្នាំ មានទីលំនៅភូមិទន្លេស ឃុំត្រពាំងព្រះ ស្រុកព្រៃឈរ ខេត្តកំពង់ចាម ២-ឈ្មោះ សុខ សម្បត្តិ អាយុ២២ឆ្នាំ មានទីលំនៅភូមិតាធាវ ឃុំជ័យ ស្រុកកំពង់ស្វាយ ខេត្តកំពង់ធំ ត្រូវបានគេរកឃើញនិងយកចេញពីប្រអប់ជណ្តើរយន្ត បាននៅព្រឹថ្ងៃទី១៤ តុលា នេះ។ចំណែកឯសាកសពបុរសម្នាក់ទៀត ជាអ្នកទី៣-ឈ្មោះ ធីម ធីរ៉ង អាយុ៣១ឆ្នាំ មានទៅលំនៅភូមិត្រពាំងបី ឃុំ បារាយណ៍ ស្រុកព្រៃឈរ ខេត្តកំពង់ចាម នៅមិនទាន់រកឃើញនៅឡើយ ហើយគេកំពង់តែស្វែងរកជាបន្តទៅទៀត។
នៅព្រឹកថ្ងៃទី១៤ តុលា ដដែល ក៏មានវត្តមានរបស់កម្លាំងមានសម្ថកិច្ច និងសាច់ញាតិរបស់ជនរងគ្រោះទាំង៣ ខ្លះនៅចូលទៅខាងក្នុងការដ្ឋាន និងមួយចំនួននាំគ្នានៅរង់ចាំខាងក្រៅ ដោយមានសន្តិសុខឈរឈាមទ្វារខាងក្រៅយ៉ាងតឹងរឹងផងដែរ។
ចែករំលែកព័តមាននេះ